Episode 85: Gaju yiyunze kuri Brown baca ukubiri na Mama wabo
Gaju-“Wooooow! Ndarota cyangwa? Nelson! Ni wowe?”
Gaju natunguwe no kubona yahise ahaguruka aza yihuta nanjye nihuta musanga mugwamo ndamugumana hashize akanya byatunaniye kurekurana,
John-“Aba bana se mwo kabyara mwe bararekurana bigenze gute ra?”
Bose-“Hhhhhhh!”
Njye na Gaju twakanzwe n’inseko yabo maze turarekurana nkomeza kumwitegereza disi ibyishimo byari byinshi muri twe,
Gaju-“Mana wee! Mbega ukuntu nari ngukumbuye!”
Njyewe-“Yooooh! Gaju uzi noneho njyewe? Nako ngira ngo nawe urabibona ibyishimo byansesekaye ku munwa!”
Gaju-“Oooooh! Ndishimye nanjye bitavugwa maze, sha reka nsuhuze abandi ubundi nze ube umbwira”
Ako kanya Gaju yakomeje ajya gusuhuza John ndetse na ba Aliane ubundi aragaruka tubona kwicara,
Njyewe-“Gaju! Welcome again mu muryango ugukunda, wari ukumbuwe cyane bitavugwa”
John-“Nanjye ntyo nti welcome Gaju! Rwose urisanga, uzi ko tutari tuzi ko mutaha uno munsi?”
Gaju-“Ooooooh! Ni uno munsi ahubwo nanjye nabuze uko mbahamagara kubera akavuyo kari kari hariya mu mujyi”
John-“Nizere ko wabitsinze rero?”
Gaju-“Cyane rwose, uko biri kose amanota mirongo inani arahagije”
John-“Eeeeeh! Congratulations mukobwa wacu! Ndishimye cyane rwose, ahubwo ongera uze umpobere”
Gaju yaratambutse ahobera John tubona ni byiza, kandi koko aho niho insinzi yagombaga kugaragarira tukabona neza uburyo iryoha,
John-“Nuko nuko sha Gaju! Unyeretse ko inama njye na Mama wawe twakugiriye zitabaye amasigara kicaro, waharaniye ishema ryawe none dore koko urigezeho! Rwose uzansabe icyo ushaka cyose muri ibi biruhuko”
Gaju-“Wooooow! Tonton! Urakoze cyaneee!”
Gaju yarishimye ndabikunda, mbega twabonaga ari mu nyungu natwe ibyishimo bye bidutera umuneza ubundi aragaruka aricara,
Njyewe-“Mbega byiza, Gaju! Twongeye kwishima kubwawe!”
Gaju-“Merci sha nanjye ndishimye! Aba bakobwa beza se…?”
Njyewe-“Hhhhhh! Nawe wabibonye se? Aliane nawe ntabwo umwibuka se?”
Gaju-“Eeeeh! Yego koko we! Ndamwibuka ku kazi iwanyu!”
Njyewe-“Uwo wundi rero nawe yitwa Dorlene nawe akorera inaha”
Gaju-“Woooow! Ndabikunze!”
John-“Nanjye rero hari umuntu nashaka kubereka mwese muri rusange, kubaba barigeze kumubona uyu munsi ni namwe ba mbere mugiye kongera kumubona mu bundi buryo”
Aliane-“What?”
John-“Yes! Christi! Tambuka wigire hano impande yanjye bakubone”
Wa mugore yahise atambuka aza imbere yacu aho John yari yicaye yicara impande ye ahita amufata aramwiyegamiza undi nawe aryama mu bituza yimiramije hafi gusinzira John arakomeza,
John-“Uyu rero mureba yitwa Christine ubu tuvugana mwe muzajye mumwita Madame John”
Twese-“Wooooow”
John-“Mada! Uyu musore we ndacyeka warigeze kumubona yitwa Nelson, uriya mukobwa begeranye hari umunsi wigeze kumusanga hano bamwita Gaju, ukurikiyeho yitwa Aliane na mu genzi we witwa Dorlene ukuyemo Gaju ukiri ku ishuri abandi bose turakorana mu mirimo ya ruriya ruganda”
Madame John-“Ooooooh! Ni byiza cyane nishimiye kubabona”
Gaju-“Yuwiiiii! Mbega byiza! Tonton ni ukuri ndishimye kukubona wicaranye n’uwo mubyeyi mwiza”
John-“Urakoze cyane Gaju! Rwose mu gihe kirekire cyari gishize tutabana twageze aho duha agaciro icyo dupfana kuruta icyo dupfa twongera kubagarira urukundo rwari rwarabaye ikigunda, ubu dushyize hamwe turi gushaka uwavuye mu guhuza umunezero kwacu kandi amaherezo twizeye kuzamubona”
Aliane-“Yoooooh! Ni ukuri muzamubona kuko burya Imana nayo igira aho ihera itanga umugisha, yabanje kubahuza kugira ngo ibone uko ibahindurira ubuzima ndetse inabahe byose mwifuza”
Njyewe-“Alia! Ibyo uvuze ni ukuri rwose! Hagati aho nanjye ku giti cyanjye ndishimye kwicara mbahanze amaso, ntako bisa ndagatora nyiransekuye”
Bose-“Hhhhhhhhh!”
Tugiseka Kiki yahise yinjira akidukubita amaso atangira kwisekeshwa maze natwe adutera gutangira kumwenyura,
Kiki-“Hhhhh! Si ng’uyu Nelson nawe yaje! Ubu ibintu ni hatali tayari ikirori cyahiye”
Njyewe-“Kiki! Ngo ikirori cyahiye? Ziduhe neza se?”
