Kuri uyu mugoroba ikibuye kinini cyane kigiye guca hafi y’Isi

Abahanga bahaye iki kibuye izina rya 2014 J025 (The Rock) gifite ubuso buri hagati ya metero kare 640 na 1,4Km², bemeza ko ari cyo kibuye kinini kigiye guca hafi y’uyu mubumbe wacu guhera muri 2004, kiraca hafi y’isi ku isaha ya saa kumi n’ebyiri n’iminota 24 ku isaha yo mu Rwanda.

Abanyamatsiko bifashishije za Telescopes baraza kukibona, cyane cyane abatuye hafi y’impera z’Isi ndetse no mu duce duherereye mu gice cy’imirongo mbariro(regions tropicales).

Intera iki kibuye kiba kiriho iri kuri 1,8 million Km uvuye ku Isi.

Iyi ni intera ya hafi cyane ugereranyije n’intera iri hagati y’Isi n’izuba igera kuri  miliyoni ,Km.

Ibuye ringana gutya ngo rizongera guca hafi y’isi mu myaka 400 iri imbere.

Davide Farnocchia ukora mu ishami rya NASA ryiga imibare igenga ibiyega mu kirere cyo hafi y’isi yavuze ko abantu bari bubone kiriya kibuye mu gihe kitari kirekire cyane ariko ngo kiragaragara byanze bikunze ku bakoresha telescopes.

Kuba umubumbe w’isi udateye nk’umurambi ahubwo ukaba wiburungushuye nk’igi biraza gutuma abantu batabona iki kibuye mu bihe bimwe.

Jean Pierre NIZEYIMANA
UM– USEKE.RW