Bruce Melodie agiye gushyira hanze album ya mbere yise ‘Ndumiwe’.

Bruce Melodie umwe mu bahanzi bamaze kugira uruhare runini mu gukundisha abantu kuririmba by’umwimerere ‘Live’ bitewe n’ibitaramo amaze igihe akora bakabona ari umwe mu bahanzi bazi ibyo bakora, agiye gushyira hanze album ye ya mbere azita ‘Ndumiwe’.

Ibi abitangaje nyuma y’uko mu minsi yashize hagiye havugwa ko ashobora kuba yaragombaga gushyirira hanze album rimwe n’umuhanzi Amag The Black bakunze gukorana indirimbo.

Mu kiganiro na UM– USEKE, Bruce Melodie yatangaje ko mu minsi ya vuba aza kuba ashyize ahagaragara gahunda yose uko iteye mu birebana n’igitaramo cye cyo kumurika album.

Mu bahanzi bashobora kuzaza gufasha Melodie mu gitaramo cyo gushyira ahagaragara album ye kizabera  muri Serena, hari babiri bakomoka mu gihugu cya Uganda ari bo Jamali na Fille baherutse gukorana indirimbo ubwo aherutse kujya muri icyo gihugu. Mu bahanzi bo mu Rwanda hazagaragaramo Mani Martin.

Reba amashusho y’indirimbo ‘Hallo’ izaba iri kuri album ya Melodie.

Joel Rutaganda
ububiko.umusekehost.com