Didier Gomes ati" abakinnyi tumaze kugura baranyuze"
Didier Gomes Da Rosa, umutoza w’ikipe ya Rayon sports aratangaza ko ashimishijwe n’abakinnyi Rayon imaze kugura kugira ngo bazayifashe muri shampiyona y’umwaka utaha wa 2013/2014. Ashimira kandi Murenzi Abdallah, Perezida wa Rayon n’abafana b’iyi kipe bagize uruhare mu igurwa ry’abakinnyi bose Rayon Sports imaze kugura.
Gomes avuga ko n’ubwo ari mu biruhuko mu Bufaransa avugana buri munsi na Murenzi, Perezida wa Rayon ndetse na bamwe mu banyamuryango ba Rayon kugira ngo amenye uko ikipe ye ihagaze umunsi ku munsi.
Yagize ati “Nashimishijwe cyane n’uko abakinnyi twari dufite badufashije gutwara igikombe cya shampiyona bose twabagumanye usibye Bagoole Johnson wagiye muri Kenya.”
Akomeza avuga ko yasabye Mayor Abdallah ko yamushakira umukinnyi ukomeye ku mwanya we, ariko ngo yashimishijwe na none n’abandi bakinnyi bashya baguze kandi ngo abo bakinnyi bose yarabakurikiranye ni abakinnyi beza.
- Nguko uko Gomes yatangaje ku rubuga rwe rwa Facebook
Umutoza wa Rayon avuga ko abo bakinnyi bashya bose nabo bazagira uruhare mu kugira ngo Rayon yitware neza uyu mwaka, ariko bishobotse hakongerwamo umukinnyi umwe cyangwa babiri bo kongeramo ingufu.
Gomes avuga ko ashobora kugera mu Rwanda mu mpera z’iki cyumweru niba bidahindutse, kugira ngo atangire atoze Rayon yitegure shampiyona n’imikino mpuzamahanga izahagarariramo u Rwanda.
Rayonsports.net
JD Nsengiyumva Inzaghi
UM– USEKE.RW
English
0 Comment
ariko uyu ngo ni GOMEZ aransetsa!ngo yaranyuzwe!azakora iki se ahubwo ko uyu mwaka azarira!azasigara yoza amasahane
ariko karisa ni muntu ki?uri umuhanuzi sinzi niba uri umukinnyi cg se umufana ariko icyo waba uri cyo cyose uhobora gusanga ari wowe urize menshi kurusha Gomez
Muhame hamwe ahubwo ikipe Blue yaje, muravuga se ahubwo mutarabona itambikanye icy’Afurika, erega na Bararugigana bamenye ko iyi kipe ikunzwe cyane, bakaba bagiye kuyitera inkunga, ahasigaye ibyo koza amasahani uvuga ikabisigira mukeba. Ndavuga APR. Oh Rayon!
Haaa Kalisa we wivunika ibyo uvuga nawe uziko bitazabaho nibyifuzo byawe wibagiwe kubyongereho
UWAGUTSINZE NTAHO YAGIYE…..
UBYEMERE CYANGWA UBUBIHAKANE RAYON SPORT IFITE INGUFU WEEEEEE!!!!
RAYON SPORT
OYEEEEE
OOOO GIKUNDIRO CYACU TUZAGUHORA IRUHANDE
erega bavandimwe murapfa ubusa gufaana nukwishimisha ahubwo na kalisa nahindure aze twifanire ikipe igezweho bitari ibyo uzasaza imburagihe.
Comments are closed.