Mariah Carey yasabye Nas kumushakira umukunzi mushya

Nyuma y’uko umuhanzi Mariah Carey atandukaniye n’umugabo we Nick Cannon, ubu uyu mugore yasabye inshuti ye ya kera yitwa Nas ko yamufasha kumushakira undi mugabo bakundana bitari urumamo.

Mariah Carey yari amaranye na Nick Cannon imyaka itandatu, batadukana muri iyi Kanama, 2014.

Umwe mu nshuti ze za hafi yabwiye the US Weekly ko bigoye Nas guhitamo umugabo yaha Mariah Carey.

Uyu muraperi Nas( amazina ye yose ni Nasir bin Olu Dara Jone) afite imyaka 41 y’amavuko yakoranye na Mariah Carey indirimbo yashyize kuri album yitwa I am Mariah…The Elusive Chanteuse.

Umwaka ushize inkuru yari yabaye kimomo ko Mariah na Nas bakundana ariko Nick Cannon we abigira urwenya avuga ko ari amagambo y’abantu.

Cannon yabwiye umunyamakuru mu kiganiro gikundwa muri USA ati: “Nas ni inshuti y’umuryango. Mariah yagiye mu birori by’umunsi w’amavuko ye kandi ni ibisanzwe nta kintu gikomeye mbibinamo, nta n’ishyari byantera.”

Mariah na  bashakanye muri 2008 bakorera ubukwe mu kirwa bwite cya Mariah Carey kiba mu birwa bya Bahamas. Bari bafitanye abana babiri b’impanga umwe yitwa Monroe na Moroccan bafite imyaka itatu y’amavuko.

Hari amakuru avuga ko Nick yacaga inyuma Mariah biza gutuma baka gatanya none Mariah nawe arishakira undi wamumara agahinda. Ntawamenya wasanga Nas ariwe umwegukanye!

UM– USEKE.RW