Episode 68: Jane asezeye Eddy basubiye i Kigali. Eddy ageze mu modoka akubitana na Destine!

Episode 68 ………..Jane ahita ambwira.

Jane – “Cheri uriya ni Papa!”

Njyewe – “Boo, none se ko ntabwoba mbona ufite?”

Jane – “Chou ibyo bimparire, ahubwo yambiii!”

Njyewe – “Bon voyage mukundwa!”

Jane – “Oooooh cheri, ndaza kuguhamagara!!”

Njyewe – “See you Bb!!”

Nahobeye Jane asanganira imodoka na njye nzinga agahinda nsubira inyuma. Mu gusubira inyuma nagiye mbabaye kabisa numvaga nacitse intege bya nyabyo, nibazaga  ukuntu Jane ansize  twese tutabishaka, nkumva nakurikira imodoka ya ba Jane!

Nageze muri chambre yanjye mpita mpamagara James ngo mubwire ko ngiye kuza, ndeba numero ye nkanda yes nshyira ku gutwi, ntibyatinze yahise ayitaba vuba cyane.

James – “Yes Bro!”

Njyewe – “Hello James, umeze neza se?”

James – “Ni sawa kabisa, ugeze hehe uza se?”

Njyewe – “Eeeeeh  ndacyariyo ariko mu kanya ndaje nzamuke tu!”

James – “Cyangwa uri gusezera wa mwana muto sha?”

Njyewe – “Reka reka Bro, ahubwo winsonga, icyakubwira ko maze no kumuherekeza!”

James – “Uuuh sinabivuze ko azagutera indobo!! Nizere ko uyizana i Kigali ukayiha kadogo akajya ayogerezamo amasahani!!”

Twahise dusecyera icyarimwe.

Njyewe – “Bro, iyaba wari uzi uko ubu bimeze!”

James – “Eeeh, ushatse kuvuga ko yavuze yego ya nyayo?”

Njyewe – “Of course!!”

James – “Eeeh Bro, nongeye kubyishimira pe! Ariko se koko ubu wemeye kuzarya igiti wagiye gusura uwo mwana w’umukobwa?”

Njyewe – “Bro, usibye n’inkoni kuri iyi nshuro n’imbunda sinyitinya!”

James – “Eeeeh, ndumva uzanye amaraso mashya muri Kigali!”

Njyewe – “Kabisa niko bimeze, ahubwo reka nitegure nze, ubwo ushake ahantu heza ninza ndaguhamagara!”

James – “Ntiwumva se ahubwo! Ako kantu!”

Njyewe – “Sawa rero turi kumwe mu kanya!”

James – “Urakoze muvandimwe wanjye!”

Call end.

Nkimara kuvugana na James nahise ntunganya ibyo ntari nakarangiza, bigeze nka Saa tanu n’igice mpita mfata igikapu ndamanuka ngera ku muhanda mfata moto ingeza ku modoka zijya i Kigali, ndakatisha nicara ntuje mfata headphones nshyira mu matwi mba niyumvira musics, hasigaye akanya gato ngo imodoka ihaguruke mbona haje imodoka yo mu bwoko bwa  Rava4 iparika hafi aho ihamara akanya gato, si nzi ukuntu narebye neza mbona Destine ayivuyemo ihita yongera iragenda gusa sinabonye neza uwari uyitwaye.

Destine  akivamo yahise ajya muri bureau aho bakatisha tickets, hashize akanya mbona aje agana aho imodoka nari ndimo yari iparitse yinjiramo tuba dukubitanye amaso mbona asa nuwikanze, ahita yicara vuba vuba ahagana imbere yanjye dukomeza gutegereza ko imodoka ihaguruka, mu gihe dutegereje Destine yarahindukiye ambwira umuntu wari wicaye impande yanjye utuntu ntabashije kumva, ako kanya mbona baraguranye Destine aza kwicara impande yanjye!

Hashize akanya nta wari wavugisha undi, ariko nkomeza kubitekereza nsanga bidakwiye, mba ndahindukiye ndamubwira.

Njyewe – “Bite se Desti?”

Destine – “Uuuuuuh ni sawa! Ariko Eddy ubu waranyanze bigeze n’aho gutaha utambwiye twarazanye koko?”

Njyewe – “Sinabyanze ahubwo nk’ibisanzwe nari mbizi ko kuboneka kwawe bigoye!”

