Depite Hon. Nyandwi Desire yitabye Imana

Martin NIYONKURU
10/14/2016

Hon Nyandwi Desire witabye Imana, yari ari mu nteko Rusange y’Abadepite

UPDATE: Umuhungu we usanzwe uba mu mahanga yari yaraye ageze mu Rwanda…

Mu kiganiro kigufi yagiranye n’Umuseke, umuhungu wa nyakwigendera, witwa Adrien yavuze ko yageze mu Rwanda mu ijoro ryakeye avuye mu gihugu cya Kenya aho asanzwe akurikirana amasomo ya kaminuza.

Uyu mwana wa nyakwigendera avuga ko nta byinshi yavuga ku rupfu rw’umubyeyi we gusa ngo mu ntangiro z’iki cyumweru ni bwo yabahamagaye ababwira ko yarembye.

Umuseke kandi wavugishije Umunyamabanga Mukuru w’umuryango wa FPR Inkotanyi, Francois Ngarambe, avuga ko nta byinshi yavuga ku rupfu rwa Hon Nyandwi wari umunyamuryango w’iri shyaka anarihagarariye mu nteko Ishinga Amategeko.

Mzee Ngarambe avuga ko Umuryango wa FPR Inkotanyi wifatanyije n’umuryango wa nyakwigendera muri ibi bihe by’akababaro.

Umwe mu Badepite atangarije Umuseke ko Hon Nyandwi Desire yari amaze iminsi biri gusa arwaye.

Imirimo yari iteganyijwe mu Nteko Ishinga Amategeko yahagaritswe nyuma y’urupfu rwa Hon Nyandwi Joseph Desire.

Umunyamakuru w’Umuseke uri ku kicaro cy’Inteko Ishinga Amategeko, ahari kubera ibikorwa by’Umunsi wa Demokarasi, byasubitswe.

Abadepite bagize Komisiyo yo gukurikirana imikoreshereze y’Imari ya Leta, (PAC) bari bagiye kwakira Ikigo cy’Igihugu cy’Iterambere, RDB, na byo ngo ntibiri bukorwe. Aba badepite bariho baganira ku mpfu zitunguranye ziri kuba muri iyi minsi, banagaruka ku rupfu rwa mugenzi wabo witahiye muri iki gitondo.

Mu gitondo cyo kuri uyu wa Gatanu, umwe mu bagize Inteko Ishinga Amategeko y’u Rwanda, Hon Nyandwi Desire yitabye Imana, gusa nta makuru y’icyamuhitanye aramenyekana.

Hon Nyandwi Desire witabye Imana, yari ari mu nteko Rusange y'Abadepite — Hon Nyandwi Desire witabye Imana, yari ari mu nteko Rusange y’Abadepite

Umwe mu bagize Inteko Ishinga Amategeko, abwiye Umuseke ko mugenzi wabo, Nyandwi Joseph Desire yitabye Imana mu gitondo cyo kuri uyu wa 14 Ukwakira.

Ati “Batumenyesheje ko yitabye Imana ariko nta yandi makuru turamenya.”

Hon Desire Nyandwi witabye Imana, yari asanzwe ahagarariye ishyaka RPF – Inkotanyi mu Nteko Ishinga Amategeko.

Ku rubuga rwa Twitter rw’Inteko Ishinga amategeko y’u Rwanda, yemeje aya makuru y’akababaro ko nyakwigendera Depite Nyandwi Desire yapfiriye mu bitaro byitiriwe Umwami Faisal ku Kacyiru.

Amateka ya hafi ya Hon Nyandwi Desire:

Yavukiye mu karere ka Nyamagabe mu 1954, afite impamyabumenyi y’ubwenjeniyeri mu by’ubuhinzi bujyanye no kurinda ibihingwa.

Yari Umudepite uhagarariye FPR – Inkotanyi mu Nteko Nshingamategeko, yari umwe mu badepite icyenda (9) bo muri Komisiyo y’Imibereho myiza y’Abaturage.

Yabaye Prefet wa Gitarama (Ubu Perefegitura ntizikibaho) kuva mu 1994 – 1999. Yabaye Minisitiri y’Ubutegetsi bw’Igihugu, 2000-2002.

Nyandwi yagizwe depite mu Nteko y’Inzibacyuho 2002-2003, ndetse nyuma akomeza kuba Depite kugeza ubu yitabye Imana.

