Donadei ‘watozaga’ Rayon ati ‘reka byose mbimene hasi’

CHIEF EDITOR
10/21/2015

David Donadei yavuze amagambo menshi akomeye ashinja abayobozi ba Rayon Sports

*Ikiganiro n’abanyamakuru cyabereye mu mihanda mu Kiyovu
*Yashinja abayobozi ba Rayon Sports ubwambuzi, ruswa no kubeshya
*Ngo arataha n’indege ya nimugoroba kandi ajye kurega muri FIFA
*Yibaza impamvu abantu baza kureba Rayon bishyuye ariko ntihembe abakinnyi bayakoreye

Yavuze ko agenda n’indege y’uyu mugoroba kuri uyu wa gatatu nta kabuza ko ariko gusezera kwe, mbere yo kugenda yabanje guca kuri Ambasade y’Ubufaransa i Kigali, maze atumiza abanyamakuru ngo abahe ikiganiro cyabereye mu mihanda yo mu Kiyovu. Yavuze byinshi cyane ashinja abayobozi ba Rayon Sports ubwambuzi, ubuhemu, ubujura, ruswa ndetse no kumushakiraho undi mutoza agihari uyu mutoza nawe ngo bakamwaka 2 000 kugira ngo bamuhe akazi.

David Donadei yavuze amagambo menshi akomeye ashinja abayobozi ba Rayon Sports

David Donadei yatumiye abanyamakuru ngo bamusange kuri Ambasade y’Ubufaransa ahagana saa sita z’amanywa ngo baganire mbere y’uko agenda. Asohotsemo batangiye kuganirira mu muhanda ariko bakagenda bimurwa n’abakozi ba Ambasade ndetse n’abashinzwe umutekano bababwira ko bitemewe gukora ikiganiro n’abanyamakuru aho babaga bahagaze mu mihanda yo mu Kiyovu.

Yavuze ko agiye kujyana Rayon Sports mu burabera bwa FIFA kuko itubahirije amasezerano bagiranye, bishingiye ahanini ku kutamuha umushahara we.

Mu byo ngo bamuhemukiyemo harimo kutishyura Hotel yabagamo barabyumvikanye kugeza ubwo kuwa gatandatu nyuma y’umukino na Police FC bamuraje hanze ngo kubera amadeni iyi kipe irimo Hotel kuva 2013 ubwo Didier Gomez yahabaga.

Donadei yavuze ko usibye kutamuhemba no kutamuha uduhimbazamusyi twa match yatsinze ngo n’abakinnyi ntibahembwe ukwezi kwa cyenda.

Ati “Ni gute dukina imikino abafana bakaza kuri stade ari benshi bishyuye ariko abayobozi b’ikipe ntibahembe abakinnyi baba bayakoreye?”

Uyu mutoza yashinje abayobozi ba Rayon Sports ubwambuzi n’ububeshyi ngo kuko bakomeza kubeshya bavuga ko ari we udafite imyitwarire myiza.

David Donadei yavuze ko yababajwe no kuba abayobozi ba Rayon Sports baramushakiyeho undi mutoza w’Umubiligi kandi bagifitanye amasezerano, agenda agaragaza za e mails ngo yabonye banikiranye n’umutoza wundi bashaka kuzana ngo kandi bakamwaka 2000€ (Kuri Perezida wa Rayon n’ushinzwe Marketing) kugira ngo bamuhe akazi.

Uyu mutoza avuga ko ikintu gikomeye gitumye agenda ari ubwambuzi no kubeshya kw’abayobozi ba Rayon Sports ngo aza no kujyana mu butabera bwa FIFA yifashishije abamuhagarariye.

Ubuyobozi bwa Rayon Sports bwaraye butangaje biciye mu muvugizi wayo Olivier Gakwaya ko uyu mutoza ahagaritswe umukino umwe kubera imyitwarire ye, irimo gusebya ubuyobozi bw’ikipe.

Kugeza ubu ntacyo ubu buyobozi buyobowe na Denis Gacinya buravuga ku byatangajwe n’uyu mutoza ku gicamunsi cyo kuri uyu wa gatatu.

Donadei yagiranye ikiganiro n'abanyamakuru ahantu harenze habiri mu mihanda yo mu Kiyovu — Donadei yagiranye ikiganiro n’abanyamakuru ahantu harenze habiri mu mihanda yo mu Kiyovu

David Donadei yagize ati “nageze aha tariki 12 Nzeri. Nari nijejwe ibitangaza. Nageze i Nyanza agahinda karanyica. Nahasanze imipira 12 gusa igomba gukorewaho imyitozo n’abakinnyi 28 bose. nasanze bakora imyitozo nta mazi yo kunywa bafite, nabibajije abayobozi bambwira ko hari utubazo tw’amafaranga ariko ko bigiye gukemuka. Twakiriye umukino wa Mukura, twanakiriye AS Kigali, aya yose (amafaranga) se ubu mwavuga ko yagiye he? Abanyungirije Sosthene na Abdul bamaze amezi abiri badahembwa, ntabwo bibaho, komite ni ababeshyi cyane.”

