Alassane Ouattara yarahiriye kuba perezida   i Yamoussoukro

Kuri uyu wa gatandatu niho perezida Alassane Ouattara  yarahiriye kuyobora igihugu cya  Cote d’Ivoire  i Yamoussoukro, umugi w’ ubuyobozi   muri iki gihugu(Capitale administrative). Uyu muhango ukaba wari witabiriwe  na bamwe mu bayobozi bakuru   b’ ibihugu bya   afurika bagera kuri 20. Uyu muhango kandi ukaba witabiriwe  n’umunyamabanga mukuru wa Loni  Ban Ki-moon, ndetse na perezida Sarkozy w’ uburafaransa .

Uyu muhango wari utegerezanijwe ubwuzu bwinshi muri iki gihugu ukaba warimo perezida w’ ubufaransa, Nicolas Sarkozy akaba ari nawe muperezida uturuka mu bihugu bikize wari witabiriye wenyine

Alassane Ouattara akaba yaje kwakira perezida w’ ubufaransa ari kumwe na Alain Juppé minisitiri w ‘ububanye n’ amahanga, ubwo bavaga mu ndege.

Nk’uko byari byatangajwe  inzu ikorerwamo na perezidansi y’ Ubufaransa (Eysée ) perezida Nicolas Sarkozy   yari yagize ati   «uzaba ari umwanya  wo kugaragaza ubufatanye  bwa politiki y’ubumwe n’ubwiyunge ndetse n’ ukwiyubaka kwa perezida Ouattara», Ibi rero bikaba ngo ari intambwe yagizwemo uruhare na leta ya Paris,

intambwe nziza mu buryo bwose.

Nicolas Sarkozy ngo akaba yifuza gufungura andi mateka mashya y ‘imibanire inoze hagati y’ubufaransa n iki gihugu cyo mu burengerrazuba bw’Afurika .

Ingabo z’ ubufaransa zikaba zarafashije ingabo za ‘Alassane Ouattara mu guta muri yombi perezida wayoboraga Cote d’Ivoire Laurent Gbagbo hari kuya  11 Mata, ubwo yari mu nyubako ye  i Abidjan mu murwa mukuru.

Nicolas Sarkozy akaba  ari we perezida w’ubufaransa usuye Cote d’ Ivoire bwa mbere   guhera mu 1997. Akaba  ari nawe kandi  wabonanye imiryango y’ Abafaransa ituye i Abidjan ubusanzwe yahahamuwe n ibikorwa  by ‘imvururu byabanjirije intsinzi ya Alassane Ouattara.

Jonas Muhawenimana

umuseke.com