Kuri Noheli, Senderi azipimisha agakoko gatera SIDA yigana Rihanna

Kenshi usanga abantu bamwe bibwira ko Senderi afite ikibazo muri we cyo kuba yivugira ibyo yiboneye. Abandi nabo bakavuga ko ibyo akora abizi ahubwo ari amayeri yo gushaka guhora avugwa.

Niwe muhanzi witirirwa buri kintu gishya kigezweho cyabaye. Ubu akaba yari afite izina rindi rishya rya Donald Trump uherutse gutorerwa kuyobora Amerika.

Nyuma yo kubona ifoto cy’Umunyamerikakazi akaba n’umukinnyi w’amafilime Robyn Fenty wamamaye nka Rihanna yisuzumisha agakoko gatera Sida, nawe yavuze ko azabikora kuri Noheli imbere y’abafana be n’itangazamakuru.

Ku rubuga rwe rwa Instagram, yabwiye Rihanna ko yishimiye kubona atinyuka kwisuzumisha imbere y’abarenga ibihumbi 20.

Ko ari igikorwa cy’ubutwari kidapfa gukorwa na buri cyamamare cyose gikurikiranwa cyane noneho imbere y’imbaga y’abafana bawe.

Avuga ko byamuhaye imbaraga zo gutinyuka akazisuzumisha nubwo yumva bitamworoheye kugira ubwo bugaboo. Ahubwo agasaba abafana be kuzaza kumutinyura ku bisubizo azabona dore ko asaba n’itangazamakuru kuzaba rihari.

Ati “Rihana nagukunze kuba wipimishije mu ruhame imbere y’abantu barenga ibihumbi 20.000 ,ni ubutwari utitaye ku bisubizo uri bubone imbere y’itangazamakuru kuri uyu munsi wo kuzirikana abanduye agakoko gatera sida.

Wantinyuye nanjye kuri Noheli nzisuzumisha imbere y’itangazamakuru menye uko meze. Ahwiiiii nyagasani ndakwinginze uzambe hafi.

Banyamakuru bacu nkunda kandi nemera ndabasabye muzambe hafi n’abafana banjye mutinyucye muzaze tujyane n’abatarabanjye muzaze mu ntere akanyabugabo tumenye uko duhagaze.Thx Rihana”.

Mu minsi ishize nibwo yanashyize hanze indirimbo ayita ‘Convention’ yakoranye na Bruce Melodie. Abantu nayo ikaba yarabateye amatsiko yo kuyumva kubera iryo zina ry’inzu nziza iri muri Kigali.

Joel Rutaganda

UM– USEKE.RW