Ingabo zarasiwe i Darfur zahawe icyubahiro mbere yo gutaha

CHIEF EDITOR
10/14/2011

Kuri uyu wa kane i Darfur ingabo ziri mu butumwa bw’Umuryango w’Africa y’Unze Ubumwe bwo kugarura amahoro muri Soudan y’Amajepfo zahaye icyubahiro bagenzi babo bishwe kuwa mbere batezwe n’abantu bataramenyekana.

Ni mu muhango wabereye ku kicaro cy’izingabo za UNAMID kiri ahitwa El Fasher, Darfur imbere y’abagaba bakuru b’izi ngabo, mbere gato y’uko imirambo y’aba basirikare babiri b’abanyarwanda n’umupolisi umwe wo muri Senegal ijyanwa muri Khartoum, yitegura kujyanwa mu bihugu byayo.

Umugaba mukuru wa UNAMID, Lt. Gen. Patrick Nyamvumba, yasabye izindi ngabo ayoboye kudacibwa integer n’ibikorwa nka biriya, no kugira umurava mu murimo bashinzwe yo kugarura amahoro bagenzi babo bishwe bariho bakora nkuko tubikesha Newtimes.

Izi ngabo zikaba zarishwe n’abantubbitwaje intwaro bazigabyeho igitero ahitwa Zam Zam, hafi y’inkambi y’abahunze imirwano bari bacungiye umutekano.

Abayobozi b’ingabo za UNAMID bamaganye ibi bikorwa byo kwica ingabo ziri mu bikorwa byo kugarura umutekano, ndetse ko ababikoze bakwiye gushakishwa bagahanwa.

Imibiri y’izi ngabo zishwe kuri uyu wambere ikaba izagera mu Rwanda mu minsi iri imbere ariko itaramenyeshwa. Aba basirikare babiri b’u Rwanda bishwe amazina yabo akaba ataratangazwa

U Rwanda rufite ingabo 3200 muri Soudan y’Amajyepfo mugace ka Darfur

UM– USEKE.COM

18 Comments

jusijusi says:
10/14/2011 at 09:50

ko mutatwiye amazina yizo nkotanyi
- Reply
  Kanakuze says:
  10/14/2011 at 22:18
  
  Nawe uraje! Ziriya se kandi ni inkotany ko ari ingabo z’u Rwanda? RDF, nguko uko muzaduteza amahanga! Abahoze mu nkotanyi ntibarara uburinzi muri INTERSEC genda wibateza urubwa.

ildephonse says:
10/14/2011 at 09:56

Imana ibakire mu bayo kandi abasigaye nabo ikomeze ibagende imbere ubu n’iteka ryose

Gakire says:
10/14/2011 at 13:20

Imana ibahe iruhuko ridashira, kandi izabahembere ibyiza bakoze mukubungabunga amahoro ku isi!!

rutinwa says:
10/14/2011 at 13:37

amaraso y’aba basore ni igitambo cy’amahoro abanyadarfour bakeneye,kandi ikimenyimenyi ni uko arimo kugenda agerwaho.
- Reply
  Kanakuze says:
  10/14/2011 at 22:15
  
  Ni uko atari wowe waguyeyo cg uwawe! Amaraso wabona uyamenera igihugu cyawe ntiwabona amenekera inyuma y’igihugu iwawe amahoro ahinda!!!
  - Reply
    mabushu says:
    10/17/2011 at 13:13
    
    KURAHOHO AMATIKU.
    
    INTORE Y’INTWARI YITANGIRA BOSE KANDI HOSE. SINGOMBWA IGIHUGU CYAWE GUSA.
    KUGIRANGO UGERE KU CYUSHAKA KANDI GIHESHA ISHEMA IGIHUGU CYAWE WITANGA HOSE.
    SO PLEASE BE INFORMED

Eric says:
10/14/2011 at 14:27

Our purpose is clear and we still strong.

soyos says:
10/15/2011 at 00:51

maskini izi ngabo IMANA izakire mu bwami bwayo amen. rip bambeee. ariko se commandingi offica uri hariya n,umucapakazi so azi icyo gukora kuko ntabwo nkab,abanyarwanda tuzemera ko abana bacu bakomeza gushyirira ishyanga. nihanganishije kandi imiryango yizi ntwali muri ibibihe bikomeye. IMANA ikomeze ibahe umutima wo kwihangana amen

Harerimana didace says:
10/15/2011 at 18:41

Uwiteka abane n’imryango yabo basirikare.

muhire zuma says:
10/16/2011 at 05:01

imana ibakire muntore zayo

Manyobwa says:
10/17/2011 at 08:44

Imana yakire izo ngabo mu mahoro yayo, ariko na UN izihutishe udufaranga babaha iyo icyo kibazo kibaye, ba nyiri izo ngabo nabo bazabe abagabo izo cash ntibazazirwaniremo kuko ndabizi ubu batangiye kuyagabana batarayabona, bamwe ahubwo bashobora no guhakana ko bari bafite abagore kandi bari babafite, murabe abagabo nti muzatatire amaraso y’izo ngabo zipfiriye ishema ry’uRwanda.
Imana ibahe iruhuko ridashira.

Pr Zeke says:
10/17/2011 at 11:47

Gusa twasabaga ko nibagera ino iwacu, tuzabanza guhabwa iminota itatu saa sita z’amanywa yo kubunamira,

MURAKOZE

titi says:
10/17/2011 at 11:56

Ariko sha iyo bahinduye izina bikozwe mu buryo bwemewe n’amategeko wowe jusijusi usigara inyuma ntacyo wamenye, inkotanyi se ziracabaho hari izi gihugu, ko utavuze EXFAR se ukavuga inktanyi kandi zaravanze. uri umuntu ufite ibindi mu mutwe

felicien says:
10/17/2011 at 19:00

haranira gukora ibyiza kuko ntamategeko abihana kandi umenyeko gukora neza byigisha benshi .bikaguhesha ishema aho uri hose ndetse n’ igihugu cyakubyaye .

Ange says:
10/17/2011 at 19:32

imana ibahe umugisha.

S. SIRADJI says:
10/17/2011 at 20:30

Mwangabomwe, mwitabye Rurema, ni mugenda muri INTWARI. Tuzahora tubibuka nubwo bataratubwira amazina yanyu.

JOHN says:
10/19/2011 at 20:53

Ntimucike intege haracyari ibyiringiro.

18 Comments

Leave a Reply Cancel reply