Kim Kizito imbere y'Imana na Joie Liliane

Safari Kim Kizito umunyamakuru akaba n’umwe mu bagize uruhare mu ishinga itsinda rya Just Family azasezerana imbere y’Imana na Umugwaneza Joie Liliane mu kwezi gutaha.

Kim Kizito yibukwa cyane mu bagize itsinda rya Just Family, nyuma waje kurivamo, akomeza itangazamakuru n’ubundi bushabitsi (business).

Ku itariki ya 29 Gicurasi 2014 nibwo bagiye mu Murenge wa Remera basezerana imbere y’amategeko. Ni nyuma y’imyaka igera kuri itatu ari mu rukundo na Joie Liliane.

Tariki ya 19 Nyakanga 2014 nibwo umuhango wo gusaba no gukwa bizabera ku Gisozi no gusezerana imbere y’Imana bikurikire tariki 26 Nyakanga 2014 ku Kiliziya ya Mutagatifu Mikayile (St Michel) i Nyarugenge.

Kim Kizito akurikiye abandi bantu bazwi muri muzika Ziggy double 5, Victor Fidel, Danny Vumbi, Liza Kamikazi n’abandi barushinze ku mugaragaro mu myaka ishize.

Joel Rutaganda
ububiko.umusekehost.com