Yakomeje anyomoza amakuru avuga ko yirukanwe muri Hotel kubera ko yateje akavuyo yemeza ko ari ikibazo cyo kutishyura, mu gutanga ibihamya yerekanye ikiganiro yagiranye na visi prezida wa kabiri wa Rayon sports Freddy Muhirwa aho yamusabaga kwihangana nyuma yo kugeza saa saba z’ijoro yabuze aho arara.

Donadei ati “Ubu ni ubutumwa yanyoherereje ati Tubabarire David, ni ikosa ryacu kuba tutarishyuye (Hotel). Nohereje amafaranga yo kwishyura sinzi impamvu batishyuye. Niba bishoboka wampaye nimero ya Perezida tukabiganiraho.”

Yongeyeho ati: “Ese mwe ubwo murabyumva? tekereza kuba visi presida adafite nimero za perezida akazinsaba. Ntababeshye ni abasazi. Ni abasazi rwose.

Icyo mugombva kumenya nuko aba bagabo bamuzwe na ruswa birenze. Dore izi ni Email (azerekana kuri telephone) Davis ushinzwe Marketing yandikiranye n’umutoza w’umubirigi Pascal Le Brun. Ni abagabo bamunzwe na ruswa cyane, uwo Davis amwandikira yamusabye amaEuro ibihumbi bibiri ngo abone ako kazi ko kuza gutoza Rayon sports y’abambuzi. Icyo mwamenya ni uko Bamba umuAgent wanjye ari nawe wa Pascal. Baratangaje rwose.

Ndabarega pe. Ibi byose mvuga mbifitiye ibihamya. Njye simeze nka ba Sosthene na Abdul bahorana ubwoba. Narababwiye ngo tuvuge ko badahembwa baranga ngo badahura n’ibibazo. Oya njye sindi nkabo, njye ndi umunyaburayi, mugomba kubaha amasezerano twagiranye.”

Usibye ibyatangajwe n’umuvugizi wa Rayon Sports kuwa kabiri nimugoroba, inshuro zose Umuseke wagerageje kuvugana n’umuvugizi wa Rayon ku byatangajwe na David Donadei kuri uyu wa gatatu ntabwo byashobotse.

Yatangiye avuga atuje ibyo ashinja abayobozi ba Rayon Sports

Ageraho akoresha amagambo akomeye cyane ndetse asoza arira

Photos/Umuseke

UM– USEKE.RW

32 Comments

kamanzi says:
10/21/2015 at 13:10

Nabyo ni APR ibiri inyuma ntegereje ko bagira ibyo bavuga hahahahaha
- Busamo says:
  10/21/2015 at 17:58
  
  Rayon nagati kateretswe nimana tuzanyura mubigeragezo byinshi ariko ibi panthere noire ntabwo yigeze ibidukorera burya akabi karuta akandi.Rayon Sport oyee forever
  - Mim says:
    10/22/2015 at 11:00
    
    Panthere noire ni iki?
    - Gatumwa says:
      10/22/2015 at 16:27
      
      Ngo Pantheres noire kiki? Yarikipe yabasilikari kimwe naza APR.

kibwa says:
10/21/2015 at 13:17

Hahaaa Erega aba Rayon bipassa miremire baba bayobewe uko ubukungu bwabo buhagaze!?

Juma says:
10/21/2015 at 13:27

Huuuuum nyamara Doandei wasanga avuga ukuri kuko nubundi siwe Rayon yaba yambuye kabsa ibuka caisse ya Raul shungu aho yageze, ndetse nubu Billy nawe arabarega 1200000 bamwimye nako bamuhejeje kandi ari na legend wayo.
ooooh bRayon baguhora iki Rayon iyi kipe yaramagiwe

karemera says:
10/21/2015 at 13:28

Shafi umuhunugu wa Boss Hadji
Davis umuhungu wa Boss La Bonne Adresse
Davis Gacinya umusore w’umukire wa Kakiru
Umuzungu arabandagaje walah!!! Ko ifaranga murifite ibintu bya 1/10 no gushaka kurigwiza kuri Rayon Sports mwabiretse koko?
Harya ngo ni Kimaranzara, ese mwayihaye njye wishonjeye ko mwe isente muzifite?

Ohhh Rayoooooooooooon

MUMARARUNGU REVELIEM says:
10/21/2015 at 14:23

ABARAYON PORRY PORRY , BYABA BIBABAJE NIBA IBYO BAVUGA ARI UKURI PE.

