Darfur: Batangije umuhango wo kwibuka ku nshuro ya 20

Ingabo z’Afurika yunze ubumwe ziri mu butumwa bw’amahoro mu Ntara ya Darfur mu gihugu cya Sudani zitabiriye  umuhango wo gutangiza igikorwa byo  kwibuka ku nshuro ya 20 Jenoside yakorewe Abatutsi mu Rwanda igasiga yivuganye abasaga miliyoni imwe mu gihe cy’iminsi 100.

Abari bitabiriye uyu muhango bafashe umunota umwe wo kwibuka abazize Jenoside banacana urumuri rumurikira  inzirakarengane.

Mohammed Ibn Chambas, uhagarariye ingabo z’Afurika yunze ubumwe n’iz’Umuryango w’Abibumbye ziri mu butumwa bw’amahoro muri Darfur yavuze ko u Rwanda rumaze kwiyubaka k’uburyo ubu ari igihugu gihagaze neza.

Avuga ko kuri ubu u Rwanda rutanga umusanzu ukomeye mu bikorwa bitandukanye byo  kubungabunga amahoro ku Isi.

Yagize ati:”kuba hano hari  Abanyarwanda benshi na byo ni ubuhamya  bugaragaza ubushake u Rwanda rufite mu kubungabunga amahoro n’umutekano by’Afurika”.

Chambas avuga ko ibyabaye bitazongera kuba ahubwo ko abantu bagomba guharanira  kubaka ibigo bikomeye, guteza imbere abaturage mu bijyanye no kugira uruhare mu miyoborere , gushyira hamwe,  guharanira demokarasi no kurwanya ruswa.

Ismail Kajugiro Shyaka, Umujyanama wa kabiri  akanaba umuyobozi w’agategenyo ushinzwe intumwa z’ububanyi n’amahanga z’u Rwanda  ziri mu Ntara ya   Darfur yavuze ko bize uburyo Jenoside yabaye n’icyayiteye ngo  banashishikariza abaturage kuyirwanya ngo itazongera kubaho ukundi.

Shyaka avuga ko u Rwanda ruri mu bihugu bitandatu bifite abasirikare benshi bari mu butumwa bw’amahoro hirya no hino ku Isi . Agira ati:” Twizeye ko nta gihugu cyizanyura mu bihe nk’ibyo twanyuzemo, kandi nta nikizabura abantu kubera kwirengagizwa cyangwa kutagira igikorwa n’Isi.”

Abantu ibihugu 3000 bari mu butumwa bw’amahoro muri Sudani muri harimo ingabo , abapolisi n’abasivile.

Photos: Sulaiman Kalisa , Perezida wa Diaspora muri Sudani

RNP
ububiko.umusekehost.com