Koreya ya ruguru: Uwungirije Ministre w’intebe yarishwe

Choe Yong-gon  wari wungirije Minisitre w’intebe yishwe azizwa kunenga politiki ya Perezida Kim Jong Un yo kubungabunga amashyamba. Choe aheruka kuboneka mu ruhame umwaka ushize muri Ukuboza.

Ibiro ntaramakuru byo muri Koreya y’epfo, Yonhap, bivuga ko Choe Yong-gon  yari umwe mu bantu  bakomeye muri kiriya gihugu. Yigeze kuba Minisitiri wungirije  ushinzwe ibijyanye n’inganda kandi yigeze  guhagararira Koreya ruguru mu biganiro bagiranaga mu bucuruzi byabaye muri 2000.

Muri Gicurusi uyu mwaka Perezida Kim Jong  Un yishe Minisitiri we w’ingabo amurashe igisasu gihanura indege kubera ko ngo yasinziraga mu nama kandi yavuga  undi akajya amuca mu jambo rimwe na rimwe.

BBC ivuga ko kugeza ubu Perezida Jong Un amaze kwica abantu 70 kuva yatangira  kuyobora.

Muri Koreya ya ruguru ubu hariyo gahunda yo kongera gutera amashyamba kuko ngo inganda zayangije ndetse n’imyuzure iterwa n’imvura igwa ikabura ibiti biyatangira.

Perezida Kim Jong Un yanenze uburyo abanyapolitiki bahangana n’iki kibazo, avuga ko uburyo bwiza ari ukurinda ko iyi myuzure ibaho, ni ukuvuga gutera amashyamba kuruta kurwanya isuri ubwayo.

UM– USEKE.RW