Narayobewe says:
10/21/2015 at 15:04

Wese ko atavuze ayo yatanze kugirango bamuhe akazi!
Rayon ibyo bazakuvuga byose ntibizatuma tukuvaho.
Aho uzajya hose nzagusangayo! Munsi y’igitanda nzabariza yo!
Ariko ubuyobozi bwa Rayon Sport what’s wrong with you? Abafana tugomba ibisobanuro tukamenya aho bipfira.

Umuco says:
10/21/2015 at 15:06

Hahahhahahaa !! C`est vraiment setsant.

meddy says:
10/21/2015 at 15:38

wiriwe,ibi bintu birababaje rwose kubona umuntu wumugabo ,arira,ubuse koko ikibazo Cya rayon sport nind’uzagikemura koko.

tugirango hatow’abayobozi kumbi hatowe abaje kwishakira amaramuko.Imana nitabare abakunzi bâ rayon sport.

Banyangiriki says:
10/21/2015 at 15:38

Amafaranga y’amamiliyoni atangwa buri mwaka n’ubuyobozi bw’Akarere ka Nyanza bayakoresha iki niba batayahemba abakinnyi.
Mumenye ko aya mafaranga aturuka mu misoro y’abanyarwanda agomba kubonerwa impapuro ziyasobanura! Bitabaye ibyo azabahagama.

kim says:
10/21/2015 at 15:54

Oh Rayon pole sana, mwihangane ubwo se kandi ni APR ni De Gaule se abasifuzi cyangwa ni Ferwafa, sha mwakwermeye mukava mumatiku tugakina umupira abo barimo kwiba bakarya ducye bakishyura abadukoreye!!! Ntabwo aribyiza mwisubireho.

jasmine says:
10/21/2015 at 16:14

Igisubizo cya rayon nge ndagifite,.abayobozi ba rayon nibayiteze cyamunara,igurwe numuherwe,ufite cash,ubundi ikibazo cyamadeni kizaba,gikemutse,.ikindi uwomuherwe,agomba kugira,uburenganzira,% kuburyo,ntamuntu numwe,ugomba kumuvangira habe,na leta,yee. Ubundi urebe uko gikundiro iba ubukombe. Nsoje,ibyo ngiranti mubayigura mange ndimo,urebe uburyo mpindura,izo nduru,za hato,na hato
- Ndabaza says:
  10/22/2015 at 05:27
  
  Ikibazo rero se bayigurishije uwayigura yamenya ayigura nande n aba rayon??? Nabayobozi bayo ubundi mubyukuri iyi kipe niyabande???

Patrick says:
10/21/2015 at 16:31

Izo ngirwa bayobozi za Rayon, uretse no kwica ikipi barasebya n’igihugu cyacu…
- mimi says:
  10/21/2015 at 20:21
  
  Mwirinde kubahuka Komite ya Rayon ahubwo dusabe iduhuze idusobanurire ibirimo kuba. Ariko please sibyiza kuvuga ibyo utabonera igisobanuro. Umbabarire ni ukuguhana ngo utazongera ahubwo uburere burubaka ntibusenya.

BIGANGO says:
10/21/2015 at 16:58

ndababwiza ukuri nkunda rayon ariko bayobozi mwisubireho ndaziko abanyarwanda dutinya kuvuga gusa kubera siko biri mureka kurya meshi mwarihaye nimutware duke ikipe itere imbere icyo mbona muri rayon abayobozi bayikundira ko ibaha umugati ariko ntibayikunda byo kumutima naho twe abafana tuyikunda byo kumutima turishyura mukitwarira abakinnyi bakarya umuyaga plz twinjiza meshi nimwishyure muve mubuhemu ngaho reka uyu atugeze yo urebe ngo murayamuha mushyizeho namande.

Munyarwanda says:
10/21/2015 at 18:27

Inyana niya mweru !!!

Iyi kipe iyobowe ni ndoresore zi Gikondo utazizi arazibarirwa !!!

Izo cash mubabonana muzabaze inkomoko yazo muzumirwa kuko bazikuye mu mahugu masa !!

