Umunsi wa 2: Mukura yatsinze APR FC yayakiriye i Kigali

CHIEF EDITOR
09/22/2015

Myugariro wa Mukura Celestin Ndayishimiye wahahagaze neza kenshi

Nyamirambo – Niwo mukino wari ukomeye kuri uyu wa kabiri, wabereye kuri stade de l’Amitie ku Mumena aho ikipe ya APR FC yari yakiriye Mukura VS y’i Huye. Uyu mukino ntiwahiriye ikipe yatwaye shampionat ishize kuko yatsinzwe bibiri ku busa ndetse yanarushijwe umukino mwiza.

Ikipe ya APR FC yari yakiriye Mukura i Kigali

Ku mukino wa mbere wa Shampionat APR FC biyigoye cyane yatsinze Etincelles FC i Rubavu, naho Mukura yari yatsinzwe na Police FC ibitego bibiri kuri kimwe.

Mukura yatangiye isatira, na APR ubu iri gutozwa na Emmanuel Rubona ikanyuzamo igasatira.

Ikipe y’umutoza Okoko Godfroid isanzwe izwiho kunobagiza neza umupira yabigaragaje ku Mumena, ihererekanya neza kurusha APR FC ndetse ku munota wa kabiri gusa ibona igitego cya mbere kinjijwe na Yussuf Habimana iyi kipe yavanye muri Kiyovu Sports mu igura ry’abakinnyi riheruka.

Iki gitego kinjiye ku burangare bwa ba myugariro Faustin Usengimana na Ismael Nshutinamagara bita Kodo, APR igerageza kukishyura ibicishije ku basore bayo Djihad Bizimana, Bertrand Iradukunda, Iranzi Jean Claude na rutahizamu Michel Ndahinduka ariko biba iby’ubusa igice cya mbere kirangira gutyo.

Mu gice cya kabiri APR yagarutse ishaka kwishyura ariko Mukura yihagararaho ikomeza guhererekanya no kugerageza gusatira bya hato na hato.

Mukura Victory Sports yaje kubona igitego cya kabiri kinjijwe na Christophe Ndayishimiye kuri iyi nshuro ku ikosa ry’umuzamu Yves Kimenyi usa n’uwatinze gusohoka. Umukino warinze urangira Mukura VS yegukanye intsinzi itaheruka kuri APR FC.

Ku munota wa 80 kandi, umusore wa Mukura witwa Hakizimana Muhajiri akaba murumuna wa Haruna Niyonzima, yacenze mwishywa we Bizimana Djihad maze aterera kure ishoti ryashoboraga kubyara igitego cya gatatu, gusa umupira ukubita umutambiko w’izamu.

Mukura Victory Sport ngo yari yaje yambariye gutsinda

Okoko Godfrey utoza Mukura umukino urangiye yagize ati: “twababajwe cyane no gutakaza umukino wa mbere twatsinzwe na Police. Abakinnyi bari banyemereye ko baza gukora ibyabo byose ariko amanota tukayabina yose. APR ni ikipe ikomeye ariko twari dukeneye intsinzi kubarusha. No mukibuga byagaragaraga. Yego ntitwari dufite kapiteni wacu Cyiza Hussein, ariko abandi bitwaye neza. Ndishimye cyane.”

Mu gahinda kenshi Rubona Emmanuel watsinzwe umukino wa mbere atoza APR yavuze ko amaze amasaha atageze kuri 48 atoza APR FC nkuru. Ati “Nakoranye nabo ejo gusa. Ni ukuri natunguwe nanjye. Abasore banjye ntibakoraga neza uko bisanzwe. Gusa nanone muzirikane ko Mukura ari ikipe nziza kandi nkuru. Bakinnye neza kandi batsinze. Uyu munsi wari uwabo.

Uyu mukino witabiriwe na benshi harimo n’umutoza w’ikipe y’igihugu Amavubi, Johnny Mackinstry, ndetse n’umutoza wa Rayon sports David Donadei.

Mu yindi mikino yabaye ni aho ikipe ya Police yahaye isomo Bugesera FC iherutse kuzamuka ikayitsinda ibitego bitatu ku busa, harimo icya Hegman Ngomirakiza Jacques Tuyisenge na Danny Usengimana.

Imikino irangiye kuri uyu mugoroba:

Espoir FC 1-1 Kiyovu Sports
Police FC 3-0 Bugesera FC
Amagaju FC 1-0 AS Muhanga
APR FC 0-2 Mukura VS

Iteganyijwe kuri uyu wa gatatu
Rwamagana City FC vs Etincelles FC – Rwamagana
Musanze FC vs Gicumbi FC – i Musanze
Rayon Sports FC vs AS Kigali – i Muhanga
Marines vs Sunrise FC – kuri Tam Tam/Rubavu

Myugariro wa Mukura Celestin Ndayishimiye wahahagaze neza kenshi

Rubona yavuze ko iyi kipe atarayimaramo n'amasaha 48 — Rubona yavuze ko iyi kipe atarayimaramo n’amasaha 48

Umusore Yannick Mukunzi na bagenzi be bagerageje kwishyura ariko biba iby'ubusa — Umusore Yannick Mukunzi na bagenzi be bagerageje kwishyura ariko biba iby’ubusa