Kiki-“Ubu wa mwuko sinkiwugendana ahubwo nari nje kubara abandi bantu biyongereye kuri Mabuja ngo nshane habiri”
Njyewe-“Ndumva wa mugani wawe ari ikirori da! Nonese ko wanze no gusuhuza abandi bana Kiki?”
Kiki-“Eeeh! Uzi ko nari nibagiwe, bite Suza?”
Aliane-“Hhhhhhh! Ngo Suzana? Na ko ni byiza”
Kiki-“Imana ishimwe, Eeeh! Uraho nawe Tereza we?”
Dorlene-“Hhhhhhhh! Ariko noneho ndumiwe, Alia! Wiswe Suzana ryari?”
Aliane-“Wowe se kuki wampishe ko witwa Tereza?”
Twese-“Hhhhhhh!”
Gaju-“Abatazi Kiki baramubarirwa, mwari mwaseka se? Muraje murware imbavu ahubwo”
Kiki-“Suza! Tukuzanire iyihe Fanta?”
Aliane-“Hhhhhh! Mana we! Erega Suzana riranze rirampamye? Basi nzanira Citron!”
Kiki-“Ntiwumva se ko uvugishije ukuri ko utari is…nako Tereza nawe nambwire numve”
Dorlene-“Hhhhh! Njyewe unzanire Orange!”
Kiki-“Ambaa! Mbivuga! Nari nabikubonyeho rwose njye ndebesha ijisho nkamenya niba uriyo cyangwa utariyo”
Dorlene-“Inki se kandi?”
Kiki-“Intiti”
John-“Hhhhhhh! Ariko narumiwe! Ngaho genda ubakire Gaju na Nelson bo barisanga bajye kwiha ibyo bashaka”
Ako kanya Gaju yahise ahaguruka ajyana na Kiki bajya kuzana ibyo kwakiriza abashyitsi hashize akanya baragaruka batangira kubahereza,
Kiki-“Harya Intiti ninde ngo muhe Orange ye?”
Dorlene-“Hhhhh! Ni njyewe!”
Kiki-“Koko nibyo, Suzana niwe utariyo, Boss namwe se mbakire?”
Madam John-“Oya humura Kiki ndaje mwiyakirire dore igihe wamwakiriye ni kinini nshaka kukuruhura”
Kiki-“Ntiwumva se! Reka nigaramire nanjye unyakire wa mugani wawe nanjye ntako ntagize ngo nite kuri Boss!”
Gaju-“Nelson! Ko hari umuntu ntabona ariko?”
Kiki-“Ariko uzi ko ushobora kuba unkunda? Uvuze ibyo nari ngiye kuvuga ni ukuri niba mbeshya Gasongo ntazarare ku bitanda bibiri n’agaruka”
Njyewe-“Uravuga Mama se Gaju?”
Gaju-“Oya! Uwo Kiki avuze?”
Gaju avuze gutyo nikije umutima mbura icyo mvuga ndeba John nawe arandeba maze ahita avuga,
John-“Gaju! Wari ubajije ngo ko utabona Gasongo…?”
Gaju-“Yego! Ari hehe? Ahubwo se amakuru ye? Nelson sha mbwira aho ari musangeyo?”
Nitegereje Gaju duhuje amaso mbona atangiye guhindurwa ngize ngo mvuge John ahita antanga,
John-“Nelson! Ko utamubwira se ufite imfunwe ry’iki? Erega ugomba kubyakira, guhemukirwa n’umuvandimwe nubwo bigoye kubyumva ariko nanone bisigira benshi isomo rikomeye, Gaju! Gasongo erega yatubereye imbwa mbi!”
John akivuga gutyo Gaju yarikanze ikirahuri yari afite kiramucika kikubita hasi kirameneka,
Gaju-“Ngo? Ibyo ni ibiki numva?”
Njyewe-“Gaju! Ihangane utuze byose uraza kubimenya”
Gaju-“Oooh No! Tonton uwo wise imbwa mbi ni Gasongo nzi cyangwa?”
Njyewe-“Gaju! Ihangane untege amatwi nkubwire byose uko byagenze, sibyo?”
Gaju-“Nelson! Koko urambwira umbwira iki? Ubu koko Tonton nzi niwe utinyutse akavuga ngo Gasongo…..”
John-“Gaju! Mbisubiremo Gasongo ni imbwa rubebe ugomba kubimenya uko ni ukuri kwatinze ariko kugaca mu ziko kugasohokamo kwemye uyu munsi”
Gaju acyumva ibyo ako kanya yahise ahaguruka arahagarara maze n’agahinda kenshi ahita avuga,
Gaju-“Tonton! Nubwo waje usanga turi mu mage ndetse ugakora byinshi tutari gushobora ntabwo nari nzi ko waduhinduka ukabiba urwango muri twe, ntabwo numva ukuntu igihe twabaniye na Gasongo ari ubu mwambwira ko uwantoraguye akanjyana akantunga akongera kunshyira mu maboko y’ababyeyi ari imbwa rubebe, ariko Mana wee! Ubu koko ibi ni ibiki?”
