“Imana inkuye aho Umwami yakuye Busyete”- International Hit

Senderi International Hit umuhanzi ukunze kurangwa n’urwenya rwinshi nyuma yo gushyira hanze indirimbo zisaga 148 agiye gushyira hanze album ye ya mbere  yise ‘Nsomyaho’.

Uyu muhanzi ukunze kutabura udushya twinshi akora muri muzika ye, atangaza ko kuva yatangira kuririmba amaze kuzenguruka Imirenge igera kuri 375 yo mu Ntara zose z’igihugu, bityo akaba anavuga ko nta wundi muhanzi yumva umurusha gusabana n’abakunzi be.

Mu kiganiro na UM– USEKE, Hit yagize ati “Imana icyo izakugira ntaho kijya, kuko nari maze igihe nyisaba kuba nashyira hanze album yanjye kuko abakunzi banjye bagiye babinsaba. None igihe n’iki nkajya mu ruhando rw’abahanzi bashyize hanze ama album za bo ku mugaragaro”.

Biteganyijwe ko Senderi azashyira hanze album ye ku itariki ya 22 Gashyantare 2014 mu Karere ka Kirehe mu Ntara y’Iburasizuba.

Abahanzi bazajya gufasha Senderi harimo, Knowless, Jay Polly, Amag The Black, Social Mula, Two 4 Real na Tuyisenge. Kwinjira muri icyo gitaramo bizaba ari ubuntu kuri buri  wese .

Reba amashusho y’indirimbo’Nsomyaho’ yitiriwe album ya mbere ya Senderi.

Joel Rutaganda
ububiko.umusekehost.com