Deepak, umwana wavukanye amaguru 8 n’amaboko 8 yarabazwe none ubu ameze neza.

Webmaster Marcel
10/05/2011

Uyu mwana w’umuhungu w’imyaka 7 Deepak, wo mu gihugu cy’ubuhinde wavukiye mu muryango ukennye cyane, yavutse ameze nk’impanga ariko undi mwana bahuje igihimba, aho mu gituza ariho hahingukaga amaguru n’amaboko by’icyasaga nk’impanga ye nk’uko ifoto zikurikira zibigaragaza.

Nkuko tubikesha Daily-mail, uyu mwana yahise amenyekana ahantu henshi cyane, aho bamwe bamufataga nk’intumwa ya shitani abandi nk’inyamaswa abandi bakamufata nk’ikigirwamana dore ko mu Buhinde bamera imana nyinshi.

Deepak Kumar mbere yo kubagwa (Photo internet)

Abayoboke b’idini rya Hindu bagendaga ibirometero byinshi baje kuramya no gusenga uyu mwana Deepak.

Deepak yaje kwerekezwa ku bitaro i Bangalore aho bamubaze bagamije gukoraho icyo gice gisa nk’icyu undi muntu kugirango nawe agire imiterere y’umubiri imeze nk’iy’abandi.

Kugirango abagwe yagombaga gutangwaho akayabo nkangana n’ama Euro ibihumbi mirongo itanu (50,000Euro), tutirengagije ko yavukiye mu muryango ukennye cyane.

Igitangaje ni uko mu masaha ane gusa, inzobere mu byo kubaga zo mu bitaro byitwa Fortis Hospital i Bangalore mu buhinde zari zirangije kumubaga neza kandi ku buntu.

Deepak Kumar yerekana ko amerewe neza nyuma yo kubagwa (Photo internet)

Deepak akunda byimazeyo umukina wa Cricket ndetse na mbere yo kubagwa yarawukina ariko afite imbogamizi z’ibyo bice by’umubiri bidasanzwe byari mu gituza cye.

Deepak Kumar akina Cricket (Photo internet)

Yagize ati: “Ubu nshobora kwiruka cyane nkasiga bakuru banjye babiri, kandi mbere ntago nabibashaga; nshimishijwe cyane nuko meze ubu, biranejeje cyane”.

Tubibutse ko ubu igihugu cy’ubuhinde kiri mubifite abaganga b’inzobere ku isi, aho bigaragara ko ubuvuzi bwaho bwateye imbere cyane.

Umuseke.com

24 Comments

Amigo says:
10/05/2011 at 16:20

Yooo! Imana ihabwe icyubahiro. Biranshimishije cyaneeee sinabona uko mbivuga
- alicekayirara says:
  10/06/2011 at 08:47
  
  Imana ishimwe kabisa.

kany says:
10/05/2011 at 17:00

IMANA Ihabwe icyubahiro. kandi bavandimwe mujye mumenya gushimira Imana pe!

fiona says:
10/05/2011 at 17:41

KANDI UBU WASANGA NKIYO AVUKIRA MUBANTU BATAGIRA UKWIZERA BARI KUVUGA BAGUSHIJE ISHYANO BITYO BIGATUMA BAMUTA CG BAKAMUHOHOSHA(BAKAMWICA)! RWOSE DUKWIYE GUKORERA UBUVUGIZI BW’ABANA NKABA BABA BARAVUKANYE IBIBAZO NKIBI BAMBURWA UBURENGANZIRA BWABO. BIRAHARI CYANE MU RWANDA USANGA ABABYEYI BAMWE BAHITAMO KUBAHISHA MU MAZU NKAHO ARI IGISEBO!?

Malabar says:
10/06/2011 at 07:18

Iiya foto ya nyuma itumye nibagirwa ayo nari maze kubona atarabagwa.Imana ni nkuru.

mn says:
10/06/2011 at 07:31

Mana ushimwe imirimo yawe iratangaje!

alin says:
10/06/2011 at 07:43

koko ntakinanira Imana.ndakwishimiye wa ka bogar we

KANYANGE says:
10/06/2011 at 09:13

Muraho? birandeze pe!!! DIEU est tout puissant.Tugomba kuyubaha kuko idukorera ibitangaza, nago wakwiyumvisha ukuntu uyu mwana yari kubagwa akabaho!!!!!

