Digiqole ad

Ibimenyetso 10 bigaragaza ko umukobwa agushakaho urukundo

Gukunda no gukundwa ni ibintu byizana, kandi ntawe bitabaho muri iyisi dutuyeho, yaba ashaje cyangwa ari muto. Gusa ikigora ni ukumenya niba hari umuntu ukwitayeho cyangwa ugukunda, ngo mube mwahuza urugwiro, mu gihe nawe ukeneye kubona umukunzi. Nubona rero ibimenyetso, ntuzabe umwana.

1. Inseko

Umukobwa yagukunze ntiyifuza kukubona ubabaye narimwe, bityo bigatuma yumva yakubwira amagambo agushimisha, kugira ngo akubone useka. Usanga kandi iyo yinjiye aho uri, murebana akamwenyura, ndetse kuburyo iyo munaganira acishamo agaseka ku tuntu tumwe na tumwe mubamuganira, ngo akwereke ko akwitayeho cyane.

2.  Akunda kukureba cyane

Amaso burya ni igice cy’umubiri kidasanzwe, kuko gitanga ubutumwa bwinshi mu bwonko bw’umuntu. Mu gihe rero umukobwa azaba yagukunze azahora ashaka kukwitegereza, cyane cyane nkiyo umunyuzeho, iyo muri kumwe muganira, iyo mwahuriye nko mu birori, cyangwa ahandi hose hahuza abantu benshi. Cyane cyane nushaka kumureba uzabona ko muzajya mukunda guhuza amaso kenshi, agasa nkuwijijisha akareba hirya.

3. Ibimenyetso by’umubiri

Ibimenyetso by’umubiri bikunda kuvuga ibintu byinshi, ariko si abantu benshi bakunze kubisobanukirwa. Nubona umukobwa muhuye cyangwa yinjiye ahantu uri akakwicira akajisho atavuze, akagukubita agashyi, akagukora mu mugongo, akakwicara iruhande, n’ibindi byinshi, ujye umenya ko hari ikintu kidasanzwe arimo kukwereka.

4. Akunda kukuvuga

Mu byukuri nta mukobwa utagira ikigare (group), iyo bari kumwe rero bakunda kuganira ibintu byinshi, cyane cyane ntibashobora gutandukana batavuze ku ngingo y’abasore, baba incuti zabo cyangwa abo bakorana. Iyo bateruye icyo kiganiro rero, usanga umukobwa wagupfuye ahora agutanga ho ingero muri bagenzibe, icyo bavuze cyose akagisanisha nawe.

5. Azagusaba ko musohokana

Ushobora kuba wari inshuti n’umukobwa bisanzwe, mukorana , mwigana, cyangwa se hari ibindi bintubyinshi muhuriramo, byazagera aho, ukumva atangiye kujya agusaba ko mwasohoka mwenyine . mu byukuri aba ashaka ko hari icyo mwazaganiraho mwiherereye mutari muri rwaserera.

6. Azakoresha uko ashoboye mube kumwe

Burya iyo ukunda umuntu ubawunva mwahora muri kumwe cyane. Umukobwa rero iyo yakwikundiye, akoresha ibishoboka byose akajya aba ari aho nawe ukunda kujya, kandi mukaza kubonana. Urugero, nkiyo ukunda kujya kubyina, kureba umupira se, n’ahandi, usanga akunda kuhaza, kandi abacuti be bataha agasigarana nawe, mukavugana ho amagambo make gusa, akitahira.

7. Azakubwira ko Akunda Imico Yawe

Umukobwa nakubwira ko yikundira imico yawe, mbese nk’ukuntu ugenda, useka, ijwi, ubwitonzi, kwambara se, n’utundi tuntu twinshi tukwerekeyeho, azaba akubwiye ko agukunda. Nibwo buryo bwe azaba akoresheje kugira ngo akwereke ko yagukunze.