Destine – “Uuuh cyakora sinkurenganya kuko ndabizi ko Jane yakwibagije byose!”

Njyewe – “Eeeh nibyo rwose, noneho ubu koko iyo ntabona Jane mba meze nte?”

Destine –  “Ahaaaa, ntacyo narenzaho Eddy, byose amaso arampa, gusa byose reka tubyirengagize kuko Jane agiye na njye nkaba mvuye i Butare nsize uriya musore, dutangirane ubuzima bushya njye nawe. Sibyo Eddy wanjye!?”

Ubwo naramwitegereje mbura icyo musubiza ku mutima nti Imana ishimwe ko ntarekuye urukundo kuri wowe naho ubundi nari kuzaririmba urwo mbonye niba ari uko ukunda!

Imodoka yarahagurutse, Detine ntangira kumuganiriza bisanzwe twageze i Nyanza bisa nk’aho nta cyabaye hagati yanjye na we, twageze Nyabugogo nka saa kumi tuvamo, Destine aranyegera dore ko nasaga nk’aho namuhaye umwanya arambwira.

Destine – “Eddy wanyemerera nkagusaba ikintu kimwe gusa?”

Njyewe – “Ok, mbwira numve ko bishiboka!”

Destine – “Nyuma ya byose wanyemerera ukampa umwanya byibuze n’iyo yaba isaha imwe tugasangira nkakubwira ikindi ku mutima!”

Njyewe – “Oooh, Desti byari byo ariko mfite gahunda yihutirwa kabisa ihangane!”

Destine – “Eddy wambabariye ko ngukunda!”

Njyewe – “Desti, ihangane urabizi ko gukundwa ntawe bitashimisha ariko humura na njye sinkwanga, ubu ntibyakunda ariko nibiba ngombwa tuzareba undi munsi!”

Destine – “Ahaaaa Eddy, umutima wanjye wangijwe n’intimba y’urukundo rwapfukiranwe nawe, basi unyemereye ukampa andi mahirwe nabohoka nkongera nkaba nk’abandi!”

Njyewe – “Ndabyumva erega. Nako ntabwo mbizi! Kandi nagusobanuriye bihagije ko mfite uwo nahaye urukundo, rero gerageza ubyihanganire kandi ntabwo nanze gusangira nawe ahubwo  uyu munsi ntibyakunda. So, reka ngende!”

Nahise musezera nzamuka gato mfata aka moto kangeza mu Biryogo tugezeyo ndakishyura mpita ninjira muri ka kazu k’ubukode kanjye, nsanga Kadogo yicaye hanze, akimbona.

Kadogo – “Eeeeh! Boss wanjye, hhhhh uraje se? Ubu ni wowe? Kabisa nari ngukumbuye bya hatari. Uzi ko uyu munsi ndya inyama!!”

Njyewe – “Hahhhhh wowe habe no kunsuhuza urivugira iby’inyama gusa sha?”

Kadogo  – “Eeeeeh, Boss mbabarira ni ibyishimo byabinteye, ahubwo zana nkwakire igikapu!”

Njyewe – “Urakoze Kado, none se nta kibazo wagize?”

Kadogo – “Ewana ntacyo pe, usibye ibishyimbo byashiririye nagiye kugura me2u, n’umuriro wabuze ejo sinibyinire umuziki naho ubundi byose ni ok!”

Njyewe – “Hahhhhhhh kadogo we uransetsa! Ngaho akira amafaranga ugende ugure inyama ubwo wazishatse ndabizi sinagukira!”

Kadogo – “Eeeeeh Boss, urakoze weeee! Urakoze rwose ubu mu kanya muri quartier nintangira kuzikaranga ndaba ndi umwami mu bandi bakozi bo mu rugo bose, hhhhhh!”

Navuye aho ibitwenge ari byose, nkomeza njya mu cyumba ngezemo nshyira igikapu hasi ubundi mfata telephone ngo mpamagare Jane! Ndahamagara, ubwa mbere iranga ntangira kwibaza uko bigenze, hashize akanya ndongera ndahamagara aba arayifashe ndiruhutsa.

Jane – “Hello cheri, ca va?”

Njyewe – “Oui ça va bien mon amour, bigenze bite ko wari wanze gufata telephone?”

Jane – “Uuuuuh, chéri nari ndikumwe na Papa ariko mpise mucika ngo nze nkwitabe!”

