Kidumu, Danny Vumbi na Makanyaga mu gitaramo i Kigali

Nimbona Jean Pierre umwe mu bahanzi bubashywe mu Karere k’Afurika y’i Burasirazuba uzwi nka Kidumu, Kibido, Kibuganizo muri muzika, agiye gukorera igitaramo i Kigali.

Ni nyuma y’aho uyu muhanzi mu minshi yashize byagiye bivugwa ko yaba afite indwara yatumaga atabasha kuririmba. Ari ubu amakuru agera k’Umuseke avuga ko uyu muhanzi nta kibazo na kimwe afite kijyanye n’ijwi rye.

Zimwe mu ndirimbo avuga ko azaririmbira abanyarwanda, harimo Mungu Anaweza, Kwetu, Enjoy ndetse n’izindi zo hambere zirimo Intimba y’Urukundo, Amasozi n’izindi.

Muri icyo gitaramo kizitabirwa n’abahanzi bakunzwe mu Rwanda barimo Makanyaga Abdoul na Danny Vumbi, kizaba kirimo n’aba Djs bazwiho ubuhanga mu kuvanga umuziki.

Bamwe muri abo ba Djs bazafasha gususurutsa abazitabira icyo gitaramo, Ni Dj Kadir, Dj Pius, Dj Africa na Dj Brek.

Biteganyijwe ko icyo gitaramo kizaba kuri uyu wa gatandatu tariki ya 28 Werurwe 2015, kikabera ahitwa kuri Kaizen ku Kabeza. Kwinjira ni amafaranga y’u Rwanda 5000 frw.

Joel Rutaganda

UM– USEKE.RW