Njyewe-“Gaju! Ihangane unyumve nkubwire byose”
Gaju-“Ntacyo umbwira Nelson! Ubwo se waba umbwira iki? Hari icyo ntiyumviye? Niba ari nubwo bufasha mwambikiye mubusuburane sinakwibagirwa aho navuye, erega mwari muzi ko kuba mwaramfashije byatuma munyangisha nuwinjiye mu mateka yanjye akagaba ibirindiro mu mutima wanjye? Ntabyo mubonye rero”
John-“Gaju, ibyo utekereza siko bimeze nifuza ko mwaba abo mwifuza kuba bo, kandi nudukundira ukatwumva uraza kumenya ko Gasongo uzi yari ikirura cyiyambitse uruhu rw’intama udakwiye kumushingiraho ejo hazaza hawe”
Gaju-“Eeeeh! Rekera aho! Yarwambara yagira ariko ntazigera amvamo, Tonton niba utari unabizi ndamukunda kandi nawe arankunda, niba mutamushaka njyewe ndamushaka nta mpamvu yo kunshyiramo ibyo mushaka”
John-“Ngo? Wowe Gaju! Ukundana na Gasongo? Nizere ko ibyo numvishe numviranye ariko?”
Gaju-“Mbisubiremo Gasongo ndamukunda kandi nawe arankunda, nari nzi ko umunsi umwe nzahura n’abantu nkamwe bamunyangisha ariko narahiye kutazabumva n’umunsi n’umwe, niba ari nibyo bitumye mwicara hano njye mbaye nigendeye”
Njyewe-“Oya Gaju! Wigenda, ihangane basi unyumve!”
Gaju-“Nkumva nkumva iki?”
Njyewe-“Gaju! ntawe ukubuza gukunda uwo wahisemo basi uzakomeze umukunde ariko umukunde umuzi ntuzabe nkanjye waguye mu gaco ke ngatungurwa kandi nkababazwa n’uko yampindutse izuba riva maze hahandi nacaga akankurikira atangira kujya ahanyuza umuriro”
John-“Humura Gaju! Ntabwo kukubwira ko Gasongo yahindutse akatugira abanzi be ari ukumukwangisha, niba umukunda ushobora kumushyigikira ubwo ni uburenganzira bwawe ariko ukabikora ubizi, ikibabaje kandi giteye agahinda nuko yabikoze kubw’ishyari yagiriye Nelson ndetse akabikora agamije gushaka indonke, Gaju koko urumva nakwifata nkakubeshya uko ngana uku?”
Dorlene-“Sha Gaju! Ni ukuri rwose niba unakunda uriya musore nta muntu ufite pe! Humuka sha utazarira ayo kwarika ukicuza”
Gaju-“Jyana ayo muko! Turabazi, ubwo rero undushije impuhwe? Nk’uko umbonye nkuze undeke njyenyine, nta soni! Niba ushaka no kumujyana umenye ko utakimubonye di!”
Dorlene-“Hhhhhh! Ibaze narwaniye Gasongo ni ukuri yebaba wee!”
Gaju-“Niba utamushaka se ayo magambo yose ni ay’iki? Ndakubwiye ngo ntiwongere gukaraga ururimi rwawe uvuga Gasongo”
Aliane-“Gaju! Sha tuza, ubu koko uzi agahinda Mama wawe uri hariya ku bitaro yatewe na Brown wanze kumva ukuri kw’ibyo Dovine yamukoreye urubwa rwamubera akananirwa kwiyakira bikamuviramo gusara?”
Gaju-“Ngo? Brown yafunguwe? Mama ngo ari mugahinda? Mana wee!”
Gaju yahise yiruka ajya mu nzu asohoka afite igikapu Kiki agiye kumutangira aramuhirika agwira ameza Fanta zari ziyateretseho zirameneka ageze ku muryango arahindukira aravuga,
Gaju-“Tonton, Nelson! Iyaba mwari muzi ko inshuti itaguranwa ubutunzi ntimwari kumfasha kwiga mugamije kumpungisha ngo mubone uko mwisasira Gasongo, ndagiye kandi burundu, kandi aho tuzaba njye na Mama ndetse na Brown uko hazaba hameze kose azaba ari iwacu ntimuzahasunutse ibirenge”
Ako kanya Gaju yahise asohoka ndahaguruka nihuta mukurikira nkingura umuryango ngeze hanze,
Njyewe-“Gaju! Gaju…”
Gaju-“Nelson! Mpa amahoro, sinshaka kukumva, n’ubundi kuva nacyera najyaga mbona usa n’umugambanyi kandi nabonaga utarishimiraga urukundo rwanjye na Gasongo, wimpamagara ndeka ngende.”
Gaju yahise ahindukira agenda yihuta akinguza umuzamu vuba nanjye muha amahoro arinda asohoka nanjye nsubira muri salon ngezeyo,
John-“Aranze aragiye se?”
Njyewe-“Aragiye da! Ubu se koko ibi noneho turabigira dute? Brown yanze kumva na Gaju anangire?”
Aliane-“Tuza Nelson! Nta mugisha w’umwingingano mubareke bazimenyera ukuri bifuza”
John-“Apuuu! Ariko ubundi wa mugani twabaretse bakazimenyera ibyabo? Njye uwo njya gusiga ndamurinda, wagira ngo nta kazi kandi ngira? Ubu se ako kugaragaza ukuri ngo mbakize ubuhumyi ndagahemberwa?”
Dorlene-“Mubareke wana nabo ni bakuru bazirwariza, uwasaze we ntiyari icyuki?”
Njyewe-“John! Ihangane we guhina ikirenge igihe cyo gutera intambwe kigeze, ubu se waba wararuhiye iki koko?”
John-“Reka reka nta mpamvu yo kwiruka ku muntu umushakira ibyiza uzanyumva tuzajyana utazanyumva nawe kazi yake!”
