Gicumbi FC itsinze APR FC bituma mukeba Rayon ibanyuraho

Martin NIYONKURU
03/01/2017

Mbere y’uyu mukino wabereye ku Kicukiro ku mugoroba wo kuri uyu wa gatatu APR FC yarushaga mukeba wayo Rayon Sports inota rimwe, Gicumbi FC yatsinze kimwe ku busa bwa APR bituma Rayon ihita ifata umwanya wa mbere kuko yo yatsinze Espoir bibiri ku busa.

APR FC byayishobeye mu minot ya nyuma y'umukino aha umusore wayo arinubira icyemezo cy'umusifuzi — APR FC byayishobeye mu minot ya nyuma y’umukino aha umusore wayo arinubira icyemezo cy’umusifuzi

APR FC yari yakiriye Gicumbi, iyi kipe yo mu majyaruguru y’u Rwanda ikaba no ku mukino ubanza wabereye I Nyamirambo yarihagazeho imbere ya APR zinganya 1 -1.

Igice cya mbere cy’umukino uyu munsi kihariwe cyane na APR FC ariko ntiyigeze ibasha kureba mu izamu kubera abugarizi ba Gicumbi bahararaga neza mu kazi.

Igice cya mbere cyarangiye amakipe yombi anganya ubusa ku busa.

Mu gice cya kabiri Gicumbi yakomeje kwihagararaho, ndetse ku munota wa 63 Souleyman Mudeyi abona igitego cya Gicumbi yatsindishije umutwe ku mupira wari ugaruwe imbere y’izamu rya APR.

APR yasigaye ikina ishaka kwishyura ariko biba iby’ubusa. Umukino warinze urangira ba rutahizamu nka Patrick Sibomana, Onesme (winjiye asimbuye) na Issa Bigirimana batarebye mu izamu.

Rayon ubu yafashe umwanya wa mbere by’agateganyo irusha APR amanota abiri.

Umutoza Okoko Godfrey wa Gicumbi avuga ko ari ibyishimo gutsinda APR FC kandi ko atari ubwa mbere abikora kuri iyi kipe.

APR FC yari yakiriye Gicumbi ku Kicukiro

Gicumbi na Kapiteni wayo Olivier Uwingabire bari bagarutse guhura na APR biteguye cyane uyu mukino

Hagati mu kibuga APR FC yari yihariye umukino

Gicumbi ariko nayo yanyuzagamo igasatira, aha ni uburyo bwo gutsindisha umutwe bwar bubonetse

Abafana ba APR ku mukino bari bafite igikombe bavuga ko iki cya shampionat ari icyayo

Bamwe mu bayobozi muri APR FC nka Adolphe Kalisa (ubanza ibumoso), Maj Gen Cesar Kayizari (wambaye isuti y'ubururu) na Col. Geoffrey Kabagambe — Bamwe mu bayobozi muri APR FC nka Adolphe Kalisa (ubanza ibumoso), Maj Gen Cesar Kayizari (wambaye isuti y’ubururu) na Col. Geoffrey Kabagambe

Maj Gen Kayizari wigeze kuyobora FERWAFA na Col Kabagambe bareba uyu mukino — Maj Gen Kayizari wigeze kuyobora FERWAFA na Col Kabagambe umuyobozi mukuru w’abafana ba APR FC bareba uyu mukino

Olivier Uwingabire waciye mu makipe atandukanye mu Rwanda no mu ikipe y'igihugu aracyari myugariro mwiza — Olivier Uwingabire waciye mu makipe atandukanye mu Rwanda no mu ikipe y’igihugu aracyari myugariro mwiza

APR yagiye ibona uburyo bwo gutsinda, nk'aha Issa Bigirimana yahushije igitego cyari cyabazwe ubwo uyu mupira yateye n'umutwe waciye iruhande rw'izamu — APR yagiye ibona uburyo bwo gutsinda, nk’aha Issa Bigirimana yahushije igitego cyari cyabazwe ubwo uyu mupira yateye n’umutwe waciye iruhande rw’izamu

Aha nabwo Patrick Sibomana yabonye uburyo bwo gutsinda atera ku ruhande

Okoko Godfrey abwira abakinnyi uko bakwiye gutera umupira

Nk'ako kanya bahise babona igitego cya Suleyman Mudeyi, aha bari kukishimira — Nk’ako kanya bahise babona igitego cya Suleyman Mudeyi, aha bari kukishimira

Umutoza Okoko ati "Nyabuneka mugihagarareho ntibishyure" — Umutoza Okoko ati “Nyabuneka mugihagarareho ntibishyure”

Abahungu ba Gicumbi bakomeje guhagarara neza imbere y'izamu ryabo — Abahungu ba Gicumbi bakomeje guhagarara neza imbere y’izamu ryabo

