Israel Mbonyi yakoze igitaramo kidasanzwe

CHIEF EDITOR
08/31/2015

Israel Mbonyi aririmba zimwe mu ndirimbo ze

Ni umuhanzi ufite indirimbo umunani gusa, indirimbo zakunzwe na benshi ku buryo budasanzwe, kuri iki cyumweru mu gitaramo cyo kumurika Album ye ya mbere izigize, Salle ya Serena Hotel yuzuye mbere y’igitaramo imiryango irafungwa ndetse bamwe mu baguze amatike bataha batinjiye.

Israel Mbonyi aririmba indirimbo ze kuri iki cyumweru

Israel Mbonyi yafatanyije n’abandi bahanzi nka Simon Kabera, Liliane Kabaganza mu gutaramira Imana, hari kandi abahanzi nka Doudou na Apolinaire b’i Burundi, Patient Bizimana, Gabi Kamanzi na Tonzi bari baje kumushyigikira nabo.

Abantu benshi cyane bagaragaje kwishimira cyane indirimbo z’uyu musore ukirangiza amasomo ye mu Buhinde.

Abantu benshi bamubwiye amagambo yo kumushyigikira, bamusaba kutava mu gakiza nka bamwe mu bahanzi ba ‘gospel’ bamubanjirije. Ndetse bamushyigikiye kuko hakusanyijwe amafaranga arenga gato miliyoni eshatu bamuha n’inka eshatu, zirimo iyo yahawe na Prof Thomas Kigabo umuyobozi muri Banki nkuru y’igihugu, BNR.

Israel Mbonyi indirimbo ze zakunzwe cyane ni nka; ‘nzi ibyo nibwira’ , ‘K’umusaraba’ na ‘Yankuyeho urubanza’ izi zose nta n’imwe arabasha gukorera amashusho yayo. Ariko ni indirimbo zakunzwe cyane, yaziririmbanye n’izindi zose umunani adahagaze.

Apotre Masasu wo mu itorero Restoration Church yasabye uyu musore kumvira abashumba no gusenga cyane kuko ngo ari byo byamugeza kure mu gukorera Imana. Yavuze ko yishimira cyane indirimbo z’uyu musore kandi azakomeza kumuba hafi.

Liliane Kabaganza yavuze ko azi Mbonyi kandi yari ameze nk’ubana nawe kuva ari muto.

Ati “Ndibuka antumira muri concert yari yateguye akiga muri secondaire i Gitarama. Nabonye ko ari umwana ufite ubushake kandi ufite n’impano. Icyo musaba ubu ni uko arushaho gusenga cyane, niba yasengaga kabiri ku munsi akube kabiri.”

Abantu benshi bavuze ko uyu musore w’impano idasanzwe hashize igihe gito cyane bamumenye ariko bagatangarira impano ye.

Umugore waturutse mu karere ka Musanze azanye n’abandi bantu 17 yavuze ko icyo asabye uyu musore ari ukumubera umukwe kuko yifuza kumushyingira umwe mu bakobwa be.

Ati “Ariko nibitanashoboka wambera umuhungu wanjye kuko n’ubundi ndakubyaye.”

Simon Kabera nawe ukora umuziki wa Gospel, yavuze ko biturutse ku mwana we w’imfura hashize igihe kitari kinini amenye Israel Mbonyi, ariko ngo yatangajwe n’impano afite mu ndirimbo ze, ndetse Kabera yahise amutera inkunga y’amafaranga ibihumbi 100.

Gabi Kamanzi nawe ngo ntabwo azi cyane uyu muhanzi, icyo amwifuriza ni kurushaho guca bugufi, abantu yabonye ngo bamuhe isomo ryo gukora cyane kuko ngo ntibyoroshye kuzuza Serena abandi bagataha. Gabi ngo abona ko uyu musore agifite ubumuntu no guca bugufi akamwifuriza gukomeza iyo nzira.

Undi muhanzi wa Gospel, Patient Bizimana avuga ko nawe atari asanzwe azi cyane uyu musore uretse kuba babana muri Restoration Church, Bizimana avuga ko kugira ngo uyu musore azamuke kurushaho yarushaho kumvira abamuyobora mu itorero kandi agakomeza gusenga cyane.

Israel Mbonyi yatangaje ko ari umugisha utangaje kubona akora igitaramo cya mbere kikitabirwa bingana uko byari bimeze, yavuze ko azakomeza guhimbaza Imana kandi atazava mu muziki uhimbaza Imana nk’uko yabihanuwe n’abakuru benshi.

Mbonyi yavuze ko agiye kwicarana n’abo bafatanyije gutegura iki gitaramo kugira ngo barebe uko basubiza amafaranga abaguze amatike batabashije kwinjira.

