Chelsea na Demba Ba basezereye Manchester United

Igitego cya rutahizamu Demba Ba cyari gihagije ngo Manchester United isezererwe na Chelsea yahise ibona ticket ya 1/2 aho izahura na Manchester City i Wembley.

Igitego yatsinze abanje kwisimbiza mu kirere mu gice cya kabiri gitumya Manchester United ubu isigaye gushyira imbaraga zisigaye ku gikombe cya shampionat ahobarusha ba mukeba (City)amanota agera kuri 15.

Umutoza w’inzibacyuho Rafael Benitez yabashije kunezezwa no gusezerera mukeba we w’igihe kinini Sir Alex Ferguson, ndetse ubu afite icyizere ko ashobora kwegukana kimwe muri FA Cup na Europa League cyangwa byombi.

Ikipe ya Manchester United yakinnye none idafite Rooney ufite imvune yavanye mu ikipe y’Ubwongereza, ariko abakinnye bagerageje gusatira no gutera mu izamu gusa Petr Cech wagaruye imipira myinshi, irimo n’uwa Javier Hernandez yeteye n’umutwe benshi bari babaze.

Manchester yaari yishyuwe ibitego bibiri mu mukino ubanza bikaba bitumye ihita isezererwa muri FA, gusa ku cyumweru gitaha (tariki 7) ikazaba ifite urugamba rukomeye n’umuturanyi Manchester City kuri kibuga cya Old Trafford.

Naho Chelsea mu masaha 48 ari imbere ikaza kuba ihita ikina umukino wa 1/4 cy’irangiza cya Europa League aho izakina na Rubin Kazan i Stamford Bridge kuwa kane.

Usibye kuba United itari ifite Rooney mugenzi we Robin van Persie nawe yari yabanje hanze, gusa Rio Ferdinand yari yagarutse mu kugarira.

Naho kwa Chelsea, John Terry, Frank Lampard na Fernando Torres nabo bari babanje hanze, gutaha izamu byahariwe umunyasenegal Demba Ba.

Mbere y’uyu mukino amaso yari ahanzwe abatoza bombi Benitez na Ferguson ngo barebe ko bahana umukono nyuma y’uko Benitez atangaje ko Ferguson ku mukino ubanza aho banganyije 2-2 yanze kumuha umukono nyuma y’umukino.

Kuri uyu mukino Ferguson yategereje Benitez aho basohokera bunjira mu kibuga maze amuha ikiganza byihuse barakomeza. Biza kurangira Benitez asezereye uyu mukambwe muri FA Cup.

Skysports

Egide RWEMA
UM– USEKE.COM