FIFA yatangaje abakinnyi 23 bahatanira ballon d’Or

 Cristiano Ronaldo, Lionel Messi uri mu mvune na Neymar nibo bayoboye urutonde rw’abahabwa amahirwe muri 23 batangajwe na FIFA bazakurwamo umwe uzegukana umupira wa zahabu w’umukinnyi witwaye neza muri uyu mwaka uri gusozwa.

Tariki 30 Ugushyingo 2015 aba bakinnyi 23 bazavamo 20 hasigare batatu ba nyuma bazamo umwe ucyegukana. Ronaldo na Messi bakaba bahabwa amahirwe menshi yo kuguma muri aba batatu ba nyuma.

Mu rutonde rw’abatoza 10 bazatorwamo umwe w’umwaka, Jose Mourinho wa Chelsea uherutse gucibwa $77,400 no guhagarikwa umukino kubera imyitwarire idahwitse, ari ku rutonde rw’aba batoza barusha abandi.

Abazegukana ibihembo bya Ballon d’Or bazatangazwa tariki 11 Mutarama 2016.

Kuva mu 2008 Messi na Ronaldo nibo bagabana Ballon d’Or za FIFA, Messi afitemo enye Ronaldo eshatu.

Urutonde rw’abakinnyi 23: Sergio Aguero (Argentina/Manchester City), Gareth Bale (Wales/Real Madrid), Karim Benzema (France/Real Madrid), Cristiano Ronaldo (Portugal/Real Madrid), Kevin De Bruyne (Belgium/VfL Wolfsburg/Manchester City), Eden Hazard (Belgium/Chelsea), Zlatan Ibrahimovic (Sweden/Paris Saint-Germain), Andrés Iniesta (Spain/FC Barcelona), Toni Kroos (Germany/Real Madrid), Robert Lewandowski (Poland/FC Bayern Munich), Javier Mascherano (Argentina/FC Barcelona), Lionel Messi (Argentina/FC Barcelona), Thomas Muller (Germany/FC Bayern Munich), Manuel Neuer (Germany/FC Bayern Munich), Neymar (Brazil/FC Barcelona), Paul Pogba (France/Juventus), Ivan Rakitic (Croatia/FC Barcelona), Arjen Robben (Netherlands/FC Bayern Munich), James Rodriguez (Colombia/Real Madrid), Alexis Sanchez (Chile/Arsenal), Luis Suarez (Uruguay/FC Barcelona), Yaya Toure (Cote d’Ivoire/Manchester City), Arturo Vidal (Chile/Juventus/FC Bayern Munich).

___

Abatoza: Massimiliano Allegri (Italy/Juventus), Carlo Ancelotti (Italy/Real Madrid), Laurent Blanc (France/Paris Saint-Germain), Unai Emery (Spain/Sevilla FC), Pep Guardiola (Spain/FC Bayern Munich), Luis Enrique Martínez (Spain/FC Barcelona), Jose Mourinho (Portugal/Chelsea), Jorge Sampaoli (Argentina/Chilean national team), Diego Simeone (Argentina/Atlético Madrid), Arsene Wenger (France/Arsenal).

UM– USEKE.RW