LIL Wayne azaririmba muri 2011 MTV Video Music Awards

Kugeza uyu munsi biravugwako umuraperi Lil Wayne azaririmba mu birori byo gutanga ibihembo 2011 MTV Video Music Awards uyu mwaka, mbere gato yo kuzasohora Album ye nshya. Ibi bikaba byagarutsweho na Manager we Cortez “Tez” Bryant mu kiganiro yagiranye na Billboar, yatangajeko Lil Wayne azaririmba muri biriya birori bizaba ari Live performance.

Manager wa Lil Wayne, Cortez yanasobanuye impamvu z’uko Album  “Tha Carter IV” ya Lil Wayne yatinze. Ngo ni ukubera ko hari indirimbo zitararangiza gutunganywa muri Studio, ariko akaba yijeje abakunzi ba Lil Wayne ko bagiye kubona album vuba aha.

Brayant yavuzeko nyuma gato yo kwitabira kiriya gitaramo cya MTV Music Video Awards, Album ya Lil Wayne izahita ishyirwa ku mugaragaro.

Ibi birori bya MTV Awards bikaba bizabera mu mujyi wa Los Angeles, ku itariki ya 28 Kanama 2011, muri Nokia Theatre. Naho album Tha carter IV ikazasohoka umunsi ukurikiyeho ni ukuvuga ku itariki ya 29 Kanama 2011.

Twabibutsako iyi Album, yari iteganyijwe gusohoka ku itariki ya 26 Kamena 2011. Iyi album izaba iriho indirimbo ya Lil Wayne wenyine yitwa “6 Foot 7 Foot”. Mu rwego rwo kwisegura ku bakunzi be .

Lil Wayne yateguye igitaramo yise Sorry 4 the Wait, akaba yaragikoze kuwa gatatu w’icyumweru gishize mu mujyi wa Hartford.
Lil Wayne, akaba yarasabye abakunzi be kumubabarira kubera impinduka zabayemo.

MUNYENGABE Sabin
Umuseke.com