Byari bishyushye muri Salax Award Gala Night

Ku mugoroba wo ku wa kane tariki 21 Gashayntare 2013 abahanzi n’abanyamakuru batandukanye bari bahuriye mu kirori cyateguwe na Ikirezi group Ltd, muri corner view Bar –Restaurant, berekana abahanzi batandukanye bari muri Salax Award ku nshuro yagatanu, abanyamakuru bakaba baboneyeho nabo uwanya wo gutora.

Salax Award gala night, yari yitabiriwe kandi n’abantu baturutse impande zose harimo n’abateye inkunga iki gikorwa muri rusange. Muribo harimo uhagararariye MTN Rwanda cell Alain Numa, n’abandi batandukanye.

Umushyushya rugamba Mc Tino, yagiye aha buri muhanzi umwanya wo kugira icyo ageza ku bakunzi be mu magambo make. Abahanzi bose bashimiye abafana, kandi babasaba gukomeza kubaba hafi mubyo bategura byose, kuko ngo batabafite nta kintu kinini bakigezaho.

Mu ijambo uhagarariye Ikirezi Group Ltd, Kalisa Etiene yagejeje kubari bateraniye aho, yakomeje ashimira abaterankunga, abanyamakuru, n’abahanzi muri rusange kuba barabashije kwitabira Salax Award ku nshuro yayo ya gatanu, kuko sibose babishoboye. Yasoje ararikira abantu kuzaza ari benshi muri Serena Hotel ku itariki 08 Werurwe, ubwo hazerekanwa abatsinze irushanwa.

Plaisir MUZOGEYE
UM– USEKE.COM