Njyewe – “Oooh chérie byiza cyane, nari ntangiye guhangayika nibaza icyo wabaye!”

Jane – “Oooooh, humura Cheri! Gusa cya gihe Papa aza kumfata ha handi twari turi umperekeza, yakubonye usubirayo maze atangira kumbaza byinshi, ngo uriya muhungu ni uwa he? Ngo ko ahise agenda? Ngo mwari muri kumwe nka nde!? Mbega ibintu byinshi nyine, ndangije ndamwihorera ubu njye na we ntawe uri kuvugisha undi!”

Njyewe – “Ooolala chérie humura kandi wihanganire imvune z’urukundo numubwira amahitamo yawe ndabizi azayakira!”

Jane –  “Ahubwo Chou, ngo cya kigabo Papa ashaka kunshyingira ngo kiraza kundeba mu rugo la, gusa kimbabarire kize, nshaka kugisebya noneho nkabereka ko byose bishoboka!”

Njyewe – “Oya cherie, bitware gake, urabizi ko ngukunda Imana izi inzira bizanyuramo kandi ntizemera ko amarira atemba ku maso yacu!”

Jane – “Oooh chéri urakoze cyane nkunda ko ureba kure gusa ntibimbuza kumusuzugura da!”

Njyewe – “Ubyitwaremo neza mukundwa ubwo uraza kumbwira!”

Jane – “Urakoze cheri, I love you so much!”

Njyewe – “I  love you too My shining star!”

call end.

Ngikura telephone ku gutwi, nahise ntekereza inzira ndende kandi igoye Jane arimo numva binyongereye ku mukunda by’ukuri, mfata icyemezo cyo kuzakora uko nshoboye ngo nzamurinde agahinda, maze iminsi yose azahore mu byishimo byo kuba amfite!

Nkiri muri ibyo mbona James arampamagaye mpita nitaba vuba.

Njyewe – “Hello, Hello Bro!”

James – “Hello My Brother from Mother and Father!”

Njyewe – “Ariko se nkubwo uba ubwiwe n’iki ko ngeze i Kigali kweli!?”

James – “Erega iyo uje mpita mbyiyumvamo, icyaka gihita kiyongera, ahubwo ubu ndi kukavamo reka nze nkurebe!”

Njyewe – “Urabizi hano ni iwawe, karibu rwose!”

Call end.

Namaze kuvugana na James mpita njya douche mvuyeyo ndambara hashize nk’iminota 25 James yari ahageze yinjira yisanga nk’ibisanzwe !!

James –  “Eddy, Eddy hhhhh!!,

Nahise mpaguruka vuba nsuhuza James.

James – “Eeeeh ko mbona wabyibushye wana? Uuuuuuh ndabibona wari uguwe neza!”

Njyewe – “Hahhhh, wabimenye Bro! Ndashimira Imana ntacyo ntabonye umutima wanjye uratuje!”

James – “Eeeeeh ayo ni yo bita amahirwe ageretse ku yandi, Bro felicitation!”

Njyewe –  “Merci beacoup Bro!”

Twakomeje kwiganirira hashize akanya duhita dupanga kujya ahantu tugasoma aga fanta nk’uko nari nabimwemereye, James ambwira ko ngo hari akabari gashya kari mu Mujyi bari bufungure uwo munsi dore ko hari na week end.

Twavuye aho twerekeza mu Mujyi tugera aho ngaho James yari yanjyanye turicara bazana round ya mbere ari nako twiganirira stories zishyushye! Dushyirishaho na ka brochette, hashize nk’iminota 30 hari agakundi k’abakobwa kaje kicara hirya yacu gato, wabonaga ari abakobwa biyubashye mbega bigaragarira buri wese, na twe dukomeza kwiganirira ariko James we nkabona yarangaye areba aho abo bakobwa bari bicaye rimwe na rimwe nkamutera urushyi ngo agarure amaso!

James – “Bro, wabonye bariya bakobwa!?”

Njyewe – “Urabona se batangaje ku buryo bagucuritse ubwenge Bro?”

James – “Oya ahubwo, harimo uwo nshobora kuba nzi!”

Njyewe – “None se ukaba umuzi  ukamurangarira bigeze aho?”

James – “Bro, wowe ugume hano ndaje gato!”

