Lil G yavanye Junior muri Touch Records kuri miliyoni ebyiri

Karangwa Lionel wamenyekanye cyane nka Lil G muri muzika nyarwanda, nyuma y’aho ashingiye inzu izajya ifasha abahanzi gushyira hanze bihangano byabo yamaze kuvana Junior Multisysyteme muri Touch Records kuri miliyoni ebyiri z’amafaranga y’u Rwanda (2.000.000 frw).

Round Music Studio niyo nzu itunganya muzika Lil G yamaze gushyira ahagaragaraga. Akaba anatangaza ko afite gahunda yo gukomeza kugenda areba bamwe mu bahanzi bafite impano akaba yabasinyisha amasezerano y’imikoranire n’iyo nzu.

Niwe muhanazi wa mbere ushyize ahagaragara inzu izajya ifasha abandi bahanzi mu bikorwa byabo bijyanye na muzika.

Mu kiganiro na Umuseke, Lil G yatangaje ko iyo nzu iriho amwe mu mafaranga y’ababyeyi be ndetse n’aye yagiye avana muri muzika mu bihe bimwe na bimwe bisanzwe.

Yagize ati “Iyi studio nshinze, ndifuza ko yazagira itandukaniro n’andi mazu yose asanzwe akorera mu Rwanda.
Kuko usanga akenshi amwe mu mazu avugwamo kutubahiriza gahunda n’abahanzi cyangwa se kuba batinda gushyira ahagaragara ibihangano by’umuhanzi.

Urebye rero nzi imikorere y’amazu yose ari nayo mpamvu ngiye kwita ku kurwanya ibikorwa byose byatuma inzu yanjye igira izina ritari ryiza.

Ni nayo mpamvu rero nahereye ku gushaka imwe mu nzobere nka Junior dufite muri muzika nyarwanda uzi aho muzika imaze kugera”.

Iyi studio ikaba iherereye mu Karere ka Gasabo mu Murenge wa Kimihurura imbere ya Romalo Guest House.

Joel Rutaganda

UM– USEKE.RW