Njyewe-“John! Wakongeye ukarambura ukuboko bwanyuma tugakora uko dushoboye tugakiza bano bana ko aho bagana ari ku manga?”
John-“Nonese Nelson, uragira ngo ndenzeho iki kandi badashaka kunyumva? Cyakora umunsi umwe bazanyumva bitagishobotse”
Madame John-“Chéri! Wakumviye umwana koko? Ndabizi hari aho ujya ugera ukarekura ariko ihangane wongere ugerageze hato utazisanga ibyo wakoze byose warakoreraga ubusa, ngaho ongera umwumve nk’uko yavuze ukamwumva cya gihe bigatuma ubu ndi impande yawe”
John-“Kandi koko nibutse ko nawe nari nanze kukumva gusa ya mahirwe asa n’ayanyuma naguhaye aba ariyo avamo gutangira ubuzima bwanjye bushya, Nelson! Ngiriye Mama Brown reka nkomeze mube hafi abana nibanga kunyumva ndabizi we azanyumva”
Twakomeje kuguma aho amasaha nayo akomeza kwicuma ndetse butangira no kwira tutaramenya uko kwa muganga bimeze mu gihe ngifata telephone ngo mpamagare Brendah mubaze uko bimeze ako kanya twahise twumva umuntu ukomanze Dorlene wari uri ku muryango arahaguruka ajya gufungura agifungura dutungurwa no gusanga ari Mama Brown na Brendah,
John-“Uuuuuh! Ko muje mwenyine se bigenze gute kandi?”
Mama Brown-“Wahora n’iki ko ari akumiro! Abana banjye baranyigaritse da!”
Njyewe-“Ngo? Mama! Brown yanze gucururuka ngo akumve?”
Mama Brown-“Brown se gusa? Dore na Gaju nawe ngize ngo muvugishe ati ntugire ngo nuko uri Mama niba uri kumwe na ba Tonton John mbisa, ubu tumusize ku bitaro we na Brown kandi ngo niba ntashobora kwisubiraho ngo mbareke burundu nzagende nibane nabo bazirwariza”
Twese-“Oooohlala!”
John-“Mbega agahinda! Nonese ubu koko amaherezo ni ayahe Mama Gaju?”
Mama Brown-“Umbaze nkubaze, ariko ubu koko nacumuye iki? Nongeye gusigara njyenyine n’abana nari nsigaranye bantaye bambona? Nemere se nsange abana nirengagize ukuri?”
John-“Mama Gaju! Koko Brown na Gaju banze kukumva?”
Brendah-“Niko bigenze nanjye nari mpari ntako tutagize ngo twinginge Brown, Gaju we yendaga kudukuramo iyo kotsa”
Nkimara kumva ibyo nagize ngo mvuge twumva abantu batonganira hanze turaceceka twese ngo twumve ibyo ari byo, twumva ni ijwi rya Kiki n’undi muntu tutahise tumenya ako kanya ariko ryari ijwi ry’umugore.
Madame John yashatse guhaguruka ngo ajye kureba ibibaye ariko John ahita amufata ukuboko maze aramubwira,
John-“Iyicarire Mada! Ntukazajye wihutira gusohoka batazakuntwara, ubu navugwahe ko naba mbaye nyamugendamubinyuma kandi ari njye nkingi ya mwamba?”
John akivuga gutyo Kiki yahise akubita urugi arinjira ahagarara imbere yacu maze aravuga,
Kiki-“Ariko Boss! Wazabwiye uriya musaza akajya areka kunteza abaturage ko nanze kuba Mudugudu cyangwa Gitifu ngo njye nkemura ibibazo byabo”
John-“Dore ishyano re! Bigenze gute se kandi?”
Kiki-“Dore yihaye kujya akingurira abantu bose nkaho iki gipangu ari igihuku, njye ndamusohoye ntabwo nkina”
John-“Nonese narakubwiye ngo ujye usohora abantu bose baje hano Kiki? Uwo muco wawukuye hehe?”
Kiki-“Ariko Boss! Ntabwo uzi ko muri ibi bihe ibintu bisigaye bimeze nabi? Ubu se wagira impuhwe bwo wabona ibyo ugaburira abantu bose basaba hano muri uyu mugi?”
John-“Ahubwo se Kiki, uwo muntu yari ameze ate?”
Kiki-“Wavuze ko yari n’umugore se? Ni mwiza ate! Ni ikizungerezi iyaba ari nko kuyoboza mba muherekeje nkagenda mwirebera!”
John-“Hhhhhh! Kiki nonese ko numva ari umugore mwiza kuki utamuhaye kalibu?”
Kiki-“Oya nagende! Ikinshiye intege nuko yacumbikaga, Boss! Bariya biyakishwa amacumbi basa neza aba ari abajura”
Njyewe-“Kiki! Nonese ko utumvise ibibazo bye bimuteye kuza gucumbika ucyeka ko ibibazo bigaragarira ku myenda ishaje cyagwa gusa nabi?”
Kiki-“Reka yari ari kumbwira ibibazo ngo bye n’umugabo we, kandi ntabwo ndi umwunzi”
John-“Ngo byagenze gute se?”
Kiki-“Ngo umugabo we yamwirukanye kubera umukobwa we wakoze ibara agaterwa inda n’umusaza ungana na se”
John-“Ngo? Kiki! Kuki utaje kumbwira ngo nze nivuganire nawe?”
