Knowless na Clement bibarutse umukobwa

Vénuste Kamanzi
11/22/2016

Amakuru dukesha inshuti za hafi z’umuryango wa Knowless na Clement aremeza ko ku gicamunsi cyo kuri uyu wa kabiri, bibarutse umwana w’umukobwa.

Knowless afashe ku nda y'imvutsi. Ku ifoto ari kumwe na Aline Gahongayire wari mubaherutse kumusura. — Knowless afashe ku nda y’imvutsi. Ku ifoto ari kumwe na Aline Gahongayire wari mubaherutse kumusura.

Mu bisanzwe amakuru y’uko azabyara umukobwa yari asanzwe azwi, n’ubwo Knowless na Clement badakunze gutangaza amakuru arebana n’urukundo rwabo ndetse n’urugo rwabo kuva batangira gukundana.

Inshuri ebyiri z’uyu muryango zemereye Umuseke ko bamaze kwibaruka, gusa ngo ntabwo zizi neza ibitaro Knowless yaba yabyariyemo. Uretse ko bishobora no kuba biri mu nyungu z’umutekano w’umubyeyi kuko ibitaro bimenyekanye ashobora gusurwa n’abantu benshi.

Hari hashize icyumweru Knowless ashyize amafoto kuri Instagram, ubwo yari yasuwe n’inshuti ze zirimo Aline Gahongayire na Tricia, umugore wa Tom Close, agaragaza ko ari hafi kwibaruka.

Aha yari kumwe na Tricia, umugore wa Tom Close.

Bari bamuzaniye Cake igaragaza ko atwite umukobwa.

Turakomeza gukurikirana amakuru y’umwana mushya wavutse, amazina bamwise dore ko ababyeyi basigaye bitira umwana kwa muganga, n’ibindi.

Bibarutse nyuma y’amezi atatu bakoze ubukwe bwiza bwabereye mu mujyi wa Nyamata, i Bugesera ndetse bukavugisha benshi mu Rwanda.

UM– USEKE.RW

9 Comments

Gatesi says:
11/22/2016 at 20:30

wau congz kabebe turabyishimiye rwose cyane,Imana ikomeze igufashe urere neza umwana wawe ndetse ukomeze kubana neza na clement urugo rwanyu rube ikitegererezo naho ab’amagambo bo azabashiramo

GAKUBA says:
11/22/2016 at 20:42

Nibonkwe

gakire says:
11/23/2016 at 08:05

ubwo se yahakanaga agaramye ngo ntatwite, abeshya nako yibeshya agirate?anyway niyonkwe kandi niyagure umuryango

boniface says:
11/23/2016 at 08:05

Ariko se mutubwira ngo umuntu yabyaye mugakoresha amafoto y’utwite ubwo ntimuba mudupfunyikira?mukosore.
- bebe says:
  11/23/2016 at 08:32
  
  ahubwose aline we ajemate ateyaturukahe? umuseke namwe mujyemuba professionnals, mumuzanyemo mutekoko?