Fireman na Naason ntibakibarizwa muri Bridge Records

Abahanzi barimo Fireman na Naason babarizwaga muri Label ya Bridge Records ubu ntabwo ariho bakibarizwa bitewe n’impamvu zigiye zitandukanye kuri buri muhanzi ku giti cye.

Ibi byose bije nyuma y’aho hari bimwe mu byo bari bemeranyijwe n’ubuyobozi bwa Bridge ariko ntibubikore uko babyumvikanyeho muri contaro basinyanye n’iyo studio.

Fireman we yamaze kugirana amasezerano y’imyaka ibiri n’igice muri studio ibarizwamo abandi bahanzi bakomeye izwi nka ‘Super Level’, imwe mu mpamvu yatumye ahajya ngo ni uko nta kintu na kimwe Bridge Records yigeze imukorera bikaba byatumaga asigara inyuma mu gihe abandi bahanzi bakora injyana imwe bakoranaga imbaraga.

Bityo rero bituma agomba gufata iyambere akerekeza muri Super Level ibarizwamo itsinda ry’abahanzi Urban Boys, Bruce Melodie ndetse n’abandi bakomeye.

Naason ngo mbere y’uko agenda agomba kubanza agasubiza amafaranga yose bamutanzeho yaba ayakoze amashusho y’indirimbo bamukoreye ndetse n’ibindi bikorwa byose iyo Bridge yamufashijemo.

Kharim, uyobora Bridge Records yatangarije Sunday Night ko Fireman ntacyo bamushinja ahubwo utazapfa kugenda atishyuye ko ari Naason

Joel Rutaganda
ububiko.umusekehost.com