Kiki-“Boss! Nanze kuza kubikubwira, kabisa hari ibibazo bigomba gukemurwa nanjye hano”
John-“Ndavuze ngo ihute umukurikire umugarure vuba kandi n’umubura ugumeyo uranyumva neza? ………………………………..
Ntuzacikwe na Episode ya 86 ejo mugitondo
English
60 Comments
Ubwo se ibyo nibyo kdi,brown gerageza wo kurakaza umubyeyi ngutume agira intekerezo zidasanzwe
nuliso we
Mama wa Dovine arangaye da! Kubyara nabi ni ishyano.
Ndabatanze pe!
Ayiwe ni mama Dovine se kiki yirukanye? Mbega akaga, mma Brown se arabigira ate?? Mbiteze amaso Thx Umuseke.
maman dovine akaba acumnikiwe nabo yashinjaga daa Imana ifashe maman brown rwose akomeze arwanire ukuri kuko gutsinda
Ubu simbatanze koko?
Mbaye kuwambere
Mbaye uwambere,mubyuke yaje!!!
Yooooo, mama dovine baramwirukanye ubu SE mama Kiki aramukurikira amubone?
Yoooo ndababaye rwose kuba brown atumviye mamaikinshimishije ikinshimishije nuko nyina wa Dovine agiye kuza kwa John bazamujyana kwamuganga akababwira byose ..thanks umuseke yatugezeho kare gusa nikagufi
Yooo disi uri umuntu mwiza john imana izabiguhembere, mama brown gusa ihangane nimana ishatse kurokora umwana dovine atwite kuko brown aramwitaho nubwo bizafata igihe ariko brown , Gasongo ndetse na Gaju bazumva ukuri bagusabishe amavi yumutima , kandi nabo bazavanamo isomo.
Ababishinzwe mwanshyira muri group yiyi nkuru kuri whatapp koko?
+1 920 277 6194
Abansuhuza namwe ni karibu!! Wa
Nyandikira cg ukampamagare byose ntakibazo.
Ndasabye nanjye ko mwashyira muri group!+258 848274599 Salma
waooww!!am the fast one???????? ark abana ba M.Gaju babahaye karye ukumve sigusa peuh urambonera uko bigize raa!!john nabihorere uwiyishe ntaririrwa eaaa
Mubyuke mbaye uwambere ariko mbabajwe nimyitwarire ya gaju na brown kiki nitubabarire azane mama dovine niwe uzatuma ba gaju bamenya ukuri
Yooo disi mama dovine atangiye gusaba icumbi kubyara nabi we gaju wanze nyoko ukurikiye gasongo sawa uzamwifuza utakimubonye dovine wabwije abana babandi ukuri ntubateze ababyeyi koko kdi gaso mbona wemeye icyaha wababarirwa pe
Hahaha mama gaju wabyaye nabi, mama dovin arikubunza akarago
Ahaaa uwo ni mama dovine ntawundi!ark kiki nawe yigize akaraha karajahe ubuse yabaye serugo kuva ryari?ubu se azi incuti zose za John?Kiki wisubireho kbs nubwo nsanzwe ndakwemera!
Ariko nakumiro Koko!! Gatindi Gasongo akamasa kazaca Inka kazivukamo Koko!!! Uteranyije imiryango kubera inda Nini Koko? Urakaba imbwa bakwishe amahiri!!! Ndababaye peee ubuse mama Gaju agahinda aragakizwa Niki Koko?
YOOO UWO NI MAMAN DOVINE ! WIRUKANYWE . UYU NIWE UZABWIRA UKURI BROWN TU NDABIZI JOHN ARAMWAKIRA BAMUSABE KUJYA KURWAZA DOVINE GUSA MAMA GAJU NAGUME KUKURI AZI NTABWO ABANA BAYOBA NGO ABAKURIKIRE GUSA NABO NI BAKURU UM– USEKE MURAKOZE
Yoooo uwo Ni mama Dovine disi iyi nkuru nari nanze kuyisoma kuva Saa 04h Kubera titre none ndashyizwe nayisomye. wenda ubwo uwo mubyeyi aje azumvisha na bariya bana ukuri.murakoze umuseke n’umwanditsi.
Aba bana ba mama gaju koko ko mbona ntanumwe yibyayeho?bose bagira defaut imwe ya se pascal yo kutagira gutuza ngo batege amatwi.kdi ibi ni defaut mbi cyane gufata decision utabanje kumva impande zose uba uri umuntu wa fake cyane.nonese nkubu gaju wasangiraga naba bantu kdi yishimye,nyuma yigihe kinini amaze muri internat ntanokubanza ngo yumve uko umu cheri we yahindutse ahubwo arikaraze aragenda?apuuuuu bakareke nako kazibonere uwanze kumva ntiyanze no kubona
hhhhh ariko noneho isi irashaje pe ahaaaa mbega uruhererekane rwibibazo weeee hakemuka bimwe haza ibindi ibinibiki kok?ibibaz bizarangira ryari kweli ngaho abana ba pascal ntibava kwujambo umujinya bagira ninkuwase pe ubu c bizagenda gute kok bakobwa bakowe ?mama gaju pole sana Imana izishakira igitambo kd humura nubw bazatinda kumva ukuri bazabibpna kd bakumeny bkugarukire rwose singaho mama dovine nawe baramwirukany kubera umukobwa we ark mana we nzaba ndora pe ingaruka z’icyaha ntawe zitageraho pe ubu c kiki aramukurahe ra ubundi c namubona arakunda kugaruk nukunt yamusohoye nabi kweli. thx
Mbega agahinda mama gaju afite we abana be bose bafite imico nki ya papa wabo nta numwe yarokoye koko.