8. Akwereka ko akwitayeho

Burya umukobwa wagukunze, aba ashaka kukwereka ko ariwe muntu ukwitayeho kurusha abandi. Nkiyo murikumwe na bagenzi banyu, usanga akunganira mu bintu byose uvuga, bakubaza nk’ikibazo nawe akagushyigikira, wavuga ikintu akakunganira, kandi akagerageza kwereka abandi ko uvuze ibintu bifite akamaro.

9. Akunda kukugira Inama z’Ubuzima

Niba umukobwa yarakubengutse uzajya wumva arimo kukugira inama z’ubuzima, akwereka icyo wakora ngo witeze imbere n’icyo utagomba gukora. Ibi kandi nta wanya munini bizamutwara, kuko azabikubwira igihe muzaba muganira.

10. Aragufuhira

Gufuha ni ibintu bigirwa na benshi, cyane cyane iyo bakundana, kandi usanga umuntu ufuhira undi, aba amukunda koko by’ukuri. Iyo umukobwa rero mumaze kumenyerana, muganira bisanzwe, ushobora kutamenya ko yagukunze. Ariko nubona akunda kukubaza niba umukobwa runaka ari inshuti yawe, cyangwa akakubaza icyo upanga n’umukobwa yigeze kubabonana, uzamenye ko burya atabikunda, ahubwo aba ashaka ko ari we wenyine wakikundira.

Ibimenyetso ni byinshi ntawabivuga ngo abirangize, ariko ibi nibyo bikunda kugaruka mu buzima bwa burimunsi. Nubona rero hari umukobwa bigaragayeho, wowe musore ntuzabe umwana niba ufite gahunda yo gushaka incuti, kuko ntiwategereza ko azagusaba ubucuti. Burya imico y’ibihugu byacu yemerera abahungu kubanza gusaba ubucuti abakobwa.

 INEZA Douce
UM– USEKE.COM

34 Comments

  • MABYAYINYONI says:
    12/09/2011 at 00:13

    I couldn’t agree with this article more. It’s right on. Nibyo kabisa ibyanditwe aha n’ukuri.

  • DEREON says:
    12/09/2011 at 08:28

    MUTUGEZAHO IBYIZA

  • Ntawukuriryayo Modeste says:
    12/09/2011 at 08:55

    kubyo mutubwiye ntacyo narenzaho pe!kuko nanjye ndabibona

  • MUHIRE N says:
    12/09/2011 at 09:53

    Ako nagakoryo muba mutwongereye mubisanzwe tuzi. mpise mbemera murabambere

  • ukuri says:
    12/09/2011 at 10:49

    ariko noneho Douce aranyanuye,nibyo koko ntabwo umuco nyarwanda wemerera abakobwo gutanga candidature ya love,bitewe numuco wacu biratuvuna gutangaza ibituri kumutima(twe abakobwa)nibyo ushobora kubenguka umuhungu ariko ugakoresha turi du points 10 bavuze ariko boy ntabyiteho urumvako uhashirira rero ukikomeza kumuco gusa.ngaho Umuseke.com muratugire inama yicyo twakora

    • mandy says:
      12/09/2011 at 20:55

      yewe keretse umuco uhindutse nitegeko rigashyirwaho ritwemerera kwiteretera,naho ubundi ba madamazera nitureba nabi naza nerfs zizadushirirana mba ndoga uwa ngabiye!!

    • aline says:
      12/10/2011 at 09:34

      muravuga ukuri mba ndoga rwanyonga twataramye.nanjye bimaze kundambira kwita ku bantu njye ntibanyiteho.gusa njgerageza kubyikuramo nahubundi wanapfa

  • billy says:
    12/09/2011 at 10:58

    sha ndabimenye sinzongera kwirangaraho

  • julian says:
    12/09/2011 at 11:15

    iyinkuru inyibukije ibyambayeho mugihe cyashize,nakunze umuhungu ngera kundunduro ariko nyuma rwarandembeje nzakugira akanyabugabo mbibwira inshuti ye narinziko ari magara ntunsige ye,ariko nyuma umuhungu yaje kunseka bya cyane ati”nigute warinda kuntumaho koko nkaho wanshatse ukambura”?icyakora yasanze narabaye indembe y’urukundo ahita ambwira ko nawe aruko bisa ariko yari agitegereje ko yatohoza niba iryorembo ntawurarikinga,i succeeded but after the heaviest load of love,tureke se umuco cg?

