Dream Boyz na Urban Boyz gufatanya n’abandi bibaha amahirwe muri PGGSS

Ibi byagaragaye ku munsi wo kuwa gatandatu taliki ya 9 Nyakanga 2011,  aho  aba bahanzi bakurikiranye  no mu guhamagarwa kw’abagomba kuguma muri Guma Guma Superstar, kubera ahanini indirimbo zabo MPAMIRIZA UKURI (Dream Boyz) na INDAHIRO (Urban Boyz)

Mumarushanwa ya PRIMUS GUMAGUMA  SUPER STAR  Live yabanje abenshi  bari bemeje ko izi groupes zititwaye neza,  gusa byaje kugaragara ko aba bahanzi bafite abakunzi benshi,  biza no gutuma  Mani Martin na Faysal bavamo nyamara  abenshi baremezaga ko Faycal na Mani Martin bafite ubushobozi bwa live music dore ko bari bitwaye neza muri live ya mbere.

Ariya ma Groupe yabonye inyungu mu gufatanya   kuko ubu URBAN BOYZ  na RIDERMAN basubiye gukorana indirimbo yageze hanze kuri uyu wa gatandatu ushize naho  DREAM BOYZ na JAY POLLY  nabo bakaba bari bushyire indirimbo yabo nshya uyu munsi (kuwa mbere), Ibi ngo bituma bakomeza ubufatanye ndetse no gukomeza hamwe abakunzi babo muri iki gihe babakenye cyane cya Guma Guma Superstar.

Muzogeye Plaisir
Umuseke.com