Dusingizimana akwiye kuba urugero rwiza ku banyarwanda bose- Miss Jolly
Miss Jolly ari mu baje gutera agapira Eric waciye agahigo ku isi ko kumara amasaha 51 ataruhutse
Mutesi Jolly nyampinga w’u Rwanda 2016 asanga Dusingizamana Eric waciye agahigo ku isi ko kumara amasaha menshi akora icyo bita ‘Batting Cricket’ yakabaye urugero rwiza ku banyarwanda. Bityo ejo n’ejo bundi u Rwanda rukaba rwabona undi uzamusimbura.
Jolly avuga ko ku rundi ruhande kuba Dusingizamana Eric ari umunyarwanda, bihagije kuko nta munyarwanda uhiga umuhigo atazashobora guhigura.
Yabwiye Umuseke ko mu minsi itatu Eric yamaze muri Petit Stade atari umuntu wese ushobora kubikora. Ariko inshuro zose yagiye ajya kumutera udupira yasangaga akomeye.
Ati “Si Eric gusa ugiye mu mateka y’isi muri cricket. Ahubwo ni u Rwanda rwose muri rusange. Kuko uzajya ajya gusoma ibyo yakoze azajya avuga ati wa munyarwanda. Ibi rero bikwiye guha imbaraga urubyiruko no gushaka ikintu cyose cyateza imbere igihugu”.
Miss Jolly yakomeje avuga acyumva amasaha Eric azamara aticara cyangwa ngo abe yaryamaho isaha imwe yumvaga ari ibintu bitashobokera umuntu. Ariko yashimishijwe no kubona ayo masaha ayageza ubona agifite imbaraga.
Kuri gahunda ze afite agomba gukora nka nyampinga w’u Rwanda nk’imwe mu mihigo yahise ubwo yiyamamazaga, yakomeje avuga ko mu minsi mikeya hari igikorwa ashaka gukora ariko atavuga ahubwo abanyarwanda aribo bazagira icyo bakivugaho nyuma.
Joel Rutaganda
UM– USEKE.RW
English
4 Comments
Bravo Eric komerezaho
Mudusobanurire ariko munyamakuru. Muri make, cricket ni iki? Ni ukumara ayo masaha yose mumazi ubana nifi? Tubwire abagera kuri petit stade. Urakoze
Ubuse aya masaha yamaze ko ari make?
Twe twamaze amasaha ibihumbi dukanuye , turasana na adui kugirango ataduca mu rihumye akongera kumara abanyarwanda nko muri 1994 none uyu w’iminsi itatu ngo yanditswe mu mateka? yego ni byiza ariko natwe muzatwandikishe kuko twarakoze kdi tuba indashyikirwa! niba mbabeshyaumugabo nyakuri natanga ni Paul Kagame muzamubaze nimusanga mbabeshya muzance mu muryango nyarwanda!
wowe wiyise NTAREYAKANYWA vana ubutiku ahongaho.
Comments are closed.