Diamond yataramiye i Nyamata, ashima uburanga bw’abanyarwandakazi

Roben Ngabo
07/03/2017

Diamond Platnumz wataramiye ibihumbi by’abantu i Nyamata, abona abakobwa b’abanyarwanda ari beza ariko bitinya

Nyamata- Umuhanzi w’umunya-Tanzania Diamond Platnumz yataramiye ibihumbi by’abanyarwanda mu mujyi wa Nyamata. Uyu mugabo wishimiwe na benshi biganjemo inkumi, yashimye cyane uburanga bw’abari b’abanyarwanda, gusa ngo abaziho kwitinya gukabije.

Mu ijoro ryo kuri iki Cyumweru rishyira kuwa mbere tariki 3 Nyakanga 2017 nibwo habaye igitaramo ngarukamwaka ‘Rwanda Fiesta’. Inshuro ya mbere yacyo yabereye mu busitani bugari bwa Hotel Golden Tulip La Palisse.

Iki gitaramo cyatangiye saa 20:28 cyitabiriwe n’abahanzi batandukanye barimo Dj Pius uzwi mu itsinda Two4Real ubu ryasenyutse. Uyu mugabo wabimburiye abandi ku rubyiniro yigaragaje mu muziki w’umwimerer (Live Music). Indirimbo ze nk’Agatako na Wabulila Wa ni zimwe muzashimishije abari aho.

Dj Pius yakurikiwe na Charly Na Nina, Yvan Buravan na Uncle Austin. Aba banyarwanda bamaze kuririmba hafashwe iminota isaga 40 hakosorwa amajwi ya ‘Live’ kuko ibyuma byari byabanje kugorana. Byatumye abitabiriye bafata umwanya munini basusurutswa na DJ Buckz.

Nyuma abanyarwanda bakurikiwe n’abahanzi baturutse hanze y’u Rwanda. Bitadukanye n’ababanjirije ku rubyiniro, aba bahanzi bo bakoze umuziki uteri ‘Live’. Chege Chingunda uzwi mu itsinda Tmk Wanaume, Vanessa Mdee na Morgan Heritage itsinda ryavuye muri Leta zunze Ubumwe za America.

Ku isaha ya saa 01:19 nibwo uwari utegerejwe na benshi Naseeb Abdul Juma bita Diamond Platnumz yageze ku rubyiniro, yinjirira ku ndirimbo yise ‘Mbagala’ yamenyekanyeho muri 2012.

Nyuma yo gususurutsa abari i Nyamata, Diamond yagereranyije abakobwa bo mu Rwanda n’abo muri DR Congo aho yakoreye igitaramo kuwa gatandatu tariki 1 Nyakanga 2017.

Avuga ku buranga bw’abanyarwandakazi yagize ati: “Biratangaje kubona abantu beza kandi benshi bari hamwe. Buri muntu uje mu Rwanda buri gihe nicyo agomba kwitega. Gusa mbaziho kugira isoni bitandukanye n’abaturanyi banyu b’i Goma ho nta soni nyinshi bagira kandi uwo bishimiye mu gitaramo nk’iki baribyinira.”

Kuba Diamond abona abanyarwandakazi bitinya byatumye afata iminota 15 mu masaha hafi abiri yaririmbye, ahamagaraga abakobwa babishaka ubundi babyinana indirimbo ze zamenyekanye nka; Kidogo, Marry Your (afatanyije na Ne-Yo), Nana (afatanyije na Mr Flavour) n’izindi nyinshi.

Iki gitaramo cyasojwe saa 03:28 nubwo cyabereye hanze y’umujyi wa Kigali mu karere ka Bugesera ntibyabujije abatuye Kigali kukitabira ku bwinshi.

Bihera ijisho abahanzi bakundaBihera ijisho abahanzi bakunda — Bihera ijisho abahanzi bakunda

Abahanzi b'abanyarwanda babanje ku rubyiniro barimo DJ Pius bigaragaje muri Live music — Abahanzi b’abanyarwanda babanje ku rubyiniro barimo DJ Pius bigaragaje muri Live music

Charly na Nina nabo bati 'MFATA UNKOMEZE'Charly na Nina nabo bati 'MFATA UNKOMEZE' — Charly na Nina nabo bati ‘MFATA UNKOMEZE’

Umwe mu bahanzi bagezweho mu Rwanda Yvan Buravan atera Just Dance yakunzwe na benshi muri Rwanda Fiesta

