La Palisse Hotel yatangije “Igisope” gishyushye

Kuri uyu wa Gatanu talki ya 04, Nzeri, La Palisse Hotel yatangije gahunda ya muzika ya Live buri week end mu rwego rwo gufasha abakiliya bayo kwishima no kuruhuka.

Abahanzi bazi kuririmba no gucuranga nibo bari bahanzwe amaso n’abakiliya bicaye munsi y’ibiti bitanga amahumbezi atuma umuntu yibagirwa imihangayiko y’icyumweru cyose akishimira ubuzima ari kumwe n’Iinshuti cyangwa umuryango we.

Hafi aho hari piscine ababishaka bashobora kogeramo bakagabanya ibinure bumva muzika ituma ubwonko bukora neza.

Ubuyobozi bwa La Palisse Hotel burateganya kuzongera iminsi muzika ya Live izajya ukinwa. Uretse ku wa Gatanu wa buri cyumweru barateganya kuzajya bakora no ku Cyumweru.

Buri wa gatanu batangira sa kumi n’ebyiri bagasoza sa tatu z’ijoro(18h00-21h00)naho ku Cyumweru ngo bazajya batangira sa kumi barangize sa moya z’ijoro(16h00-19h00).

Ubuyobozi bw’iyi Hotel burateganya kandi gutangira iyo gahunda ya muzika ya Live muri Golden Tulipp Hotel iri i Nyamata mu Karere ka Bugesera.

UM– USEKE.RW