‘Drone’ mu ifatwa ry’amashusho y’indirimbo ya Amag (Amafoto)

Mu ndirimbo ahuriyemo na Urban Boys ndetse na Bruce Melodie, Amag The Black yakoresheje akadege gato ‘Drone’ gafata amashusho yo mu kirere mu gufata amashusho y’indirimbo bise ‘Ziada’.

Uyu muraperi akunze kenshi kumvikana mu ndirimbo zitandukanye zivuga ku buzima busanzwe cyangwa se imwe mu migenzereze y’abakobwa mu rukundo.

Mu minsi ishize ubwo havugwaga igihuha cyo gutora abahanzi 10 bazajya mu irushanwa rya Primus Guma Guma Super Star, Amag The Black yatangarije Umuseke ko yujuje ibyo bazagenderaho byose ngo umuhanzi abe yakwitabira iryo rushanwa.

Bityo anavuga ko kuri we adakora indirimbo kubera gushaka kujya mu irushanwa ahubwo azikora nk’umuhanzi kandi nk’akazi kamutunze.

Iyo ndirimbo bise ‘Ziada’, avuga ko ari imwe mu ndirimbo zishobora kuzagira amashusho meza ugereranyije n’izindi z’abandi bahanzi cyangwa se izo yagiye akora mbere.

Joel Rutaganda

UM– USEKE.RW