Uncle Austin wari umushyushyarugamba (MC) yanyujijemo aririmba 'URWO NKUKUNDA' yakoranye na Buravan — Uncle Austin wari umushyushyarugamba (MC) yanyujijemo aririmba ‘URWO NKUKUNDA’ yakoranye na Buravan

Chege wari umaze imyaka myinshi atigaragaza mu muziki mu karere ka Afurika y'Uburasirazuba nawe yitabiriye iki gitaramo cyo gutangiza Wasafi mu Rwanda — Chege wari umaze imyaka myinshi atigaragaza mu muziki mu karere ka Afurika y’Uburasirazuba nawe yitabiriye iki gitaramo cyo gutangiza Wasafi mu Rwanda

Vanessa Mdee yigaragaje mu ndirimbo ze nka Juu, Never Ever na Come Over

Imyambarire ye n'ababyinnyi be yatangaje benshi — Imyambarire ya Vanessa Mdee n’ababyinnyi be yatangaje benshi

Morgan Denroy (Gramp), Morgan Ray , na Morgan Peter, bagize itsinda rya Morgan Heritage bataramye biratinda, Reggea inyura benshi

Igitaramo lcyabereye i Nyamata kitabiriwe na benshiIgitaramo lcyabereye i Nyamata kitabiriwe na benshi — Igitaramo lcyabereye i Nyamata kitabiriwe na benshi

Diamond n'abashinzwe umutekano we baza ku rubyiniro — Diamond n’abashinzwe umutekano we baza ku rubyiniro

Diamond yaririmbaga ajyana n'imbyino z'aba basore — Diamond yaririmbaga ajyana n’imbyino z’aba basore

Imyambaro y'umutuku n'umweru niyo yaserukanye muri iri joro — Imyambaro y’umutuku n’umweru niyo yaserukanye muri iri joroImyambaro y’umutuku n’umweru niyo yaserukanye muri iri joro

Abanyarwandakazi bamweretse ko bamwishimiye karahava, ingatira zirabyinwa biratinda

Nubwo Diamond avuga ko abakobwa bo mu Rwanda bitinya, aha bamwerekaga icyo bashoboye mu kubyina

Nyuma y'igitaramo ni uku yaherekejwe — Nyuma y’igitaramo ni uku yaherekejwe

Photo:Ishimwe Innocent &E.Mugunga/Umuseke

Roben NGABO

7 Comments

Kanyange says:
07/03/2017 at 10:02

Nubundi zimwe muri gahunda ziba zizanye aba biyita abahanzi ni ukuza kureba ba banyarwandakazi b’umutima muke bahora bari stand by gufungura ukuguru bakerekana ubutunzi bahawe maze idorari rikinjira. Erega abanyamahanga bamaze kumenyako ibyo twibitseho kuburyo bamanuka baje gufata ku bwahuro. Gusa utinze azanyagwa ni umugabo uhora abunza yakobo n’umugore uhora abunza chantal, bigeraho bikaba expired cyangwa bikazamo imungu kuburyo bose babitinya. Kwishima Yes, ubusambanyi No
- hesron says:
  07/03/2017 at 10:41
  
  karabaaye…. nta rutangira.
- MAISHA says:
  07/03/2017 at 11:12
  
  @Kanyange we ibyouvuze ni ukuri kwmbaye ubusa.mbabajwe n urubyiruko bahindutse ibirumbo kuberaizi ngirw abahanzi.

Call says:
07/03/2017 at 10:40

Kogeza bwiza bw’abanyarwandakazi bisa no gushyira imbere ingeso y’uburaya n’ubusambanyi. Kuki ubwo bwiza bubonwa iyo hari abagiye imbere kuzunguza amabuno …? Kuki butavugwa mu by’ubwenge cg mu gutanga ibitekerezo byubaka igihugu ?!

Fils Claude says:
07/03/2017 at 11:09

Iterambere ni ryiza kandi ni ribi biterwa n’icyo urikurikiyeho.Abahitamo ibi bitaramo ntabwo ari bibi ariko na none batwawe n’ibikorerwamo bibagiraho ingaruka mbi nyuma.

ndahayo says:
07/03/2017 at 15:57

ubucuruzi bw’abanyarwandakazi burakataje ni ukubamamaza menya bagurika ntibarata ariko narumiwe isi iratembagara tureba koko

Fafa says:
07/03/2017 at 17:49

U Rwanda ruzwiho kugira abakobwa beza. Twitonde ejo bitazongerwaho “baniyandarika”. Buri mu nyamahanga akumva ko abaje kugura. (Ubukene weeee…..)

Comments are closed.

Share this:

7 Comments