Julie says:
10/06/2011 at 09:19

Nukuri Imana yacu irahambaye. Babyeyi mukibyara, mujye musenga cyane kuko tugeze mubihe byanyuma Satani nawe arivanga cyane ariko Yesu nawe nicyo cyamuzanye kumukoza isoni,ariko dusenge cyane. Nanjye ndanezerewe cyane k’ubwuyu mwana.

DIOGENE says:
10/06/2011 at 11:18

TWISHIMIYE UBWOBUVUZI BWAKOREWE UWO MWANA MURWANDA NATWE DUKENEYE IRYO KORANA BUHANGA RIHANITSE.

Manirakiza says:
10/06/2011 at 12:00

Ni ukuri mureke tuzamure amashimwe ku Mana
yakoze ibikomeye.

Tx says:
10/06/2011 at 13:59

AMEN n’olwayz praise b 2 God

Gasana elias salim says:
10/06/2011 at 15:08

Mana icyubahiro nicyawe nukuri.amen.

yes yes says:
10/06/2011 at 15:37

iyo mbonye mwene biriya bintu jye naravutse ndi muzima ndavuga ngo mana uzushimwa kuba naravutse ndi muzima.

Angelique says:
10/07/2011 at 10:47

Imana ishimwe pe!!!!!!!!!!!!!!!!!!

Angelique says:
10/07/2011 at 10:51

Imana ihabwe icyubahiro

Alphonsine says:
10/07/2011 at 11:03

Mbega Ibitangaza, Amen!

François says:
10/07/2011 at 11:59

Birandenze gusa biratwereka ko turi mu minsi y’imperuka.Imana ishimwe cyane nyizamuriye amaboko

nick says:
10/11/2011 at 22:49

rwose ibi birandenze peeeeeeee.
gusa aka kabogai njyewe karanejeje ukuntu ntacyo bikabwiye kandi namagambo kavuze ni ayo ubwenge mutegereze muzaba mumbwira cyo uyu mwana azavamo.
buriya Imana yashakaga ngo imirimo yayo yerekanirwe kuri uyu mwana.
Gusa Mana uri nkuri kandi isi yose ibyange ibyemere uri nkuruuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuu

umubyeyi denyse says:
10/12/2011 at 09:32

OOOO MY GOD!NTAYE AMARIRA MBONYE AYA MAFOTO Y’UYU MWANA ATARABAGWA,NUMVA IKINTU KIMFASHE UMUBIRI WOSE NARI NGUYE MURI MACHINE,GUSA ICYUBAHIRO GIHABWE IMANA.KANDI NDASABIRA UYU MWANA UBUZIMA BWIZA NYUMA YO KUGIRIRWA IMPUHWE NA NYIRIBIREMWA.DIEU MERCI

Josiane says:
11/12/2011 at 11:39

yoooo..nshimye Imana cyane kubw’uyu mwana…nari narabonye amafotoye kera bataramubaga barimo kuvuga ikibazo afite none Imana ihabwe icyubahiro ubwo yakize akaba ameze neza…..iyaba abahinde bamenyaga ugukomera kw’Iyaremye ijuru n’isi!!ubu se bariya ba Hindu bazongera basenge iki kweli?abanyarwanda bariyo nibagende bababwirize babamenyeshe Ikora ibahambaye iyo ariyo bayubahe!!nifuriza n’uriya mwana kuzakorera Yesu kabisa!

mumu says:
11/16/2011 at 10:14

Agahinda nikiniga biranyishe ariko Imana igira neza pe kandi kuba yararemye isi nijuru igatandukanya amanywa n’ijoro hamwe nabanyabwenge tugomba kuyubaha Imana nigitangaza byose irabishoboye.{ngewe navuye muri etage ya3 kandi ndiho meze neza}

Vaola says:
11/23/2011 at 14:40

Ntacyo narenza kubyo bagenzi banjye banditse,gusa Imana iri ahera ihabwe icyubahiro kuko mu isi no mu ijuru ntawe uhwanye nayo.Nanjye ndashimira Imana kubwiyo mirimo yakoreye uwo mwana.Amen

arcade says:
12/02/2011 at 23:27

none se mu rwanda tugize ikibazo nka kiriya ubu twabona abaganga nka bariya kandi ba abanyagihugu tutarinze kwitabaza amahanga ??? Imana ihe umugisha abagiraneza nka bariya bamubaze ku ubuntu

Comments are closed.

Share this:

24 Comments