Kenya/Mu mafoto: Ingwe ibwegetse yarwanye n’isatura kimwe kihasiga ubuzima

Ku manywa y’ihangu saa 2h30, Umunyamakuru w’amafoto witwa Peter Thompson  n’umugore we bafashe camera zabo bajya mu gihuru kiri muri Pariki yitwa ‘Masai Mara’ yo muri Kenya bafata amafoto y’urugamba rutoroshye hagati y’ingwe y’ingore ibwegetse n’isatura yari yayibereye ibamba. Ni imbaraga nyinshi n’umujinya uvanze n’inzara, Ingwe yabashije kwica iyi satura yari ifite ubwirinzi bukomeye.

Amafoto agaragara ku kinyamakuru Dailymail yerekana ko ingwe yaje gusanga itabasha kwica iriya satura iramutse iyiturutse imbere kuko isatura yari ‘yafunze defence’ k’uburyo ingwe yajya kuyisumira igasanga indi yabambye.

Mbere y’uko urugamba nyirizina rutangira, ingwe yari yabanje gukurikirana iyi satura iyigenda runono ngo irebe ko yayigwa gituma ikayifata ku gakanu ariko isatura iza kugira amakenga iyibona hakiri kare.

Isatura imaze kubona ko itakwiruka ngo iyisige, yahindukiye birahangana amaso ku maso.

Urugamba rugitangira, isatura yabanje kubera ibamba inwe, yirwanaho ngo itayikoraho, yajya kuyiusumira igasanga indi yibambye amahembe yayo atunguka hejuru gato y’amazuru, ingwe ikizibukira.

Ingwe imaze kubona ko nta yandi mayeri yakoresha, yirashe mu kirere irenga isatura iyifata ku gakanu iyiturutse inyuma gato.

Ingwe zo muri iyi pariki yo muri Kenya, abaturage bazise ‘Bahati’ mu Giswayili (bivuga ko ari inyamahirwe).

Ubusanzwe Ingwe zihiga mu masaaha y’umugoroba kugira ngo zibashe kwihisha mu mukenke uba ufite amabara atuma inyamaswa zirisha zitabasha kubona ingwe mu buryo bworoshye.

Kubera ukuntu zibasha guhiga no kwica mu buryo buzoroheye kurusha intare, bamwe bazita inyamahirwe.

Aho ziciye inyamaswa inyamaswa zitazi guhiga n’impfisi ziba ziri hafi aho ngo bisangire ku muhigo.

Dailymail

Jean Pierre NIZEYIMANA
UM– USEKE.RW