Abayobozi muri APR FC barimo uhereye ibumoso; Maj Gen Mubaraka, Lt Gen Ibingira Fred, Minisitiri Gen James Kabarebe umuyobozi w'icyubahiro, Maj Gen A.Kagame n'abandi — Abayobozi muri APR FC barimo uhereye ibumoso; Maj Gen Mubaraka, Lt Gen Ibingira Fred, Minisitiri Gen James Kabarebe umuyobozi w’icyubahiro, Maj Gen A.Kagame n’abandi

Umutoza w'ikipe y'igihugu Johnny McKinstry yari yaje kureba uyu mukino w'amakipe makuru — Umutoza w’ikipe y’igihugu Johnny McKinstry yari yaje kureba uyu mukino w’amakipe makuru

David Donadei mutoza wa Rayon Sports, mukeba w'aba bombi, nawe yari ahari — David Donadei mutoza wa Rayon Sports, mukeba w’aba bombi, nawe yari ahari

Umwe mu bafana ba Mukura yari yaje yitatse amabara yayo umubiri wose

Photos/UM– USEKE

UM– USEKE.RW

15 Comments

lucy says:
09/22/2015 at 21:05

Iyo umuntu atsinzwe ntabura urwitwazo ngo 48h?

POLE SANA says:
09/23/2015 at 05:46

Nizeye ko babandi birirwa bavuga amagambo menshi babonye ko ntashingiro,equipe yiteguye neza niyo itsinda naho ibindi biba ari amarangamutima adafite ishingiro,ubuse natwe tuvuge ko mukura bayibereye cyangwa ko degaule na ferwafa mwahimbye amazina mabi ngo nabafana ba apr bayikuyeho amaboko bakaba bayasubije kuri rayon sport! mujye mubura kwitegura neza ngo andi maquipe barayibira daaa,gusa njye nshimiye mukura kuko yeretse equipe ya apr ko ntakigenda kabisa kandi bimaze iminsi,ubundise umutoza utazwi atoza ate equipe nka apr koko,ubwo ntibadahindura reka tuze dutsindwe nabo twari tumaze imindi duhondagura,njye ndabona apr yuno mwaka ineye ubwoba kabisa.

akaga says:
09/23/2015 at 06:14

uyumuntu wohejuru avuze ubusa. arunswe nuwayuye

Florence says:
09/23/2015 at 06:19

Ibi bigaragaza ko ekipe y’igihugu itoranywa nabi niba Mukura itsinda ekipe y’igihugu nako ya APR iyirusha gutya, abategura CECAFA mukwiye kureba kure mugatangira gutekereza kuri ba Muajiri, naho APR ni ikipe isanzwe yabayeho igihe cyose byayisunika.

Kirehe says:
09/23/2015 at 06:24

Ikinshimishije ni uko bibaye na ba Generaux bahari ntawuri muri mission, bikabera imbere y’abafana benshi kandi n’itangaza makuru rya AZAM.

safi rafiki john says:
09/23/2015 at 06:34

Apr fc yuyu mwaka iraciriritse kbs.arko c ubundi nihehe babonye equipe ikomeye ku isi ikoresha abenegihugu gusa?abayobozi Bayo nibemereko bahubutse mugufata uriya mwanzuro wo gukinisha abanyarda gsa.nibajye ku isoko batugurire abakinnyi bakomeye muri Africa ndetse nohanze yaho maze barebeko tudatsinda ama equipe tukaba equipe ikomeye kuruhando mpuzamahanga.Ubuse turusha ubwongereza abakinnyi,Brezil c cg Espagne?Ko amakipe yabo agura abanyamahanga?ntitwemerako amakipe yabo akomeye ku isi?

valentine says:
09/23/2015 at 07:02

Pore kubakunzi ba APR gusa ntawe ibyo bitageraho uyumunsi nitwe ejo nibo amagambo agashira ivuga nyamara Mashami yarashoboye ikipe yacu

dodos says:
09/23/2015 at 07:02

eeehhhh!!!! APEYERI BAYINOBYE WANA!!!!

POLE SANA says:
09/23/2015 at 07:16

Wowe wiyise akaga,urumva atariwowe uvuze ubusa gusa,ubwose niba avuze ubusa wowe umurushije iki ngo umukosore?APR njye ndabona niyo gakomeza gukinisha abanyarwanda gusa yenda ikazana nka rutahizsamu w’umunyamahanga ariko ushoboye kabisa byaba bihagije ariko bakadushakira umutoza ushoboye kabisa,naho ubundi Apr yasoje championat igaragaza imbaraga nke cyane none itangiranye championat izindi ubwo rero ntihatagira igikorwa ngo hategurwe championat yubutaha ntibizayorohera kabisa,andi ma team yariyubatse kandi aritegura neza.

jean mateso says:
09/23/2015 at 08:20

hatuwezi kurudi nyuma, na tutatumika hadi ngunga kumi. APR FC komera.

mwizerwa ananias says:
09/23/2015 at 08:30

SINEMERANYA NAWE UVUGA KO IGOMBA KUZANAMO UMUNYAMAHANGA NTITSINDA SE YATWAYE IGIKOMBE SE HARI UMUNYAMAHANGA URIMO IZIBAFITE KO ZITAGITWAYE NTARIRARENGA BIBAHO HABAHO GUTSINDA NO GUTSINDA