APR FC yatangiye neza muri CECAFA Kagame Cup

Igitego kimwe cyinjijwe na Ngomirakiza Hegman nicyo giyumye APR FC ibasha gutangira neza iri rushanwa riri kubera muri Sudani, ibashinze gutsinda ikipe ya Elman yo muri Djibouti kimwe ku busa.

Muri uyu mukino utoroheye ikipe ya APR FC, ikipe ya Elman yabonye Penalti ariko ntiyabasha kuyinjiza mu izamu rya APR FC.

Abasore bato ba APR nka Nova Bayama na Sekamana Maxime bitwaye neza cyane  kuri uyu mukino nkuko umwe mu bakinnyi ba APR FC wari wicaye mu basimbura yabitangarije UM– USEKE.

Ikipe ya APR FC, iri gukinira ahitwa El Fasher, izongera gukina kuwa gatanu tariki 21 Kamena ihatana n’ikipe ya Merreikh, ku cyumweru bwo ikazahatana na Vitalo’o mu itsinda zihuriyemo rya A.

Kuri uyu wa kane tariki 20 Kamena nibwo ikipe ya Rayon Sports nayo ihagarariye u Rwanda iza gukina umukino wayo wa mbere ikina n’ikipe ya Electric Sports yo muri Tchad.

JD NDENGIYUMVA Inzaghi
UM– USEKE.RW