Salle yari yakubise yuzuye imiryango yafunzwe. Mu bitabiriye iki gitaramo harimo 'Chief Economist' wa BNR Prof Thomas Kigabo (wicaye imbere wambaye karuvati itukura) — Salle yari yakubise yuzuye imiryango yafunzwe. Mu bitabiriye iki gitaramo harimo ‘Chief Economist’ wa BNR Prof Thomas Kigabo (wicaye imbere wambaye karuvati itukura)

Israel Mbonyi aririmba zimwe mu ndirimbo ze

Simon Kabera yagaragaje gufashwa n'indirimbo z'uyu musore — Simon Kabera yagaragaje gufashwa n’indirimbo z’uyu musore

Umusore yaririmbye abantu barafashwa cyane

Uyu mugore yabwiye Mbonyi ko nabishaka yamushyingira umukobwa we, kandi amuhaye inka — Uyu mugore yabwiye Mbonyi ko nabishaka yamushyingira umukobwa we

Ap. Masasu yasabye uyu muhanzi ukiri muto kurushaho gusenga no kumvira abakuru

Israel Mbonyi (ibumoso) yumva impanuro za Ap. Masasu

Ap. Masasu yasengeye uyu musore ukiri muto w'impano itangaje — Ap. Masasu yasengeye uyu musore ukiri muto w’impano itangaje

Jean Paul NKUNDINEZA
UM– USEKE.RW

16 Comments

Chento says:
08/31/2015 at 07:18

Mana tukuzamuriye icyubahiro ubu n’iteka urahambaye uyu mwana afite umwuka wawe peee mukomeze natwe atwubake. bless u bro

Ru says:
08/31/2015 at 07:18

Murakoze Umuseke, Ariko umwana yarirmbye neza cyane!!! twaherukaga ibitaramo nka biriya cyera cyane Uwiteka akomeze amusige cyane!!

Kayitare wayitare says:
08/31/2015 at 07:47

nakizito mihigo yarushaga aho

cyasemakamba says:
08/31/2015 at 07:55

Abahanzi ni benshi gusa ababasha kujya mu ma studio ni bake kubera ubushobozi. Gusa uwo umwana Big up kbsa numiwe mbonye amamodoka hanze yabuze parking njye nagizengo hari inama ya ONU yabereye mu rwanda

Bonnke says:
08/31/2015 at 07:56

God bless you son #israel mbonyicambu

Kamara says:
08/31/2015 at 08:05

Masasu…..

UMUGWANEZA Jeanne says:
08/31/2015 at 09:09

mbega umu maman , ngo amushyingire umukobwa we , ubwo se umukobwa we yamwemeye , ndumiwe iby aba maman b ubu , birababaje niba umuhanzi aririmba ababyeyi bafashwabakifuza ko bahinduuka abakwe babo ,

Sarah says:
08/31/2015 at 11:44

Imana iri kumwe n’uyu mwana ndabihamya. kuko numvise uko indirimbo ze zamamaye byerekana ko Imana ikora niyo umuntu atabishyiramo ubushake so si igitangaza kuba yarakunzwe kandi nta mbaraga zirenze abishyizemo. Imana ikura ku cyavu ikicazanya n’abakomeye rwose.

Imana imufashe ,impano yamuhaye ntazayipfushe ubusa azirikane uko iri kumuzamura!

Emmanuel Rugina says:
08/31/2015 at 20:32

Mbonyi aliruimba neza rwose; ni nka Kizito Minigo. wongrereho ko we na Kizito bakomeza gukoresha amazina ababyyi babo babahaye, ibyo bikaba bizamura umuco w’u Rwanda n’amateka y’igihugu. Ni nka ba Mbonyi cg Ki8zito Mihigo bagombye gushyigikirwa mu gihugu cyose.

jean luc says:
08/31/2015 at 22:01

this guy is so amazingly annoiting ,simbivugishizwe na emotions ark numutima wumuramyi nshbora kumenya ko umuntu yasizwe. Ibindi mbonye we are proud of u ,keep it up

nyandwi alex says:
09/01/2015 at 06:18

IMANA Iikurindire murayo mavuta nshuti courage pe

ALEX says:
09/01/2015 at 06:19

Byiza kabisa israel komerezaho

Chris says:
09/01/2015 at 06:36

Urandorera position ya Apotre imbere y’abantu kweli! He was really overconfident!!!!!!!

fady says:
09/01/2015 at 07:14

Being anointed, having a gift from Yahweh….yeah. But mostly the wisdom to use it for Rwandan unity that is the core, sorry for who mentioned KIZITO. His talent lacked wisdom,patriotism and recognition, evil thoughts led him to his decadency.