Menya inyamaswa zitwa KOMODO, Dragon za nyuma zisigaye ku isi

Muri Indonesia niho gusa zisigaye, hashize imyaka 37 bashinze Pariki yo kuzirinda ngo zidashira kuko zariho zikendera kandi ari inyamaswa zimaze imyaka miliyoni na miliyoni muri kariya gace ka aziya y’amajyepfo.

Dragons bita Komodo ni ibikururanda binini rwose biteye amatsiko mu buryo biremwe.

Ni inyamaswa ziteye ubwoba zifite imiterere nk’iy’umuserebanya cyangwa ingona ariko kandi n’imigirire nk’iy’inzoka z’inziramire.

Komodo zirya ibintu byose bishoboka yewe n’umuntu ngo zamumira.

Ibi bisimba birya mu buryo butangaje kuko kurya rimwe kwabyo kimwe gishobora kumira ibintu bingana na 80% by’uburemere bwayo ubwayo.

Zifite umubiri w’ibizigira by’imbaraga, umurizo muremure, umutwe usongoye, amaguru n’amaboko binini n’ururimi rumeze neza nk’urw’inzoka.

Zifite inzara zityaye ku maboko n’amaguru n’amenyo mato nk’aya kamongo bizifasha kwivugana umuhigo wazo.

Mu gihinga kandi zifashisha amacandwe yazo y’ubumara bukarishye ashobora kwica uwo zaciriye mu masaha 24.

Komodo dragons nicyo gikururanda kiremereye ku isi kiba gifite ibiro bigera ku 150Kg n’uburebure bushobora kugera kuri 3m.

Iki kinyamaswa cyakoza ntabwo kinyaruka cyane kuko kigira umuvuduko wa 20Km/h iyo kiri kuvuduka.

Izisigaye ku isi ubu zibarirwa hagati ya 3 000 na 5 000 zose ziba ku birwa byo muri Indonesia muri Pariki babyitiriye.

Abanyarwanda baravuga ngo ‘Zirarema’

UM– USEKE.RW