Gicumbi: Umusirikare wishe abantu 5 yagejejwe imbere y’ubutabera

CHIEF EDITOR
09/03/2014

Pte Theogene Munyambabazi umusirikare warashe abantu batanu bagapfa agakomeretsa abandi barindwi kuri uyu wa 03 Nzeri ahagana saa sita z’amanywa yagejejwe imbere y’urukiko rw’ibanze rwa Gicumbi ariko aburanishwa n’abasirikare.

Mu ntangiriro z’ukwezi kwa munani uyu musirikare yarashe abantu bari kumwe mu nzu y’imyidagaduro iri mu mujyi wa Gicumbi, batanu bahasiga ubuzima barindwi barakomereka. Intandaro bivugwa ko ari umukobwa ngo wari wanze ko babyinana maze abari kumwe n’uyu mukobwa bagakubita uyu musirikare wahise ujya kuzana imbunda akabarasa.

Uyu musirikare wari wambaye imyenda ya gisirikare yabanje gusomerwa umwirondoro we ndetse anamenyeshwa ibyaha bibiri aregwa.

Pte Munyambabazi araregwa ubwicanyi bugambiriwe bw’abantu batanu. Icyaha cya kabiri ni ubwinjiracyaha bugambiriwe ku bantu barindwi bakomeretse.

Kuko nta rukiko rwa gisirikare rwubatse i Gicumbi, uregwa yaburaniye mu nyubako y’urukiko rw’ibanze rwa Gicumbi ahabereye icyaha, urubanza ruyobowe na Maj Charles Madudu

Icyumba cy’urukiko cyari cyuzuye abantu benshi no hanze bashaka kumva iby’uyu musirikare. Buri wese agaragaza amatsiko yo kumureba bavuga ngo “Nahindkire bamurebe”.

Umushinjacyaha Capt Denis Ruyonza yabwiye Umuseke ko uregwa afungiye muri gereza ya gisirikare ku Mulindi ariko agomba kuburanira by’ibanze aho yakoreye icyaha.

Uregwa yagaragaje ko nta mwunganizi mu mategeko afite maze asaba urukiko guhabwa iminsi yo kumushaka.

Urukiko rwategetse ko urubanza rusubikwa kuko uregwa afite uburenganzira yemererwa n’itegeko nshinga bwo kugira umwunganizi imbere y’amategeko, rutanga n’indi mpamvu yo kugobokeshwa kw’urubanza kwa Leta y’u Rwanda.

Byatangajwe ko uru rubanza ruzasubikurwa tariki 18 Nzeri 2014 saa tatu za mugitondo.

Flavia Kayitesi waguye mu bwicanyi uyu musirikare ashinjwa

Evence NGIRABATWARE
UM– USEKE.RW/ Gicumbi

0 Comment

karemera says:
09/03/2014 at 19:04

reka tubiharire ubutabera bwacu turabwizera twizereko ababirenganiye bose bagiye kubona ubutabera, kandi imyitarire nkiyi mugisirikari cyacu tutari dusanzwe twumvamo , twizereko bitazasubira

alo says:
09/03/2014 at 22:10

nahanwe byintangarugero

Moses says:
09/03/2014 at 22:50

Ubwo se umuntu wakoze amahano nk’ayo, ubutabera abarenganye bazahabwa ni ubuhe, cyangwa bizamarira iki imiryango yabuze abayo?
Abacamanza nibarangize akazi kabo!

JEAN PIERRE says:
09/04/2014 at 07:20

NUKURI UWOMUSIRIKARE YAKOZE AMAKOSA GUPFA UMUKOBWA ,MUGIHUGU CYACU DUFITE ABAKOBWA BENSHI BARUTAGA NUWO .YARISHEBEJE .AHANWE
- joseph says:
  09/06/2014 at 07:34
  
  ikibazo umukobwa atanazanye,urumva we yari muzima.

roron says:
09/04/2014 at 08:01

Nibyo koko nibamuburanishe azabone igihano kimukwiye. Abapfuye Imana ibakire

karenzi denis says:
09/04/2014 at 08:39

moses ibyuvuga ubakwisi cg ngontacyubutabera bwamarira ababuzababo kd uwagukozahagashyi wasanga wirukanka ngo bakurenganure uracyarinyuma peeeeeeeeeeeeeeeeeeeeee ukeneye course mutobo.

karenzi denis says:
09/04/2014 at 08:41

ndasubiza moses uvugako ntacyubutabera buzamarira abasigaye kd uwamukozahagashyi wasanga yirukanka ngo bamurenganure ukwiyingando sha

NDUNGUTSE says:
09/04/2014 at 10:49

birababaje pe!ahanwe n’amategeko.

IRADUKUNDA says:
09/04/2014 at 12:17

Birababaje cyane kumva ushinzwe kurinda umutekano ariwe uwuhungabanya bene ako kageni. Twizere ko hari ingamba zafashwe kugira ngo bitazongera.
Imana yakire mu bayo abo bahaguye.