Kwizera Pierre Marchard yasinye mu ikipe ya Volley ya Rayon Sport.

Kuri uyu wa Kabiri ikipe ya Volley ya Rayon Sport yasinyishishije  umukinnyi Kwizera Marchard wahoze akinira ikipe ya Volley ya Inatek akazakinira Rayon Sports Volleyball Club mu gihe cy’imyaka ibiri.

Mu kiganiro Marchard yagiranye na UM– USEKE  yatubwiye ko n’ubwo yarasanzwe akinira ikipe ya UMUBANO Blue Tigers atarafitanye amasezerano nayo ariko akaba yayikiniraga kuko ntayindi kipe yari yarasinyemo.

Ku makuru yari amaze iminsi amuvugwaho ko yaba yifuzaga kwerekeza muri Algeria gukirina ikipe imwe yaho atubwira ko byanze.

Marchard yagize ati:”Naringiye kwerekeza hanze na mugenzi wanjye witwa Mukunzi ariko ntibyaza gushoboka kuko mu ikipe twifuzaga, ubuyobozi bwaho bwemera umunyamahanga umwe kandi umwanya bifuzaga cyane ni uwo mugenzi wanjye akinaho.”

Marchard yakomeje avugako mu masezerano yakoranye na Rayon Sport Volleyball club bavuganye ko aramutse abonye indi kipe hanze yahita agenda nta mbogamizi .

Yakomeje avuga ko azakomeza kuba hafi y’ikipe ya UMUBANO Blue Tigers  kuko asanzwe ari umunyamuryango wayo kandi ari nayo yamutoje kuva akiri muto.

NKOTANYI Damas

ububiko.umusekehost.com