VIDEO: Imikino ibanza ya AZAM Rwanda Premier League yerekanye impano zikomeye

Amakipe afite ubushobozi yaguze abakinnyi batandukanye hari   abagaragaje ubuhanga  budasanzwe mu mikino ibanza ya shampiyona y’u Rwanda ‘AZAM Rwanda Premier League’ iterwa inkunga na AZAM TV.

Nahimana Shassir  yaguzwe na Rayon  Sport  aturutse muri  VITAL’O  y’I Burundi, uyu  musore akomeje gushimisha  abakunzi b’iyi kipe atsinda  ibitego bitandukanye, ubu afite ibitego 11  mu mikino  15  y’igice  cya mbere cya  shampiyona.

Usengimana  Danny rutahizamu wa Police Fitego byinshi 16 kurusha abandi umwaka  ushize, ubu niwe uyoboye abandi ba rutahizamu  n’ibitego 12  mu mikino  15  y’igice kibanza  cya  shampiyona.

Muvandiwe Jean  Marie  Vianney myugariro  ukina ibumoso muri  Police FC  nawe  akomeje gutangaza abakunzi b’umupira w’amaguru mu Rwanda, igitego cya coup franc yatsinze APR FC ni kimwe mu bitazibagirana.

Nshuti Innocent rutahizamu wa APR  FC umusore  w’imyaka 17 yabashije  gutsinda  igitego  cyiza  nyuma yo  gucenga ba myugariro  ba Sunrise FC. Ubu niwe muto mu myaka kurusha abandi bakina muri iyi shampiyona.

Rutayisire  Egide myugariro  ufite inararibonye wa  Gicumbi FC nawe yitwaye neza muri iki gice cya  mbere cya AZAM Rwanda Premier League. Yaragaragaje ubuhanga bukomeye mu gutsinda  coup franc. Nubwo ari myugariro yatsinze  ibitego 4, bibiri muri byo ni coup franc .

Manishimwe  Djabel umukinnyi wo hagati  wa  Rayon sports ukina asatira niwe watanze imipira myinshi yavuyemo ibitego. 30% by’ibitego Rayon sports yatsinze ni imipira yavuye kuri Manishimwe w’imyaka 19, kuko yatanze ‘assists’ icyenda (9) mu bitego 31 mu mikino  15.

Igice  cya  mbere cya  shampiyona AZAM Rwanda Premier League 2016-2017  cyarangiye  Rayon  Sport iyoboye urutonde by’agateganyo  n’amanota 36.

Azam TV ikaba izakomeza kubagezaho imikino yo kwishyura ya AZAM RWANDA PREMIER LEAGUE (Phase Retour) n’imikino y’igikombe cy’amahoro (PEACE CUP 2017).

Usibye imikino kandi  kuri Decodeur ya AzamTV usangaho amashene yerekana amafilimi, amakuru, iyobokamana, imiziki, ibiganiro by’abana,imyidagaduro n’ibindi nyinshi.

Ubu kandi ushobora kwigurira ifatabuguzi rya Azam TV ukoresheje MTN Mobile Money cyangwa se ukagurira ku tumashini twa Max pay tukwegereye aho waba uri hose mu gihugu.

“Azam Tv Imyidagaduro Kuri Bose”