Miss Rwanda yasuye urwibutso i Kabgayi anaremera abapfakazi baho

Joel Rutaganda
05/04/2017

Iradukunda Elsa nyampinga w’u Rwanda 2017 ari kumwe n’itsinda ry’abakozi ba Rwanda Inspiration Back Up, basuye urwibutso rwa Kabgayi kuri uyu wa gatatu banaremera abapfakazi 22 bo mu karere ka Muhanga.

Uru rwibutso rushyinguyemo imibiri isaga 10880 y’abazize Jenoside yakorewe Abatutsi mu 1994

Ibyo bikorwa byabanjirijwe n’umuganda rusange yabanje gukorana n’abanyeshuri ba St Joseph kuri urwo rwibutso ruri mu mudugudu wa Kavumu, Akagari ka Gahogo, Umurenge wa Nyamabuye, Akarere ka Muhanga rushyinguyemo imibiri isaga 10 880.

Mukagatana Fortune Vice Mayor ushinzwe imibereho myiza, yashimiye cyane Miss Elsa anavuga ko uretse kuba afite iryo kamba rya nyampinga w’u Rwanda anafite ubumuntu.

Bikwiye kuba urugero rwiza ku rubyiruko ruto rushobora kuba rufite indi myumvire itandukanye cyane n’iy’abanyarwanda yo gukora ibiteza imbere igihugu.

Miss Rwanda yasabye abapfakazi baho n’urubyiruko rwo muri ako karere ko badakwiye kwibuka Jenoside yakorewe Abatutsi mu 1994 mu gihe cy’iminsi 100 gusa.

“Ni byiza ko twibuka abacu bazize uko baremwe muri ibi bihe. Ariko bikwiye kuba umuco wacu nk’abanyarwanda aho kuba twabikora mu gihe cy’iminsi 100 gusa”. – Miss Iradukunda Elsa

Nyuma y’ibiganiro bitandukanye by’abayobozi bari aho, Miss Elsa yahaye abapfakazi ibikoresho byo mu rugo birimo Umuceri, amasabune, Amavuta yo guteka, ibitenge byo kwambara n’ibindi….

Mama wa Miss (ibumoso) Vice Mayor, Miss Elsa na Bosco uhagarariye IBUKA mu biro by’akarere ka Muhanga basobanurirwa uko igikorwa kigenda

Binjiraga mu buruhukiro bw’urwo rwibutso n’abayobozi b’akarere

Babanje gukora umuganda ku rwibutso rwa KABGAYI

Miss Rwanda n’urundi rubyiruko batunganya ibyatsi by’aha ku rwibutso

Yasize yanditse ubutumwa mu gitabo cy’abasura uru rwibutso

Aha yandikaga ibyo yumva byafasha abanyarwanda mu gihe cy’iminsi 100 yo kwibuka

Mu rugendo berekeza aho abapfakazi 22 batuye

Miss Elsa, abayobozi b’Akarere n’abanyeshuri bakoze urugendo bajya mu mudugudu urimo abapfakazi nyuma y’umuganda

Abapfakazi bishimiye cyane icyo gikorwa Miss Rwanda yabakoreye

Bimwe mu bikoresho yagejeje ku miryango 22 y’abapfakazi yasuye

Miss Elsa na nyina wari wamuherekeje muri icyo gikorwa

Photos© Ishimwe Innocent/UM– USEKE

Joel Rutaganda
UM– USEKE.RW

6 Comments

Mawazo says:
05/04/2017 at 10:44

Tekereza kuba muri 1994 Gitarama na Kabgayi hombi hari hatuye abantu ibihumbi 30, maze abo bantu bagahindukira bakica abantu 10,880 hariya i Kabgayi. Ni ukuvuga ko abaturage hafi ya bose bagize uruhare muri buriya bwicanyi. Icyakora icyo umuntu yakwishimira nibura, nuko ingabo za APR zarokoreye hariya i Kabgayi abantu 30,000. Imana izazihembe ibihwanye n’ibyo zakoze.

vicky says:
05/04/2017 at 11:38

mawazo reka ngusubize, kuba hashyinguye abantu bangana kuriya si ukuvuga ko bose ari abari bahatuye. hari n’ abari barahahungiye bahaguye. urugero ,hari abanyakigali benshi baguye i kabgayi .
- Mawazo says:
  05/04/2017 at 11:50
  
  @Vicky, ntabwo nahakanye imibare y’abahashyinguye, nerekanaga ubugome bw’ababishe. Naho ibyo usobanura birumvikana. Kuba nka Kigali y’Umujyi ifite inzibutso zishyinguyemo abantu hafi ibihumbi 300, ntibivuga ko bose ari abari bahatuye muri 1994.
  - Rwirangira says:
    05/04/2017 at 15:54
    
    Mawazo none icyo ushaka kuvuga ni iki ? Urashaka kutwemeza se ko abaturage bari batuye hariya ko bose bose bishe ?! Ibyo ni ubuhezanguni, ngirango ejobundi Police yatweretse umudemob wishe Ilibagiza, wari waragambiriye kwica abantu 1000. Bivuze ko abantu 10 batojwe (nk’uko abishe bari barabitojwe) kugirango bice abandi 10 000. Va ibuzimu.

Mwanainchi says:
05/04/2017 at 13:19

Miss Rwanda yifotoje nk’ukupakupa kandi ntabyo ariho akora. Usibye kuba nta cyatsi kigaragara aho yagombye kuba akupakupa, na bariya bantu bari muri trajectoire ya coue-coupe ku buryo abikoze yahita abatema. Kwifotoza ni byiza, ariko kubikora muri buriya buryo mu rwibutso rwa jenoside jye ndumva ari ikibazo.

petit says:
05/04/2017 at 17:26

mawazo buriya nti bwari ubwicanyi ahubwo yitwa genocide yakorewe abatutsi plz mugye mutandukanya ibintu

Comments are closed.

Share this:

6 Comments