Mu minota ya nyuma APR FC yatsinze igitego ariko abasifuzi berekana ko Aimable Nsabimana wagitsinze yari yaraririye

Myugariro Michel Rusheshangoga ahanganye na Mudeyi ku mupira

Mu minota ya nyuma kandi APR FC yabonye 'Coup Franc indirecte' — Mu minota ya nyuma kandi APR FC yabonye ‘Coup Franc indirecte’

Umukino urangiye byari ibyishimo kwa Gicumbi

Mudeyi Suleyman watsinze igitego akaba umuhungu wa Emilien Mudeyi, yavuze ko anejejwe cyane no guha intsinzi ikipe ye ahakomeye

Uko amakipe ubu akurikiranye

No	Team	Pg	W	D	L	GF	GA	GD	PTS
1	Rayon	17	12	04	01	35	09	26	40
2	APR FC	18	11	05	02	25	13	14	38
3	Police FC	18	10	05	03	28	15	13	35
4	AS Kigali	17	10	03	04	22	12	10	33
5	Bugesera	18	08	07	03	22	11	11	31
6	Musanze	18	08	04	06	18	18	00	28
7	Espoir	18	06	08	04	14	10	04	26
8	Etincelles	18	07	04	07	17	19	-2	25
9	Sunrise	17	05	06	06	16	16	00	21
10	Kirehe Fc	18	05	05	08	18	22	-4	20
11	Kiyovu	18	05	05	08	20	29	-9	20
12	Amagaju	18	05	04	09	15	20	-5	19
13	Mukura	18	04	07	07	14	21	-7	19
14	Marines	18	05	03	10	12	24	-12	18
15	Gicumbi	18	03	03	12	16	31	-15	12
16	Pepiniere	18	01	03	14	10	32	-22	06

Evode MUGUNGA
UM– USEKE.RW

6 Comments

willy says:
03/01/2017 at 19:13

pole sana panthere noir!!

fernandel says:
03/01/2017 at 20:05

Mukomere bana ba kwetu!

niyibigena marie grace says:
03/01/2017 at 20:48

Apr komereza aho natwe aba rayon dushaka kujya muri Mali harimo icyinyuranyo cyamanota 9
- B.JEAN BAPTISTE says:
  03/02/2017 at 06:33
  
  IZO NI NZOZI UFITE RWOSE ! KANDI NTABWO UZAZIKABYA PEEE NDAKURAHIYE
- pass says:
  03/02/2017 at 11:25
  
  nukuri uvuze neza insinzwi ya APR yanshumishije nahise mbonako bibeshya iyo bavuga ko bahanganye NA rayon kdi ari gicumbi fc bahanganye nkuko babiberetse!Rayon sport Izahora Ku isonga murwanda no hanze yarwo tuyiri inyuma

Zirimwabagabo says:
03/02/2017 at 18:56

Hariya hari abagabo bababaye cyane !!! Kayizari arababaye pe, Kabagambe we yabuze uko aniga umwe mu bica APR FC, kandi utari kure ye. Nicyo gituma ahekenya amenyo, yegamiye uruhande ruri kare ye ! Naho Nyirabayazana we, ameze nkufite iseseme, yanabasuzuguye cyane ; yibaza ati, aba bagabo ko atari bo bampemba, barababazwa n’iki koko ; uwo nta wundi mvuga, ni Camarade ! APR we, uwarwishigishiye ararusoma !

Wenda ibi byafasha APR FC gukubura umwanda uyirimo ; fake committee yayimunze, ubuyobozi bukemangwa (Ngo buvugisha ukuri da ! What kind of truth ; sure defeat is the only truth ?!), akanyamabanga kakigendera kw’izina rya Jules Kalisa, kuko katazi n’icyo gakora, n’abatoza b’ingengabihe !!! Ariko har’aho byageze, Jules Kalisa nawe aregura, nkantswe iriya njiji yitwa Camarade ! Niba ari uku basomera ibinyamakuru by’igi faransa, maze akana bisemura nabi ; yabihemberwa bitabaye ngombwa ko yica APR FC !!!

Sinemeza ko Umuyobozi w’Ikirenga wa APR FC, wayizaniye ibihangagye by’abatoza, nka Feller, Brandts, Petrovic na Nizzar, ntibishoboka ka yaba ariwe wanzuye ko Mulisa ari we waba Umucunguzi wa APR FC !!! Please Mulisa ; Egura and go to Hell !!!

Uwaha APR FC, committee iyobowe na Afande Caesar ; mu myaka itarenga ibiri, yaba ayigejeje muli semi-final ya African Champions League ! Ni bayimuhe dutege !!!

Comments are closed.

Share this:

6 Comments