Isura nshya ya Patrick Nyamitali mu muziki
Patrick Nyamitali yamaze gusobanukirwa neza icyo ashaka mu muziki
Patrick Nyamitali ni umwe mu bahanzi bafatwa nk’abahanga cyane mu muziki w’u Rwanda. Kuva mu ndirimbo zihimbaza Imana ‘Gospel’ akajya mu zisanzwe ‘Secular’ bisa naho byamugabanyirije umubare w’abafana b’ibihangano bye.
Ku rundi ruhande, byamwongereye gukanguka ndetse no gushaka gukoresha impano ye mu buryo bwo gukora umuziki nk’umunyamwuga aho kuririmba gusa ngo agire abafana benshi cyangwa se yinjize amafanga.
Ubu ni umuhanzi ngo ufite gahunda zo kwagura muzika nyarwanda ikaba yagira aho igera. Aho guhora indirimbo ze zakumvwa mu Rwanda gusa.
Kuva aho yitabiriye irushanwa rya Tusker Project Fame ryahuzaga abahanzi bo mu Karere mu mwaka wa 2013, avuga ko aribwo yamenye neza icyo agomba gukora mu buryo bwo kwagura impano ye.
Yabwiye Umuseke ko impano afite yo kuririmba atifuza ko yazamupfira ubusa ntacyo ayikoresheje mu kuba hari impinduka yakora mu muziki nyarwanda.
Yagize ati “Buri muhanzi wese burya aba afite intumbero. Nta n’umwe ujya wifuza guhora ahantu hamwe. Oyaaaa. Gusa iyo ubikoranye ubushake n’umuhate byanga bikunda ugera aho wifuza kugera nubwo uca mu nzira zitakorohera.
Impano abafana banjye n’abakunzi ba muzika muri rusange bambonamo, nifuza ko hari icyo yazangezaho mu minsi iri imbere kandi nkagira n’impinduka nkora mu muziki w’u Rwanda”.
Mu minsi ishize ubwo yashyiraga hanze indirimbo ye yise ‘Karema’, radio mpuzamahanga ya RFI ikaba yaragiranye ikiganiro nawe ku buhanzi bwe ndetse no kuri muzika muri rusange.
Icyo kiganiro ahamya ko gishobora kugira impinduka kizakora ku buhanzi bwe, biteganyijwe ko kizaca kuri iyo radio na television (zikorana na RFI) tariki ya 28 Werurwe 2016.
https://www.youtube.com/watch?v=XVuTbJv-FPw
Joel Rutaganda
UM– USEKE.RW
English
13 Comments
Yeweee ,sinzi kabisa ibyo gutera imbere kwawe ni aha Nyagasani. Imitekerereze yawe ugomba kuyihindura niba koko ushaka iterambere rirambye. “No Jesus no life”
akwiriye amahugurwa jamen , abahanzi bikigihe !!!!
Ukiririmira Imana nabonaga uri mwiza none ndabona wapi kabisa!! ibyo wikoze ndabona bitanakubereye rwose.
mujye mureka iterabwoba. Ngaho jya kubwira na Chameleone ajye aririmba gospel.
ibyago namakuba birikubava kumana
kabisa uzisubirire muri Gospel
wowe ntiwigaya
Imana igufasha
aliko rero ntitukarenganye umuntu. kuririmba ibindi sinumva ko bivuga ngo umuntu arekuye Imana. kuki mudatekereza ko inganzo muri gospel yarimushiranye se yumva hari ibindi bimurimo. uyu muhungu sumuswa kuri style ya muzika iyariyo yosr mumureke igihe cye kizagera agaragare kandi uzamwumva azumva difference ye na muzika yindi tujya twumva hano hanze mu Rwanda.kandi tubyemere kuririmba ubuzima busanzwe ntaho byanditse ko kuva muri gospel ari icyaha. Courage Nyamitali gerageza turacyakeneye abahanga muri Live music nkaw. niwiyongeraho hari icyo bizamarira umuziki wacu mu bihe bizaza kuko ubu biragoye aliko birimo biraza live music ibone intebe ikwiye.
ahhahahahahah. na ba mani Martin bavamo niko byavuzwe kandi iyi si yo ndirimbo ya mbere ukoze yo mu buzima bwa hano hanze twese duhoramo. abashaka bazumve nta herezo cg umuntu ni nkundi nindi mperuka kumva yitwa nguhobere bumve uburyo ziririmbitse bizabaha indi sura ku muziki wawe.Kora Muzika ibindi bizikora nawe ugerweho kuko nabagezweho hano iwacu ntaho mutaniye usibye uko isoko rya hano rya muzika riteye ndetse rinangana
Muhire we uvuze ukuri cyane cyane ko uyu muhungu aho maze kumubona azi Live byenyewe pe.
SHA WAGARUKIYE IMANA KO IYO SURA ITABEREYE IBYO WAVUZE MUNDIRIMBO Z’IMANA…URIBUKA IKIGANIRO CYIZA WAKOZE KURI RADIYO,URIBUKA ABAKIJIJWE KUBERA WOWE,URIBUKA IMITIMA YABABAJWE NO KUDAHA AGACIRO IBYA NYAGASANI YAEWE…IMANA YARAKUBIHIYE ARIKO NDAGUKUNDA CYANE
sha mujye mureka gucimanza ,ninde wababwiyeko atazi imana ,arikukazi ,nikihe cyaha yakoze ? arikukazi
Kuva muri gospel ntibivuga kureka Imana namwe mujye mubanza mutekereze.Ubuse ko mbere y,umwaduko w,abazungu abakurambere bacu bambazaga Ryangombe bagasenga Nyabingi n,ibindi byinshi nukuvuga ko Imana izabarimbura?Oya!Siko njye mbyumva pe!Umuntu wese afitanye ibanga n,Imana kandi ntitekereza nagato nkuko dutekereza.Nuko rero mumureke ndumva ntakibazo courage uri umuhanga
Walah ntureba ahubwo jamani yari yarigize pirate bmbega bogard walah Nyamitari ntawumurya muri photogenic
Ubu se natwe tugure amaherena n’amasengeri twambare Pocket tuve mu rusengero tumukurikire mu muhanda turarane nawe aho yagiye kurara acungira abasinzi mu kabari reka daaa Imana yaduhana nagende wenyine byeeee byeeee Nyamitari tuzahurire aheza mu ijuru nubasha kuhagera ugacuranga
Comments are closed.