Hagiye kubakwa Stade eshatu mu Ntara y'Iburasirazuba

Mu Ntara y’Iburasirazuba hagiye kubakwa ibibuga bitatu (Stade de Terrains Synthetique) nk’uko byatangajwe na Minisitiri ufite siporo mu shingano ze Mitali Protais.

Uturere twa Nyagatare, Ngoma na Bugesera ni two  duteganyijwe kubakwamo ibi bibuga, ibi bibuga bizubakwa ku nkuga izava muTurere bizubakwamo ndetse dufatanyije n’Intara.

Bitaganywa ko Stade ya Bugesera izajya yakira abafana 15,000, Ngoma ikakira abafana 6000 n’aho ikibuga cya Nyagatare kikakira abafana 7000.

Ntago ari izi Stade gusa zizubakwa kuko guhera muri uyu mwaka ukwezi kwa Mutarama umushinga wo kubaka Stade ya Gahanga(Kicukiro) watangiye,  biteganywa ko iyi izajya yakira abafana ibihumbi 45 iyi kandi izanakira CHAN 2016.

Ikibuga cya Huye cyo cyararangiye ubu hasigaye kubakwa ibyicaro ndetse na yo igomba kurangira uyu mwaka, iyi izajya yakira abafana basaga ibihumbi  13.

Andi ma Stade atatu nka Amahoro, Umuganda, na Stade de Kigali arateganywa kuvugururwa mu rwego rwo kwitegura igikombe cy’Afurika CHAN 2016 kizabera hano mu Rwanda.

JD Nsengiyumva Inzaghi
ububiko.umusekehost.com