Ikipe ya Musanze ikomeje kwiyubaka

Ikipe ya Musanze FC ibarizwa mu Ntara y’Amajyaruguru mu rwego rwo kwiyubaka na yo imaze gusinyisha abakinnyi 6 kugira ngo yitegure shampiona y’umwaka utaha.

Iyi kipe yarangije ku mwanya wa karindwi  n’amanota 36 muri shampionna y’umwaka ushize, ubu yamaze kugura  abakinnyi barimo  Bienfait Kabanda yakuye mu ikipe ya Mukura, Innocent Mugabo wari muri Police,  Arafat Bahame na  Lama bakiniraga Etincelles, ndtese na  Yongo wari usanzwe mu ikipe ya Espoir.

Undi mukinnyi Musanze FC yamaze kubona ni Kidega ubusanzwe wabarizwaga mu kiciro cya kabiri.

Umutoza wa Musanze FC,  Maurice Mutuyimana yatangarije Times Sport ko ikipe ye ishaka kongera imbaraga ku buryo na yo igomba guhatanira igikombe cy’umwaka utaha.

Maurice ati “Tugomba kubaka ikipe ikomeye kandi ibasha guhatana n’andi muri shampionna. Twazanye abakinnyi 6 bashya kandi dufite gahunda yo kongerera amasezerano n’abandi bakinnyi.”

Yongeraho ati “Twarangije ku mwanya wa 7 turifuza ko umwaka utaha twaza mu makipe 6 y’imbere.”

Source: Times Sport
JD Nsengiyumva Inzaghi
UM– USEKE.RW