Ariko Dovi ko byose byaturutse kuri wowe ukaba ukomeje guteranya umuryango urumva bizakugeza kuki koko wasubije agatima impembero ukavuga ukuri ugasaba imbabazi urumva brown namenya ukuri waramaze kumutanya na mama we azakubabarira amakosa ukomeje gukora uvuze ukuri wababarirwa kuko nta wudakosa ikibi ni uguhora mu makosa ba intwari byibuze uhuze uwo muryango wateranyije buzatuma umutima wawe uruhuka.
Ese Gaju ko wanze kumva iyo banga kugutega amatwi uragurango Gasongo yari kukugirira neza uko ubikeka ese ugirango ukunda Gasongo kurusha Nelson uko amukunda cyakora ngo ntawihuta nku wayobye wowe na musaza wawe sinabarenganya.
Ndumva mama Dovine ahageze wenda azafasha mu kunga umuryango urimo usenyuka kubera ubuyobe urimo.
Gasongo wagarutse ugasaba imbabazi ko ubugabo butisubira bubyara ububwa.
BYIZA CYANE JOHN WICIKA INTEGE INTEGO YAWE WAVUZE NTURA YIGERAHO !
Bjr,yeweeeeeee Mama Dovine atangiye gusaba icumbi disi.ariko umenya kwa John habayo umugisha.ngaho mundebere KO kubyara nabyo bijya bibera umuntu ikigeragezo,Gaju na Musazawe,banze kumva Mama wabo.hanyuma Kiki nawe ATI hari ibibazo bigomba gukemurwa nange boss???!!!!!
ninjye wambere noneho
Yoooo mbega agahinda kr Maman Brown gs niyihangane kko ntamvura idahita.
Gusa John aha akoze ikosa! kuko iyo adatuka Gasongo kuriya mbere yo kubwiza ukuri Gaju, ntiyari kuba ahise ahaguruka ataranamenya ibyaribyo!
ntiyabeshye gasongo ni rubebe????
Ahubwo John ikosa afite nukwingingira gufasha abantu cyane????????nabareka bakazanyifuza nyuma????gusa dovine yararikoze yokabur’uko yigira????????
Si dovine, nibe nawe afite icyabimuteye ahubwo byose ni Gasongo ,kuko Dovine urabona ko yari afiyte akaga, atari kubona ikindi akavuza uretse guhemuka n ubwo ari we wakiteye, ariko c buriya Gasongo ni muzima? bariya bose ni we wabishe mu mutwe akagerekaho kugabanira inshuti ye y akadasohoka.
sibwokiki yanze guha icumbi mama dovine bikababitumye ahanishwa kugaruka murugo aruko amuzanye Gaju na brown ni bamenya ukuri bizagenda gute nituzacikwe
yoooh Mana wee Gaju kuki winangiye koko.yoooh maman Gaju humura maa siko bizahora disi maman Dovine niwe rwa Kiki rwirukanye mfite amatsiko yejo
Si ngaho na Maman Dovine aje gucumbika Kwa John!!!Aho bukera abaharanira amahoro baraba benshi!!nk’uko abana ba Maman Gaju banze kumwumva ni nako Maman Dovine agiye kwiyunga n’abafite ukuri maze urugamba rube urugamba amaherezo ukuri kuzatsinde ikinyoma.Ariko se buriya nka Gaju uhindutse atazi n’uko byagenze aho we ntiyari yiyambitse uruhu rw’intama nk’umugabo we??yewe inkuru igeze aho iryoshye rwose n’ubwo ibabaje ariko Nelson ntasubire I kgli bitamenyekanye ko ari umwana wa John na Christine.Thanks umuseke.Plz,weekend mukunda kuyiduha mutinze cyane none rwose ejo muzatubabarire muyiduhe kare nk’iki gihe
Yoooo!!! Ni Mama Dovine disi!!!! Brown na Gaju bazibuka ibitereko basheshe.
Yoooo! Disi mama Dovine niwe uri gusaba icumbi. Mama Brown atewe intimba n’abana yibyariye. Christi wakoze gucisha make Jhon akaba yongeye kwitwa umugabo.
Ndababaye pe! Ikinyoma ni nk uburozi pe! Kirasenya nta kiza cyacyo. Dore utumyr abana ba mawuwa Na Pascal batandukana n Umubyeyi wabo. Ubu se Koko Ko Gasonga yishoye no mu bagore, kdi mbizi Ko Jojo atanywera abili cyane Ko nta rutangira agira Ko azanabivuga, nawe bakavuga Ngo Ni aye. Mana y Abraham tabara pe. Ikigaragara nibo mu nzozi Nelson yarose Ko bazabaza Ngo nabo binjire. Nuko hagaturika ikintu. Yewe reka tubihange ???????????? ntawamenya. Gusa nishimiye John Na Christine. Ubwo maman Gaju aje nibasubiramo inkuru baramenya Nelson. Maman Dovina naze mu rugo, bamwakire nk abandi.
