Iran: Inteko n’ibiro bya Ayatollah Khameini byatewe n’abitwaje imbunda

Mu gitondo cyo kuri uyu wa gatatu ibiro ntaramakuru bya Iran,IRIB, byatagnaje ko abantu bitwaje intwaro bateye ku kicaro cy’Inteko ishinga amategeko ndetse no ku buro by’umuyobozi w’ikirenga wa Iran Ayatollah Khomeini mu majyepfo y’umurwa mukuru Tehran.

Imirwano yashyamiranyije abateye kugeza ubu ngo yaguyemo umuntu umwe ku Nteko Ishinga Amategeko n’abandi benshi barakomereka ku biro bya Atatollah.

Al Jazeera ivuga ko yahawe amakuru ko umuntu umwe ariwe wateye ku Nteko Ishinga amategeko akarasa abantu benshi.

Impamvu y’ibi bitero ntabwo iramenyekana.

Muri kariya gace haratutumba umwuka mubi cyane hagati y’ibihugu bidashyigikiye Qatar ndetse byaciye umubano nayo bishingiye ahanini ku mubano wihariye Qatar ifitanye na Iran.

Bahrain, Misiri, Saudi Arabia na Emirates zunze ubumwe z’Abarabu ni ibihugu byahagaritse umubano na Qatar biyishinja gutera inkunga imitwe ya Hamas na Muslim Brotherhood ndetse n’imyemerere y’ubuhezanguni muri Islam, ngo ikaba inabifatanyamo na Iran.

Ikinyamakuru FT kivuga ko imbarutso y’iyi nkubiri n’umwika mubi ari uko ngo Qatar yishyuye Miliyari imwe y’amadorari Iran n’abantu bakorana na Al-Qaeda kugira ngo harekurwe abantu bo mu muryango w’ubwami bwa Qatar bafashwe munyago muri Iraq bagiye guhiga.

Uku kwishyurwa mu ibanga ngo ni imwe mu mpamvu nyamukuru yahise ituma ibihugu bituranyi bya Qatar bibona iki gikorwa nko gushyigikira iterabwoba maze bicana umubano na Doha.

Muri uku kwishyura ngo miliyoni 700$ zishyuwe abantu bo muri Iran n’aba Shia bo muri Iraq bari muri kiriya gikorwa. Barengejeho miliyoni 300$ zahawe imitwe y’iterabwoba muri Syria cyane umutwe wa  Tahrir al-Sham ufite aho uhuriye na Al Qaeda.

Ibi byose ariko Iran na Qatar bivuga ko nta kuri kwabyo.

UM– USEKE.RW