  • NSANZAMAHORO Donatin says:
    12/09/2011 at 11:23

    Ikigo gishinzwe iby’ingufu z’amazi n’umuriro EWSA kitugezaho ibintu byiza,ariko byarushaho kuba byiza cyane kiramutse kidushyiriyeho SOFTWARE ishobora gutuma twishyura AMAZI hakoreshejwe telephone nkuko bigenda iyo turi kugura UMURIRO W’AMASHANYARAZI.

  • meme says:
    12/09/2011 at 14:17

    sha ndemeye ibibintu ni ikuri pe

  • Arséne says:
    12/09/2011 at 21:20

    Ibyo bintu n’ukuri peee!!!!!,ahubwo wowe nubaho pe!

  • DAMIEN BIZIMANA says:
    12/10/2011 at 14:01

    najye NAIF MURANYEMEJE

  • urukundo says:
    12/12/2011 at 08:32

    ndemeranywa nabanditse iyi nkuru rwose najye nemera ko ari ukuri kwibyo njyambone kandi kenshi thanks!

  • songo says:
    12/12/2011 at 09:22

    Ahhhhhh, harii inkumi yankoze mumugongo. ubu sendayikurahe weeeeeeeeeee?

    uzongera kunkora mumugongo, tuzahita dukomezanya.

    • Ndengeye says:
      12/15/2011 at 17:14

      Ubwo se agukoze ku bugabo ntiwasara! Umenya utari waba uzambaze,

  • vubi says:
    12/12/2011 at 09:41

    Ubundi bakobwa bashiki bacu niba wabashije gukunda umuhungu ugakoresha ziriya points 10 bavuze haruguru ukabona ntacyo bitanze kumuhungu cg ukabona we atabibona nushaka uzakureyo amaso ariko birashoboka ko waba waramukunze cyane bikageraho utagishobora kwihangana the very and good way to do it is this”” UZABIBWIRE UMUHUNGU W’INSHUTI YE UBWO IYO IZABA ARI MESSAGE YA NYUMA”” iyo watumye mugenzi we ahita amubwira ako kanya nubona ntacyo abikozeho uzakoreshe uko ushoboye kose umwikuremo, kuko niyo wabimwibwirira ndahamya ko ntacyo byatanga ahubwo byagutera ibibazo kurushaho.

  • xxxx says:
    12/12/2011 at 10:48

    njye sinkunda kugira aho mpurira n’abakobwa kandi nta n’inshuti ngira

  • xxxx says:
    12/12/2011 at 10:50

    hagize umukobwa unyiyongoza koko mba numva ngo babuze abagabo kdi duhari

  • kuku says:
    12/12/2011 at 13:51

    uyu muntu wagirango yansomye mu mutima!!!

  • rafia says:
    12/12/2011 at 15:03

    VUBI!
    nakundanye numusore ariko izo ngingo 10 narazubahirije ndetse nibindi birenze ntako ntagize ,ariko yarampemukiye sinzi iyo umuntu abonye umukunda cyan eyibwirako ari ubuswa bwuwamukunze, gusa nararize narashavuye agahind antikazigera kamvamo, kuko nakomerekejwe cyane nurukundo namukunze we akampemukira , gusa uzabona umuntu umukunze ntazigere amuhemukira kuko nibintu bibaza kugeza umuntu ashizemo umwuka,

  • kibwa says:
    12/12/2011 at 16:34

    ariko buriya akarere ka gasabo kazashyizeho uburyo bwo kwishyura imisoro kuri Mobile Banking umuntu atarinze gutonda kuri banki

