Hagiye gutoranywa Filimi kuri Jenoside yakorewe Abatutsi

Ku nshuro ya kabiri ‘Film Premiere & Award Gala’ igiye gutoranya filime ya mbere ngufi ivuga ku bwiyunge ndetse no ku buzima bw’abarokotse Jenoside yakorewe Abatutsi muri 1994.

Ni nyuma y’aho rero hari hatanzwe igitekerezo cyo kuba buri muntu wese ukora sinema nyarwanda yakwandika filime hanyuma igashobora kuzitabira irushanwa ryo gutoranya filime ya mbere.

Muri filme zamaze gutorwa harimo eshatu  zigomba kuzatoranywamo imwe yegukana igihembo kingana n’amafaranga y’ u Rwanda 1.000.000 frw ndetse  ikamenyekanishwa ku isi yose.

Bamwe mu ba producers bamaze gutoranyirizwa filme zabo barimo Yve Montand Niyongabo wanditse filime yise ‘Invincible’, Samuel Ishimwe wanditse filime yise ‘Crossing Lines’ na Philbert Aime Mbabazi wanditse filime yise ‘Hutsi’.

Biteganyijwe ko mbere yo gutanga igihembo kuri filme yahize izindi hazabanza kwerekanwa izo filime, bikazabera muri Serena Hotel ku itariki ya 23 Werurwe 2014. Kwinjira bizaba ari ubuntu kandi izatangira guhera saa 6:30 pm.

Joel Rutaganda

ububiko.umusekehost.com