Ndabona ibyo kwa maman Brown bikomeye
manawe!!uwo si mama dovine wabuze iyo yerekeza!? ariko abamama baragowe koko!?m.brawn agumye mugahinda kdi yarageze mubihe byokunezerwa koko?!John ihangane ukomeze kubagarira ubutwari,kuko urintwaripe!babehafi,bazageraho bumve ukuri.Nelson shenge!ikirarogihuza abashaka kumva ukuri!urumunyamugisha humura nabandi baraza kumva ukuri,kuko wagupfumbatiye,ukanga kurukura,ukemera nokwambara ipingu!kdi bitari bikubereye!gusa birimokugenda biryoha iyinkuru twifuzako yazakinwamo firme twiteguye kuyigura kuko irimo inyigisho nyinshi,burimuntu yibonamo murwego arimo.tks
Mbega akumiro!Mama Gaju pole kabisa,Imana izagukiza ako gahinda
Ni mama wa dovine disi utangiye kwangara kubera ikirumbo cyumukobwa. Ariko mbaze abagabo bazagezahe kumvako ibibaye kumwana biba byatewe na nyina kuki se wa dovine atumva ko nawe yagira uburangare kumwana? Uburere ni ubwa 2 nyamara.
Inyana ni iya mweru koko Pascal yaribyaye tu kuko kuriya kutava ku izima no gufata imyanzuro hutihuti ni ibya Pascal rwose. Ni isomo rero ry’imyitwarire mu bandi. ibi nibyo bita ngo ni ukubyara nabi weee, mama Brown agiye kuzanangurwa n’agahinda koko ariko byose bizakemuka habeho umunezera mu miryango. Erega John kuba ahise atuka Gasongo ni umujinya kuko ni disappointment iteye ubwoba pee kandi ikindi nta kintu na kimwe John yari azi hagati ya Gaju na Gasongo ntimumurenganye ahubwo biramutunguye kumva ngo Gaju akunda Gasongo. Aba bana ba Pascal kutumva bizajya bibakoraho rwose mwibuke uko Gaju yavuye mu ishuri ntacyo abuze akarinda ubwo ababyeyi bamubura, mwibuke uko Brown bamubujije gutanga ruswa akanga akabikora, mwibuke imyitwarire ya Jojo mbese babyeyi ni ugusenga nta kindi umuntu yakora. Thanks Umuseke and we love you all.
Mbega agahinda ababyeyi bahura nako,Mana girira impuhwe ababyeyi bacu nkuko bazitugiriye tukiri bato!
Ubu c mvuge iki koko?iyo ababyeyi bagize agahinda binkora abantu kabone Niyo yaba Atari ababyeyi nanjye!Mana itabara fasha ababana aribo brown na gaju bamenye ukuri kabone nubwo bahitamo gukomezanya nabakunzi babo ariko rwose bazi ukuri ariko byibuze bagakomeza bakumvikana numuryango,ariko agahinda ntikica koko!
Byibuze c biriya birara NGO ni dovine na gasongo bizabwira ukuri gaju na brown kweli?kdi bavugishije ukuri bagasaba imbabazi mubyukuri ntekereza ko bazihabwa kuko john,m.brown yemwe na nelson ntago arabantu babi rwose imbabazi bazibaha!m.brown ihangane ndabizi bazakumva igihe cyaratakaye ariko bazakumva in shaa Allah, ubu rero gasongo arinkundi Uzi ubwenge Naha yagakwiriye kongera kwiyegereza umuryango,yakagombye gusanga brown na gaju akababeiza ukuri kose kumurongo maze yarangiza akabasaba imbabazi yemwe akanabasaba ko no bajya kumusabira imbabazi john,m.brown yewe na nelson,ariko kuba ufite umutima wumutindi simbizi niba ibingibi azabitekereza kbs!Mana tabara nukuri,twari twishimye NGO urugamba rurashojwe kumbe hashojwe urwa nelson hikubitaho urwa brown ,gaju na mama wabo ahaaaa nanjye nteze yombi ntegereje ikizakurikira pe!
Ariko JoJo bite ko adaherukwa kuvugwaho hamwe na m.Kenny yewe na kenny?turifuza kumenya amakuru yabo nabo hashize igihe batavugwa?
Maman dovine koko aranze arangaye kubera icyohe cyumukobwa?Mana uge utubabarira utuyoborere urubyaro maze rutubere urw’umugisha aho kutubera urw’umuvumo!gusa nkibingibi abantu benshi bige bitubera isomo nkubu koko umugabo umeze nka se wa dovine arumva akomeye mumutwe?ndabizi abagabo benshi baravuga NGO iyo umwana Yabaye ikigoryi aba ari uwa nyina!bagabo muri bubashe gusoma iyi comment yanjye reka mbibarize,ubu koko ukuntu umugore aba yaravunitse asigasiye umwana amezi 9 munda ye yakwifuza ko umwana wiwe aba ikigoryi?kuzihe nyungu c?sino kumusigasira amezi 9 gusa kumurera mpaka akuze muziko Atari umurimo utoroshye ?none c koko mutekerezako umubyeyi wumugore ariwe woshya abana biwe ubugoryi koko? Mwebwe mwagiye mukora ibintu bifite logic koko?niba umwana Yabaye ikigoryi muge mubifatanya mubyakire ntanumwe uba wabigizemo uruhare rwose!
