Knowless yatashye inzu yasaniye uwacitse ku icumu i Nyamata

Joel Rutaganda
04/12/2017

Knowless na Karora Yusitina (hagati) mu nzu ye yasannywe

Ku nshuro ya 23 u Rwanda rwibuka Jenoside yakorewe Abatutsi mu 1994, umuhanzi Knowless Butera yasuye inzu yasannye ku bufatanye na Itel ya Karora Justine w’imyaka 72 y’amavuko wagizwe incike na Jenoside mu 1994.

Karora Justine utuye mu ntara y’Iburasirazuba, mu Karere ka Bugesera, Umurenge wa Ntarama, Akagali ka Cyugaro, Umudugudu wa Rugarama mbere y’uko inzu ye ivugururwa, iyo yabagamo mbere yayibanagamo n’amatungo ye.

Kuri uyu wa gatatu tariki ya 12 Mata 2017 Knowless n’abamuherekeje bagiye i Nyamata gutaha iyo nzu ndetse banasura urwibutso rwa Ntarama.

Mbere yo kujya ku rwibutso rwa Ntarama rushyinguyemo imibiri isaga 5000 yazize Jenoside yakorewe Abatutsi mu 1994, habanje gukorwa urugendo rwahereye ahitwa kuri Foundation Gasore.

Knwoless n’abo bari kumwe basobanuriwe amateka yaranze ubwicanyi i Ntarama mu 1994.

Mu buhamya bwatanzwe na bamwe mu baharokokeye, bavuze ko bashimira cyane ubuyobozi bwa FPR yagize uruhare mu ihagarikwa rya Jenoside.

Bavuga ko imyaka 23 ishize ari umwanya wo kureba ibyo bagezeho kandi ari nako baharanira icyateza imbere igihugu muri rusange.

Knowless, Karora Justine , n’umuyobozi wa Itel Rwanda bari bari kumwe

Karora Yusitina w’imyaka 72 wasaniwe inzu

Icyo gikorwa cyari kitabiriwe n’uhagarariye Polisi muri ako karere

Ibi ni bimwe mu byo bashyiriye Karora Yusitina

Knowless yasinye mu gitabo cy’abashyitsi

Photo/Ishimwe Innocent

UM– USEKE.RW

7 Comments

Masobona says:
04/12/2017 at 21:49

Kugira neza uvugisha ihembe imbere yawe ni ikibazo nyamara, cyane cyane iyo ufasha utishoboye.
- Mug says:
  04/13/2017 at 14:49
  
  Nta kibazo, nawe uzarivuze ariko ugire neza

Amos says:
04/13/2017 at 00:09

Wow, Knowless ndagukunze cyane, dore dukeneye abahanzi nkamwe mugira icyo mufasha societé nyarwanda, well-done kabisa aho wakuye imana ihasubize inshuro 7

Oreste says:
04/13/2017 at 08:16

ibintu nkibi nibyo biba bikenewe! Imana igumye kukuba hafi kandi iguhe umugisha namahoro mumuryango wawe! ndizerako aho wakuye Imana ihagusubiriza inshuro ndwi!

azaza says:
04/13/2017 at 08:22

Akaboko kawe nikagira neza aka bumoso ntikazabimenye….Imana ubwayo irabimenya kandi ikazagushimira.

RUKUNDO says:
04/13/2017 at 12:46

inside harimo business kurusha gufasha.
iki nicyo gihe abakunda kwigaragaza bakoresha kandi sibyo.

Hakizimana Emmanuel says:
04/15/2017 at 14:25

uyu mwana w umuko baramuhori abakomantinga.icyo nemera chema chajiuza KIBAYA chajitembeza.umukobwa wacu ni Intore kdi umusemburo mwiza kubandi.

Comments are closed.

Share this:

7 Comments