Bwa mbere, Abapolisi b’u Rwanda bagiye muri Sudani y’Epfo kugarura amahoro

CHIEF EDITOR
09/10/2015

Abapolisi burira indege ya UN ibajyanye South Sudan

Ni abapolisi 170 batojwe kandi bajyanye n’ibikoresho bya gisirikare bahagurutse mu gitondo cyo kuri uyu wa 10 Nzeri 2015 berekeza mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS). Nibwo bwa mbere Polisi y’u Rwanda yohereje abapolisi muri iki gihugu mu butumwa nk’ubu.

CSP Celestin Twahirwa umuvugizi wa polisi y’u Rwanda yavuze ko abapolisi b’u Rwanda bari basanzwe bari muri Sudani y’Epfo ari abakoraga imirimo y’ubujyanama no kwigisha.

Ati “Ariko aba 170 bagiye ahantu hari ibibazo by’umutekano mucye kuko hari aho imirwano yubuye, bagiye mu butumwa bwo gufasha mu kurinda abantu bavuye mu byabo, kurinda ibikorwa remezo cyane cyane ibya UN byashyizweho mu gufasha kubona umutekano.”

CSP Twahirwa avuga ko mu gihe byari bitekerejwe ko ari ngombwa ko hazanwa abapolisi bakoresha imbaraga mu kurengera abantu n’ibintu u Rwanda rwahise rutekerezwaho ruhita rusabwa kohereza aba bapolisi.

Ubu butumwa bw’abapolisi b’u Rwanda bari mu butumwa ba UNMISS buyobowe na ACP Rodgers Rutikanga wahoze akuriye Police mu mujyi wa Kigali.

Aba bapolisi bajyanye n’ibikoresho bya gisirikare bibafasha gucunga umutekano, bazamara igihe cy’umwaka bari mu gace ka Malakal kuri 165Km mu majyaruguru ya Juba. Aha ngo hamaze iminsi hari ibibazo by’umutekano mucye.

Aba bapolisi 170 bagiye harimo 40 b’igitsina gore basanzeyo abandi 28, Twahirwa uvuga ko ari ikintu cyo kwishimira ko umubare w’abagore bajya mu butumwa bwo kugarura amahoro bavuye mu Rwanda ugenda wiyongera.

Abapolisi 170 berekeza muri Sudan y'Epfo muri iki gitondo — Abapolisi 170 berekeza muri Sudan y’Epfo muri iki gitondo

Bagenda bahawe icyubahiro kibakwiye na bagenzi babo

Muri bo 40 ni igitsina gore bangana na 24%

Bagiye aho imirwano yubuye kurinda abavanywe mu byabo n’imirwano

CSP Twahirwa avuga ko aba bapolisi batojwe kandi bizeye ko bazakora umurimo batumwe neza

Indege ya UN ihindukira ngo ibahagurukane ku kibuga cy'indege cya Kigali i Kanombe — Indege ya UN ihindukira ngo ibahagurukane ku kibuga cy’indege cya Kigali i Kanombe

Photos/D S Rubangura/UM– USEKE

Daddy SADIKI RUBANGURA
UM– USEKE.RW

9 Comments

Edward says:
09/10/2015 at 14:42

yes this means trust .

Deo says:
09/10/2015 at 14:48

tubifurije akazi keza no gukora neza mu ndangagaciro za Kinyarwanda maze akazi kabo bazagasoze neza

Ruhumuriza says:
09/11/2015 at 06:17

tubifuruje akazi keza kandi twizeyeko bazabasangiza ibyiza byiwacu kuko tugeze kure kandi bazabigishe aho twavuye naho twigejeje twiyubaka mumahoro niterambere

Mutikuzi says:
09/11/2015 at 06:19

Polisi y’u Rwanda iri muzivugwa ku isi ko ikora kinyamwuga (Professionalism)! Muzabigaragarize amahanga iyo i rwotamsimbi turabashyigikiye

kagabo says:
09/11/2015 at 06:32

tubwishimiye cyane nubasagurire kumutekano dufite

Niyonkuru says:
09/11/2015 at 06:58

Nakundanye numukobwa yavyariye iwabo, ariko family yange irandemereye ngo ntituzashakane, namariage irihafi. Mumbwire, UMUKOBWA YAVYARIYE IWABO NIWE ABAMAZE GUKORA IMIBONANO MPUZABITSINA KURUSHA ABANDI?