Hon Nyandwi Desire hano yajyaga impaka na bagenzi be b'Abadepite mu bijyanye no guhindura ingingo ya 101 y'itegeko nshinga — Hon Nyandwi Desire hano yajyaga impaka na bagenzi be b’Abadepite mu bijyanye no guhindura ingingo ya 101 y’itegeko nshinga

UM– USEKE.RW

22 Comments

Mr Gaga Aboud says:
10/14/2016 at 10:37

Yooooooh???? Imana imwakire mubayo
Abasaza bacu barikuducika pe! Dusigaye he?

N S says:
10/14/2016 at 10:37

Nibyo se Nyandwi yari ahagarariye PSD? ko ubanza ari FPR. Mwongere musuzume neza.

k c says:
10/14/2016 at 10:50

Imana imwakire mubayo,murebe uko bimeze niba atiyahuye?

KAGIRANEZA says:
10/14/2016 at 10:54

Nyandwi ni FPR, mukosore inkuru. thx

KAMIKAZI says:
10/14/2016 at 10:56

IMANA IMUHE IRUHUKO RIDASHIRA

yvan shema says:
10/14/2016 at 10:59

imana imuhe iruhuko ridashyira,gusa mukosore ntabwo yarahagarariye PSD,ahubwo yarahagarariye FRP

umusaza says:
10/14/2016 at 11:02

nyandwi ni Inkotanyi si Umukombozi

irene says:
10/14/2016 at 11:34

imana imwakire mubayo

kaka says:
10/14/2016 at 11:35

RIP

salomon says:
10/14/2016 at 12:06

RIP Hon Nyandwi Desire

NOTATALL says:
10/14/2016 at 12:37

RIP @ Desire! Aheza mu ijuru, tuzahurirayo! Wayoboye Gitarama mu bihe bikomeye, ukomereza muri MINALOC no mu Nteko, kandi hose witwara neza! Usize umurage mwiza, kandi warakoze kubaka igihugu cyacu.

umugwaneza lili says:
10/14/2016 at 12:46

Imana imwakire mu bayo,aruhukire mu mahoro.ariko abari kubona ko yari ahagarariye psd murabibona nabi munkuru birasobanutse neza cyane .yari umudepite uhagarariye RPF.

ndacyayisenga sylver says:
10/14/2016 at 13:08

RIP

mmmm says:
10/14/2016 at 14:13

RIP Nyandwi. gusa ge ntamgiye kugira ubwoba kubuzima bw’abayobozi bacu. niyompamvu hari abenshi ubona batita kuri rubanda kuko baba bafite ubuzima butameze neza,kuva ubu numva mumyanya yohejuru bari bakwiye kujya babanza guzuma neza ubuzima bw’umuntu bagiye guha umwanya ukomeye.
- murenzi says:
  10/14/2016 at 19:59
  
  none se mbere ya 1994 yari ataravuka? Ko mutavuga ibyo yakoraga
  - Karama says:
    10/15/2016 at 12:49
    
    Nanjye Ntyo umvugiye ibintu.Usanga mu Rwanda abantu bose baravumbutse muri 1994 bavumbukana na dipolomi bavuka gutyo.

BUKAKA says:
10/14/2016 at 14:27

Nanjye ndibaza aho mukura ibya aba kombozi,mubisomye he? agire iruhuko ridashira.yatanze umusanzu mu kubaka u Rwanda tuzahora tumwibuka.

jano says:
10/14/2016 at 15:29

nawe azaherekezwe neza Tubisabe Imanaaaaaaaaa
- amahoro says:
  10/14/2016 at 18:12
  
  Rip

Manyinya says:
10/14/2016 at 20:12

RIP urasanga Mucyo Jean na Boss Rwabukamba bagutegereje kuri gate ngo baguhe kalibu,na beer zatangiye gufata ku bukonje

Kinyana says:
10/15/2016 at 10:18

Imana ikwakire mubayo iruhuko ridashi! kuko niwabo watwese by by!!

NANO says:
10/15/2016 at 22:31

RIP NYANDWI; ASIMBURWE VUBA. NAHANDI HENSHI BASIMBURE ABAKOZI CYANEMURIZA AMBASSADE. I BXL WAPI MUSIMBURE ABA SECRETAIRES CYANE GUSTAVE.

Comments are closed.

Share this:

22 Comments