Inama y’ubutegetsi ya IMF yemereye u Rwanda inguzanyo ya Miliyoni 204$
Mu ijoro ryakeye inama y’ubutegetsi y’ikigega mpuzamahanga cy’imari (International Monetary Fund) nyuma yo gusuzuma uko ubukungu bw’u Rwanda buhagaze n’uko butera imbere yemeje guha u Rwanda inguzanyo ingana na miliyoni 204$ azishyurwa mu mezi 18 nk’uko bikubiye mu itangazo basohoye.
Aya mafaranga ngo ahawe u Rwanda kugira ngo rugire icyo rwizigamira mu madevise maze ruhangane n’ikibazo cy’amadevise macye giterwa no gutumiza ibintu byinshi mu mahanga kurusha ibyo u Rwanda rwohereza.
Iri tangazo rivuga ko agera kuri miliyoni 102$ ahita atangwa nyuma y’uyu mwanzuro.
Aya mafaranga ngo akazagira icyo amara kuri gahunda y’u Rwanda yo guteza imbere ubukungu bwarwo no guhangana n’ikibazo cy’uko ubukungu bw’isi ubu budatanga ikizere cyane.
Kugeza ubu nibwo bwa mbere ifaranga ry’u Rwanda ryatakaje agaciro kugeza ku nshuro 805 imbere y’idorari rimwe rya Amerika. Hakaba hari ikibazo kinini cy’amadeveize mu gihugu ahanini kubera ubwinshi bw’ibikoresho bitumizwa mu mahanga.
Mu bitumizwa mu mahanga byinshi bituma amadevise ajya hanze higanjemo ibikoresho by’ubwubatsi ku mishinga minini y’ubwubatsi iri gukorwa mu Rwanda, nka Kigali Convention Center, ndetse aya madevise akazaba macye nanone kubera indege ebyiri za Airbus za Rwandair zigiye kugurwa muri Canada.
Nyuma y’uyu mwanzuro wa FMI ku Rwanda, umuyobozi wayo wungirije Min Zhu yatangaje ati
“Imyitwarire y’u Rwanda muri gahunda yacu ya ‘Policy Support Instrument’ yatumye habaho gutera imbere kw’iki gihugu no kugabanya ubukene. Iterambere ry’ubukungu bw’u Rwanda mu 2015 ryagezweho kubera gushingira kuri serivisi ndetse u Rwanda rwagerageje guhanga no gutakaza agaciro k’ifaranga.
Cyakoze, uko ibintu bimeze iri terambere ryahuye n’ibirihungabanya mu mezi macye ashize kubera impamvu zo hanze y’u Rwanda aho ibicuruzwa byazamutse, ndetse no kuzamura agaciro kw’idorari rya Amerika, ibi byatumye amafaranga u Rwanda rwabonaga mu byo rwohereza hanze agabanuka bitera igitutu ku ivunjwa ry’idorari mu gihugu no ku bubiko bw’amadevize bw’u Rwanda.”
Uyu muyobozi wungirije wa IMF ari nawe wari uyoboye inama y’ubutetsi yayo avuze ko abayobozi b’u Rwanda bari gufata ingamba zikomeye mu guhangana n’iki kibazo gituruka hanze y’u Rwanda muri zo harimo gushyira imbaraga mu kongera ibikorerwa imbere mu gihugu, kugabanya ibitumizwa hanze no kongera umusaruro w’ibyoherezwa mu mahanga nk’uko biri muri iri tangazo.
Min Zhu avuga ko izi ngamba nizishyirwa mu bikorwa bizatuma umusaruro mbumbe w’igihugu uzamuka ku kigero cya 6% mu 2016/2017 mu gihe IMF izaba yafashije mu gukomeza ububiko bw’amadevize bw’u Rwanda.
UM– USEKE.RW
English
16 Comments
Muri make tuziko aya mafaranga atazakorwaho ahubwo aramafaranga yogukomeza guha support ifaranga ry’u Rwanda kugirango ridakomeza kwitura hasi.Nibyo Gatete yadusobanuriraga ejobundi.Njyewe nshaka kumenya ahubwo ubyasabwe u Rwanda kuko tuzi twese ko IMF idapfa kurekura ifaranga nta contre-partie ihawe.
Niba mushakako ibintu bikosoka musubize KANIMBA muri BNR canke mwinginge Kaberuka aze gufasha: Aba ni incabwenge mu bijanye n’amahera.
Nanjye ndemeza ko Bwana KANIMBA Francois asubiye muri BNR cyangwa se akagirwa MINECOFIN ifaranga ryacu ritakomeza guta agaciro kariya kageni. Ntabwo ari ukumushimagiza kuko ntanicyo mucaho, ariko rwose ni uko abantu bamwe batabizi, uriya KANIMBA Francois ni umukozi mwiza kandi ni n’umuhanga muri biriya bijyanye no kubungabunga ifaranga n’ubukungu by’igihugu.
Bigakubitiraho ko ari umuntu wubaha abandi, akajya inama, kandi muri kamere ye ntabwo arimanganya, keretse niba hari abanyepolitiki bamaze kumwanduza.
Kanimba ashobora kuba yarazize kuba yarababwiyeko za Rwanda day zihombya abanyarwanda, uyu musope w’i Gikongoro bamusubize muri BNR.
DONALD KABERUKA yarabyumvaga neza,abandi ni ukugerageza, nkekako umwaka uzarangira 1USD rigeze kuri 1000RWFS.