  • vubi says:
    12/13/2011 at 08:07

    RAFIA!!
    Sha birababaza ariko nakugira inama yo kwihangana ukitonda nukuri ndakubwiza ukuri ko uzabona undi muhungu ugukunda akakwibagiza uwambere burundu ukazasigara wibaza niba uwambere yaragiraga urukundo cg se ugatangira kwibaza ibyo mwabaga murimo niba arurukundo bikakuyobera. njye ni experience personnelle nakundanye n’umwana w’umukobwa cyane bigezaho turatandukana ariko bimutirutseho, bitewe nuko namukundaga numvaga ntawundi nazakunda nkawe namaze umwaka wose ntashaka gukundana bitewe nuko nakundaga uwambere, ariko naje kumenyana nundi mwana w’umukobwa numva ndamubengutse pe ndamukunda nawe arankunda ubu turakundana cyane twese turishimana muri byose wumve ko hanzaha harabakobwa bazigukunda nyabyo nsigaye nibaza umwe wa mbere niba yarafite urukundo bikanyobera, namwe bakobwa mbabwire ko hanzaha harabahungu babana beza bazigukunda no gutetesha byukuri, umwana dukundana aranshimisha kuburyo nabandi bakobwa twarituziranye bisanzwe nabacitseho bitanturutseho ariko kubera cares ze ntanundi mukobwa natekereza nagato.

  • sir stain says:
    12/14/2011 at 23:11

    ibi bintu mbisomye mbabaye.hari uwanyeretsemo nka 3 ngira ngo baramuntumye none nicyo bivuga?mbiswa ma.ndabimenye.azanshikira he?.

  • karinijab says:
    12/15/2011 at 13:05

    Ibyo muvuze ndumva arukuri, reka mbaze gato, kugira ngo umuhungu akundwe bisaba iki? murakoze

  • ishimwe martin says:
    12/16/2011 at 18:36

    i would like to see xxx

  • bitibibisi says:
    12/18/2011 at 05:45

    nange biranshimishije cyane usibye ko byambayeho nkirangaraho ubu ntibizongera

  • EMMANUEL says:
    12/18/2011 at 14:41

    Ariko VUBI we ko numva mubantu bose ari wowe ufite ibibazo byinshi?uzanshake

  • fabriCE says:
    12/29/2011 at 19:03

    Muratwishe rwose ni akandare

  • Félicien says:
    01/11/2012 at 17:00

    Ibyo ni ukuri,ahubwo ntabwo ibimetso wabirangiza kuko nanjye byambayeho uwambere dushwana biturutseho but numva ntawundi wanshimisha kumurusha,ntakidashoboka uwo turikumwe yahise andutira uwa 1

  • Mike says:
    01/20/2012 at 08:52

    Ni ukuri ibyo mwatubwiye kandi ntawe bitabaho iyo yakunze ariko biravuna, cyane iyo utekereje ko ashobora kubibona ariko akabyirengagiza, mbese ntagukunde.

  • ayello rick says:
    03/23/2012 at 17:19

    IKIBAZO NI IKI:KUBONA UWO USHAKA NAWE AGUSHAKA NAHO UBUNDI IBIMENYETSO BYO NI UKURUHIRA UBUSA GUSA NANONE BAKOBWA GUTINYUKA UKAVUGA NTABWO ARI UGUTA UMUCO KUKO NTA NUMWE UHEJWE MUGUKUNDA

  • ntaganda sosthene says:
    05/29/2013 at 20:56

    ni ukuri biragoye kuko nukubeshya ibyo byose basigaye babikora bakarusha nufite urukundo byukuri gusa nugushiramo ubshishozi bwinshi kuko iyo ukunze umuntu akaguhemukira aguhuza nabandi bose urukundo ukarubura kandi warurufite

  • kanuma says:
    03/27/2014 at 06:43

    ubundi se umuco ushyirwaho nabande? umuseke watubariza, niba ntacyo byangije,uwo muco ugahinduka kuko bashiki bacu bari kuhashirira,urugero hari nkigihe atakaza igihe,frw,ubwonko nyuma umusore akamunyura mumyanya y’intoki.iyo abimenya kare yagombaga no guhita amwikuramo ntakiratakara.

Comments are closed.

© Since 2011, Umuseke. All rights reserved

en_USEnglish
en_USEnglish