Rayon barasiga bayicucuye

dani says:
10/22/2015 at 03:45

ariko ubundi ubundi nuyumutoza ashobora kuba ari umunyenzara.twese abakozi ntidushobora kumara namezi4 ?sindengera ubuyobozi,ariko nuyumutoza inzira acishijemo ikibazo sizo.bamuhe ubwo busa bwe yitahire ndabona adashobotse.ukwezi niminsi12 akavuga sngana kuriya?gusebya ba bos be?akwiye ingando kuko ndabona hari hakirikare
- Kalisa Albert says:
  10/22/2015 at 12:31
  
  ahubwo agize neza kuko mwirirwaga mubeshya ngo muri abayobozi. nimwu bahirize amasezerano mwamenyereye kwambura none ngo ni umunyenzara!!! mumwambure rero aceceke! ahaaaaaaa!!

dani says:
10/22/2015 at 03:57

twibukeko amafaranga agira inzira nyinshi acamo ngo asohoke ndabona hari hakiri kare kugeza aho atukana.reka dutegereze ubuyobozi bwa rayon uko buri busobanure ikibazo.ariko nkabagabo babanze bamuhembe

MUHABURA says:
10/22/2015 at 05:18

Erega uyu mutoza ntabeshya, ibyo avuga ntawe utabibona kuko ntiwashobora gusobanura aho bashyira amafaranga yose baba binjije ku mikino n’ubwo rimwe na rimwe aba atari menshi ariko mbona harimo amanyanga mesnhi! None se niba bavuga ko ikipe ifite ibibazo by’amafaranga kuki mbona barwanira kuyiyobora, ni uko baba bazi inyungu bakurikiyemo! Ikindi tugomba kumenya ni ubwo uyu mutoza yaba adafite imyitwarire myiza nk’uko abayobozi ba Rayon babivuga, ntabwo wambwira ukuntu badashobora kwishyura ahantu arara kandi biri mu masezerano! ikindi niba babona badashobora guhemba aba batoza baba bazanye kuki badashaka umwene gihugu ubishoboye, kuki batagura abakinyi badahenze ko bahari….., Rayon turagufana ariko wabuze abayobozi, uyoborwa n’ibisambo!!!!!!!!!!!!!!!!!!!!!!!!!!!!!!!!!!!!!!!!!!!

NZABANDORA says:
10/22/2015 at 05:55

Ibibera muri Rayon Sport birababaje cyane. Bayobozi mwagiriwe inama kenshi murazanga. Ntimwagombaga kuzana umutoza w’umunyamahanga musize KAYIRANGA Jean Baptiste wagaragaje ubushobozi mu gihe mwangaga kumwongerera amasezerano. Birababaje cyane. Kugeza n’aho Umutoza asohorwa muri Hotel ngo ntimwishyuye? Ntibikwiriye gukora ibirenze ubushobozi mufite. Mukwiye kubitekerezaho neza mugafata ingamba zirimo kubaka n’aho ibi ni ugusenya isura y’ikipe hatirengagijwe n’isura y’igihugu. Abajyanye FIFA noneho byagenda gute? Ibya Raoul aho byageze ntimuhazi? Hakenewe ubuyobozi butekereza ejo heza h’ikipe aho kwizeza ibitangaza bitazashoboka. Murakoze.

RUGERO says:
10/22/2015 at 06:18

KAREMERA WITWIFATIRA GACINYA NI UMUNYA GIKONDO . NAHO BARIYA BA PETITS BARI KUYOBORA IRIYA EQUIPE NTAYO BAZASHOBORA.

SIBYO says:
10/22/2015 at 07:06

NITUVUGA KO ARI EQUIPE YAZA MAYIBOBO MUBABARE.

gaspacyi says:
10/22/2015 at 09:21

oh rayooon
HUMURA TUKURI INYUMA

Bintunimana says:
10/22/2015 at 09:27

Ariko se mwibwira ko uburyo muzinzika abanyarwanda bagatuza ari nako abera babemerera! Muri iki gihe umuntu arashira ntavuge ngo atubikirwa imbehe cyangwa agahimbirwa ibindi byaha! Rayon sport murabizi neza ko muba mu kinyoma n’amanyanga mu micungire y’umutungo wanyu.Abakinnyi ntibabona ibyo bagakwiye kubona. Gusa barituriza kuko nta ruvugiro. Abatoza nabo baremera bagafatwa uko mubafata kuko muzi mwese imibereho uko imeze muri uru Rwanda.Ibyo byo gutekinika no kwentimida abantu rero ngo ntibavuge akarengane kabo, twe turabimenyereye ariko umwana w’umuzungu ibyo ntiwabimuzanaho. Reka abashyire hanze! Erega si Rayon gusa n’andi makipe uwayashungura ntiyayaburamo inkumbi. Mwirirwe da !

dudu says:
10/22/2015 at 10:21

BIRABABAJE!

simba says:
10/22/2015 at 10:30

birababje uyu mwera ashobora kuba avuga ukuri burya ntamugabo upfa kurira gusa imicungire ya equipe yacu ntabwo inoze na gato kubera ko abayobozi benshi bajyaho baharanira inyungu zabo mubyukuri duheruka ibyishimo kubwa Maire naho abandi bose ni ugusahurira mu nduru.