Somalia: Al Shabab yahitanye 13 mbere gato y’uko Obama ava muri Kenya

Kuri iki cyumweru mu masaha yo ku gicamunsi Umutwe w’ibyihebe wa Al Shabab waturikije  igisasu kiremereye i Mogadisho  mu murwa mukuru wa Somaliya ituranye na Kenya mbere gato y’uko Perezida Obama ava muri Kenya  yerekeza muri Ethiopia aho yageze kuri uyu wa Gatanu mu rugendo rw’akazi. Amakuru aravuga ko iki gitero cyahitanye abantu 13.

Umwe mu bakuru ba Al Shabab yigambye ko aribo baturikije kiriya gisasu.

Kubera urugendo rwa Obama muri Kenya no muri kariya gace gaturanye na Somalia aho Al Shabab ikorera, umutekano wari warakajijwe ariko ntibyabujije bariya barwanyi gukanga akarere Kenya iherereyemo.

Perezida Obama ubu ari  muri Ethiopia aho azitabira inama y’abakuru b’ibihugu by’Africa yunze ubumwe izaterana kuri uyu wa kabiri.

Al Shabab yari yararahiriye ko izakoma mu nkokora urugendo rwa Obama ariko kugeza ubu yari itaragira icyo ikora ku mutekano we ndetse n’abaturage ba Kenya muri rusange.

Nation FM niyo yatangaje iki gitero bwa mbere ibinyujije kuri twitter ariko nyuma n’ibindi binyamakuru bikigarukaho.

Large explosion heard in #Mogadishu as @POTUS prepares to leave #Kenya for #Ethiopia. #ObamaInKenyapic.twitter.com/f2GNGmp1td

— Nation FM (@NationFMKe) July 26, 2015

UM– USEKE.RW