Umwanditsi Imana igufashe utugezaho inkuru zirimo inyigisho kuri nabandi babasha kubitekerezaho murakoze cyaneeee,umuseke namwe murakoze!
hhhhhhhhhhhhhh bigenze nezape uwo mucyecuru nibamuhe karibu twihere ijisho ibizakuricyira
CraZy world… Uwo in mama dovine disi
Gaju nawe abaye imbwq nka boyfie wiwe??
yewee ako nakumiro,sinari nziko urukundo ruziba amatwi yabantu ubu gaju yanze kumva mgo nuko gasongo yiswe imbwa nibwa nyine yabanze akumva impamvu,mubareke nubundi nahokuba bafite bazagaruka umwe avuye gereza undi kwishuri barajahe ko nakintu bariho nabwoba banteye pee gusa pascal yaribyaye kbs mbega abana bafite password narumiwe mbabaje nababyeyi naho abana bo bareke nibahumuka amaboko yababyeyi azabakira ikyambwira gasongo aho ageze yiruka,ngo dorlean yaryaniye gasongo hahhahhahah gaju ndagusetse umukobwa mwiza uzi ubwenge yakwiteza imbwa wamungan wa john big up umwanditsi cant wait.
Iyi nkuru ni iyambere kwisi kbs gusa nange nimunshyire muri group ya what’s up +250789048002
mwanditsi twumve,watsap grpe tujye twiganirira bitatugoye,mbona turi benshi babishaka.0728816780
iyi nkuru iraryoshye kdi irigisha, gusa ndanenga akantu gato! umunsi wababantu ukorerwamo ibintu byinshi! ndebera nawe igihe bwakereye igihe police yaviriye I gisenyi ikagera ikigali ikagaruka igisenyi bakagera kwa Muganga bakajya kuburana Dovine akirukanwa Martin agafungwa nibindi byinshiiiii kugeza nanubu koko ntiburira ngo bucye????
Mujye mureka ibintu byose bibe burya biba bifite impamvu, ubuhano niho tugiye kurebera niba Dovine akwiye imbabazi cg niba ari umurozi utagira umutima w’abantu.
Niyisubiraho akamenya icyaha cye akabwiza Brown ukuri ntiyirirwe yiteranya n’umuryango we hejuru y’uburara n’uburaya bwe araba akwiye imbabazi nubwo adakwiye gusubirana nawe mu buryo bw’urukundo, ariko natabimubwira agakomeza kumurogesha amagambo nk’ayo yamurogesheke mbere araba ar’umurozi koko adakwiye n’imbabazi.
umwanditsi courage buriya buri wese akuramo amasomo ye
Aha ibintu bikomeje kuba agaterera nzamba ikimbabaje nikimwe gusa nuyumukobwa wigize intumva ariko araje yumve nonese mwokagirimanamwe kiki koyigize kabutindi murugo rwabandi uziko yarugize nkurwe ukuri kwari kugiye kuboneka kuko bari bagiye kumujyana kwamuganga agasobanurira bariyabana bakareka kwiruka kukinyoma cyuriya muhemu ariko bitinde bitebuke byose bizajya ku mugaragaro gusa imana ihagoboke kiki abone uyu mubyeyi
Erega pascal nu mugabo mubi ntakuntu ya tera imbuto nziza kabisa mbabazwe na mama wabo gusa nahubundi nonese jojo we naza nawe akiyunganabo biragenda bite?? ubu mama wa Dovine araje mama Brown nawe amusabe kujya kubwira brown ukuri kugirango batandukane yayayay ni akumiro gusa hara cyari Intambara tu.
rwose intambwe imaze kugerwaho ni ndende ariko wagirango umutwe nimyumvire bya Nelson na Gaju biri muri gereza pe
Nelson humura ibyari bikomeye byararangiye ibisigaye nabyo Imana izabikora kuko uri umunyamugisha! Nk’ubu maman Dovine araje azabafashe kubwira ukuri Brown na Gaju azakumviraho!Kiki ariko ararengera cyane!
Umuseke n’umwanditse mwakooooze kandi mukomereze aho. Gusa mukongere ni kagufi.
Nibyo Gasongo ni rubebe gusa muri iyi si buzuyemo pe! Imana ijye ibagenderera!
Mana we Mama gaju Humura ntamvura idahita Kandi Imana izabyikorera naho uwo muswa ngo ni Gasongo sinshaka kongera Kumwumva yarambabaje trop None koko Haba Hari group ya whatsup ihari ngo Nanjye Mbahe numero zanjye munshyiremo?
Ndisabira umwanditsi kuduha episode y’ejo kare nk’uko bimazeho iminsi kugirango tujye mu muganda twayisomye.Twizere ko Maman Dovine azahita abwira Brown na Gaju ukuri kose noneho bagatangira kubebera bagaruka kwa John gusaba imbabazi,kandi bazazihabwe kuko abo bazisaba ni abantu bafite umutima si inyamaswa.Gasongo we ndacyeka atabitinyuka we byaramurangiranye Gaju nakureyo amaso ubundi Gasongo ahindure umujyi ajye nka Gatsibo asubire mu mizigo ave mu Bantu.Umuryango nusubirana ntacyo bazaba bakibaye.
Ndabona ari bimwe bavuga ngo “agahinda gashira akandi ari ibagara ” gusa m gaju Komera turi kumwe kdi uyu mubyeyi usaba icumbi nta kabuza ni mama Dovine azadufasha rero yumvishe igihomora cye nacyo kibwize Brown ukuri bityo twese tubyungukiremo ndetse na Gaju azahita acururuka umuryango wongere kwiyunga
Byiza cyane ndabona Nulliso ageze hagati y’ababyeyi be ubu baraje bamenyane ubundi murebe ngo umuhungu arateta kuko uruganda rwa se akoramo azahita asimbura Martin maze ubuzima buryohe. Umuseke muri Abagabo Sana
Uwo ni mama dovine kweli kweli
nimumucumbikire ntakundi utazize inarashatse azira inarabyaye!
mbega ndumva bitoroshye gusa Nelson na humure bazashyira bumve .
Comments are closed.