Utwo mfite twose ngiye kudushyira mwi dolari ubundi nituramire.
hhh nange ntyo! Ibintu bijyanye n’ubukungu ntibikorana no kugerageza cyangwa kubyigira mu kazi. Muzehe nabihe ababifitemo uburambe kandi bagaragaje ubushobozi. Otherwise ibipimo twari tugezeho birahanuka.
Kandi ba nyakubahwa barakomeza kudusobanurira ko gukomeza kuguza, mu gihugu no hanze, ari inzira yo gukira vuba! Tubihange amaso.
Dore idolari hano we!! Ndarireba amazi akuzura akanwa.
Man nanjye ibi bya comments simbyitayeho nitaye kuri ririya dolari, inzara ihise inyica
cycle of business igomba kubaho kuko ntabwo twagumya kugira ubukungu buri stable ntibyakunda ‘niyo mpamvu tugomba kubyumva ‘ahubwo tugaharanira gushira mubikorwa iyo myanzuro ;abayobozi baba batugejejeho !!!
Aya mafaranga ko ari menshi tuzayishyura mwo kabyara mwe?Ko mbona u Rwanda rukataje mu madeni da?nzaba mbarirwa rwose
Nyuma yo guhabwa aya madevize/amadolari IMF yemeye kuduha (kutuguriza) Leta y’u Rwanda yari ikwiye gufata ingamba zihamye kugira ngo ibura ry’amadolari ku isoko mu Rwanda ritongera guteza ibibazo birimo na “dépréciation du Franc Rwandais” (Guta agaciro k’Ifaranga ry’u Rwanada).
– Abarangura ibintu mu mahanga basaba amadevize/amadolari muri BNR cyangwa izindi Banques hakagombye kurebwa neza niba koko ibyo batumije hanze bikenewe cyane mu Rwanda basanga atari ngombwa bakabireka
– Mu mahanga hagomba gutumizwa mbere na mbere ibintu bifitiye abaturarwanda inyungu rusange atari inyungu z’abantu ku giti cyabo
– Za Forex Bureaux zikwiye kujya zihabwa amadolari make/aringaniye kuko byagaragaye ko abantu benshi basigaye bajya kuvunjisha amadolari muri za Forex Bureaux bamara kuyabona bakajya kuyabitsa ku ma konti yabo mu bihugu byo hanze. Murumva ko iyo bigenze bityo igihugu cyacu kiba kihatakariza bikomeye.
– Kugabanya umubare wa za Forex Bureaux ziri mu gihugu hagasigara nkeya ku buryo BNR yajya ikurikirana imikorere yazo bitayigoye kandi ikaziha amabwiriza ahamye zigomba kugenderaho n’amategeko zigomba gukurikiza. Usanga muri ziriya Forex Bureaux hakorerwamo za “spéculations” nyinshi cyane zishobora guhungabanya ifaranga ry’u Rwanda.
– Gufata icyemezo cyo guhagarika burundu za Forex Bureaux zitubahiriza amabwiriza n’amategeko y’ivunjisha
– Gushyira ingufu mu kongera umusaruro w’ibicuruzwa bya Kinyarwanda bijya mu mahanga (produits d’exportation) bikinjiza amadevize
– Kugabanya umubare w’ibyo dukura mu mahanga bidutwara amadevize kandi atari ngombwa. urugero hari abantu basigaye bagura hanze ibikoresho byo mu nzu zabo (nk’intebe, ibitanda, ameza, utubati etc….) bigatwara amadevize kandi mu gihugu tubifite byiza byakozwe n’abanyarwanda.
– Kugabanya importation ya za “voitures individuelles” ahubwo hagashyirwa imbere importation ya za “bus de transport en commun”.
Iki sicyo kibazo ahubwo ikibazo tugishakire muri GDP and GNP y’igihugu naho ibindi byose twavuga ngo idolari ryazamutse n’ibindi byose bituma dusaba izo nguzanyo biraturuka aho. Ese koko uko tuvuga ubukungu bwacu buhagaze nibyo? Mu bitumizwa hanze hari ibikoresho byo kubaka kandi nk’uko bigaragara turi kuzamura inyubako ndende nyinshi zitwara amafaranga menshi igihugu ibi bikerekana kugwa cyane kw’ifaranga ry’igihugu bitewe no gukenera amadevize yo kubitumiza. Ariko gusa ikibazo ni kimwe, ni byiza ko amazu menshi ari kuzamuka ariko se dufite plan y’imyaka ingahe twihaye kugira ngo ayo mazu yubakwa abe yamaze kugaruza akayabo kayagendaho? None se ayo mazu yubakwa yose akorerwamo? Ese ubushobozi na sustainability y’abayakoreramo ingana gute ?Ese purchasing power yacu mu Rwanda ihagaze ku gero kingana iki kuri buri muturage? Ese ni iki cyakorwa kugira ngo imisoro yose itagera mu kigega cya Leta ibashe kukijyamo bityo ubukungu bwacu bushingire ku misoro n’amahoro wenda inkunga n’amadeni bigabanuke? Ese urwego rw’inganda ndetse n’abikorera iwacu rufite ubushobozi bungana iki mu kuzamura GDP na GNP y’u Rwanda? Gusa si ndi economist gusa ni uko njye mbibona!
Philos, ongeraho ko crise ya 2008 yatangiriye kuri bulles immobilières muri USA ikaba ikizahaza ubukungu bw’isi nyuma y’imyaka 8 umunsi byaturikiye mu Rwanda nta niyo konka izasigara.
Kanimba asubire muri BNR muvanemo abaswa mureke intiti zikore.