James yarahagurutse aragenda mukurikiza amaso, abagezeho arabasuhuza hashize akanya mbona bose barahagurutse baraza bicara aho nari ndi numva ndatunguwe.

Bamaze kwicara James yahise akora presentation.

James – “Uyu yitwa Eddy, ni umu Brother wanjye cyane!”

Ba bakobwa bose bahise bandeba ubundi baraseka.

James – “Eddy uyu mukobwa bamwita Dudu twahuriye muri mariage y’umuvandimwe turamenyana! Naho aba babiri bari kumwe na we ni inshuti ze.

Na bo bahise bivuga umwe yitwaga Jessica undi Naomi!

Njyewe – “Oooooh ni byiza cyane nishimiye kubamenya!”

Twatangiye kuganira dore ko aho njye na James twabaga turi harangwa n’ibitwenge. Tukiri muri izo stories hari umusore waje aradusuhuza arangije ahagurutsa Naomi bajya hirya gato bavugana ibintu ntumvise arongera aragaruka yongorera Dudu na Jessica ahita avuga!

Naomi – “James, sha muranyihanganira rero hari aka gahunda kihutirwa ngiyemo tuzongera!”

Naomi yahise acaho, dusigarana  na James, Dudu na Jessica bigeze aho James aba aravuze.

James – “Ariko Eddy uwakwimura akabari tukigira club ko mbona hano hakonje wana?”

Dudu yahise yikiriza vuba na Jessica biba uko na njye mbura icyo ndenzaho ngo ntababihiriza, twahise dusohoka twerekeza club, tugezeyo dusanga  ibintu byashyushye! Twicara gato dufata akantu ubwo James atangira kuba busy kuri Dudu Cyane, bigatuma njye na Jessica na twe dusa nk’aho tuganira noneho!

Muri ibyo byose byabaga natekerezaga Jane nkumva nahita mbasiga aho ngataha, ariko na none nkumva ubuzima bugomba gukomeza nk’uko bisanzwe ariko nkagira kwitwararika.

Nahise mfata telephone nandika message nagiraga iti: “Hey my Queen umeze neza!? Bb natangiye kugukumbura kuba ndi njyenyine biri kumvuna bigatuma numva ngukeneye gusa ndagukunda kandi ibihe byose, rero ndi kumwe n’umuvandimwe wanjye witwa James, turi kuryoshya week end, gusa ndumva icyuho cyawe. gusa ndagukunda cyane kiss!”

Nkimara kohereza message nahise mbona Message yanze kugenda, mpamagaye numero ya Jane numva nticamo bikomeza kunshanga telephone nyisubiza mu mufuka nkomeza guhangayika ariko na none nkomeza kuganira na Jessica!

Njyewe – “Harya wambwiye ko witwa Jessica?”

Jessica – “Yego!”

Njyewe – “Mu rugo ni hehe se?”

Jessica – “Ni i Remera, ariko nabonye hari ahantu nkuzi!”

Njyewe – “Uuuuuh ubwo ni hehe la?”

Jesicca – “Ndakuzi rero, ntuzi ko twahuriye ku kibuga cy’indege duherekeje Chris?”

Njyewe – “Eeeeeeh!”

Jessica – “Ndi mushiki we rero!”

Njyewe – “Woooooow! Ni byiza cyane, Chris ni umuvandimwe wanjye nkunda, buriya afite amateka menshi mu buzima bwanjye!”

Jessica – “Ooooh byiza sha, ubwo turamenyanye rero!”

Njyewe –  “Yego sha kandi ndabyishimiye cyane! Rero hari akabazo ngize urihangana ngusige tuzongera ubutaha si byo Jessica!”

Jessica – “Ooooh, buriya tuzongera nta kibazo icya mbere ni ukumenyana!”

Nahise mpaguruka negera James mujyana ku ruhande.

Njyewe –  “Bro, ndahangayitse ntabwo nzi ibirimo kumbaho, Jane numero ye nta yiriho kandi ndikumva ntatekanye, nshaka kuba ntashye rero nkagerageza kumenya amakuru ye!”

James – “Eeeeeh, ubwo se byagenze gute koko? Ubu se uragiye?”

Njyewe –  “Ndagiye kabisa unsabire ntongera kubabara!”

James –  “Nta kundi reka twigendere nta kubyina uhangayitse………………………”

Ntuzacikwe na Episode ya 69 na Eddy muri My Day of Surprise………………………..

UM– USEKE.RW