Bwa mbere Knowless yakoranye indirimbo na Christopher

Ku nshuro ya mbere Knowless na Christopher bakoranye indirimbo ari babiri, nyuma y’aho hari hamenyerewe indirimbo nka ‘Rubanda na Kanda amazi’ zihuriyemo abahanzi bose bakorera mu nzu itunganya muzika izwi nka Kina Music. Aba bombi ubu basohoye indirimbo nshya bise “Wowe”.

Abandi bahanzi bakorera muzika yabo muri Kina Music nka Tom Close na Dream Boys bose bagiye bafitanye indirimbo bakoranye na Knowless.

Christopher na Knowless nibwo bwa mbere bakoranye indirimbo bise ‘Wowe’ bakoreye muri Kina Music igatunganywa na Producer Ishimwe Clement.

Aba bahanzi babwiye Umuseke ko kuba kuba bari batarakorana Colabo (gufatanya mu ndirimbo) ariko uko gusa igihe cyari kiratagera ngo bicare babivuganeho bahuze ubuhanzi bwabo bakore ikintu kimwe.

Christopher ari mu bahanzi nyarwanda ubu bari guhatana mu irushanwa rya Kora Awards, irushanwa rihuza ibihangange bya muzika muri Afurika. By’umwihariko we akomeza gusaba abanyarwanda kumushyigikira muri urwo rugamba mpuzamahanga arimo. Kumushyigikira ni uguca ku rubuga rwa  ‘Kora Awards Organisation’, kuri Facebookugakanda  ‘Like’ ukanashyiraho  ‘Comment’ wandikamo izina Christopher.

Umuhanzi Knowless we akavuga ko ubu ahugiye ku gutunganya Album ye ya gatatu azasohora mu kwezi kwa karindwi uyu mwaka.

Umva iyo ndirimbo ‘Wowe’ ya Christopher na Knowless hano.

Joel Rutaganda

ububiko.umusekehost.com